​«Кинофестивальне бәйрәм кебек көтеп алабыз!»

9 сентябрьдә XII Казан халыкара мөселман кинофестиваленең конкурс программасына кергән фильмнарны күрсәтү төгәлләнде. Шулай булса да кинозалларда тамашачы кимеми. Халык конкурс программасына кермәгән фильмнарга да яратып йөри.

Тамашачының күпчелеге – студентлар һәм пенсионерлар. «Иран режиссеры Һади Мохагхех төшергән «Үлемсезләр» фильмын карадым. Уйландырды. Тулысынча аңлау өчен тагын карарга кирәк. Фестивальдә шундый акыллы фильмнарның күп булуы куандыра«, – ди Казан дәүләт архитектура-төзелеш университеты студенты Рифат Гайнетдинов. 

Алмаз Гыйниятуллинның фестивальгә беренче тапкыр гына килүе түгел. «Бәйрәм кебек көтеп алам. Вакыт булганда, фильмнарга йөрергә тырышам. Быел Бангладеш, Иран, Әфганстан, Сербия фильмнарын карау насыйп булды. Кызганыч, Татарстаннан эшләр тәкъдим ителмәгән«, – дип сөйләде ул.

Беренче елларда фестивальнең исеме халыкта сораулар тудыра иде. Менә Анастасия Спиридонова да башта монда бары тик мөселманнар өчен генә фильмнар күрсәтелә дип уйлаган булган. «Мин үзем христиан динендә. Шуңа күрә башта фестиваль белән артык кызыксынмый идем. Бер дустым киңәш иткәч, өч ел элек барып карадым. Бактың исә, фестивальдә дин түгел, кешелеклелек идеяләре пропагандалана икән. Телевизордан көн дә үтереш-талаш күрсәтелгән заманда, мондый фильмнарны карау икеләтә рәхәт«, – дип, фикере белән уртаклашты ул.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан