Бу хакта бүген Татарстан Республикасының Гражданлык хәле актларын теркәү идарәсе коллегиясе утырышында Татарстан Республикасы Министрлар Кабинетының ЗАГС идарәсе башлыгы Альбина Шәвәлиева үзенең чыгышында әйтеп узды.
– Хәзер кызларның уртача кияүгә чыгу яше 29 га якынлашып килә, – диде ул. – Ун ел элек алар 25 яшьтә чыгалар иде. Бүгенгеләр гаиләне әби-бабаларыннан гына түгел, ә әти-әниләреннән дә соңрак төзи.
Аның чыгышында уйландырырлык саннар тагын булды әле.
* 2018 елда аерылышучылар саны, алдагы ел белән чагыштырганда, 1 процентка кимегән. 13 меңнән артык гаилә таркалган һәм аларның 62 проценты 10 елдан азрак бергә яшәүчеләр.
* Һәр бишенче гаилә – катнаш никахтан төзелгән.
* 2018 елда үлүчеләр саны 1,7 процентка арткан. 2015 елдан бирле республикада мондый хәл беренче тапкыр күзәтелә.
* Вафат булган ир-атларның 45 проценты 65 яшькә кадәр яши алмаган. Хатын-кызлар арасында бу күрсәткеч – 18 процент.
Гөлнур Хәсәншина,
Комментарий юк