Концертларга кайчан йөри башлыйбыз?

Җәй – күңел ача, концертларга йөри торган вакыт. Күп кенә артистларның куелырга тиешле программалары тамашачысыз калды, заллар буш торды. Журналистлар өчен оештырылган матбугат конференциясендә Мәдәният министры Ирада Аюпова зур булмаган концерт мәйданчыкларының июньдә ачылырга мөмкинлеге турында әйтте.
«Бүгенге ситуация киләчәктә ничек хәл ителәсе билгесез. Әмма яхшысына ышаныйк. Барлык саклык чараларын төгәл үтәгән шартларда, кечкенә залларның июнь ахырында ачылуы көтелә. Иң позитив фаразлар буенча концертлар июнь аенда була башларга мөмкин», – диде Мәдәният министры.