Казан циркы үзгәрде! Күрергә телисезме?

Бүген, капиталь ремонттан соң, Казан дәүләт циркы үзенең ишекләрен кабат ачты. Бу тантанада Татарстан Республикасы Президенты Рөстәм Миннеханов та катнашты.

–​ Хәерле көн, кадерле балалар, әти-әниләр һәм кунаклар! – диде ул. – Капиталь ремонт тәмамлангач, циркта беренче кунаклар зур, ишле, үрнәк гаиләләр булырга тиеш дип, дип таптык. Бүген биредә бөтен республикадан килгән балалар утыра.

Безнең Казан дәүләт циркы хәзер барлык заманча таләпләргә җавап бирә ала дип
горурланып әйтә алабыз!



Президент әйтүенчә, капиталь ремонт өчен 1 миллиардка якын акча тотылган. Кыска гына вакыт эчендә, циркның төп бинасы гына түгел, ә бөтен комплекс (моңа цирк мәктәбе дә керә) яңартылган, төзекләндерелгән. Моның өчен Президент төзүчеләргә зур рәхмәтен җиткезде. Татарстан Президентының Рәхмәт сүзенә Казан дәүләт циркы коллективы да лаек булды.



Инде цирктагы үзгәрешләргә килгәндә. Аның архитектурасы элеккеге кебек калган. Ә менә интерьеры үзгәргән. Казан циркы хәзер Арлекино «костюмы кигән» дисәк тә була: бөтен җирдә (гардеробта, вестибюльдә, фойеда, тамаша залында) аның костюмындагы орнаментны – ромб төсле бизәкләрне күрәсең.

Ремонт в казанском цирке

Бөтен республикадан килгән мең ярымнан артык балага «Фиеста» тамашасын тәкъдим иттеләр.

 

Казан циркы турында берничә мәгълүмат:

*  Казан циркының Черек күлдә урнашкан иске агач бинасы янгын чыгып, бөтенләй янып бетә. Ярославль циркы бинасын нигез итеп алып, аларныкына охшаган бина төзергә уйлыйлар башта. Ә Казанның яшь архитекторлары беренче мәлдә башка сыймаслык булып күренгән идея белән чыгалар: «Ул «оча торган тәлинкәгә» ошарга тиеш!» – диләр. Моңарчы мондый бинаны дөньяда әле төзегәннәре булмый!

​ 

         * Конструкция ышанычлымы-юкмы? Төзелешкә тотыныр алдыннан төп  сорау шушы була. Җитәкчеләр хәтта проектны раслап кул куярга да бик озак  җөрьәт итмиләр.

 

     * 1967 елның 7 ноябрендә Казан циркы беренче тамашачыларын кабул итә. Ачылыш алдыннан, 4 нче ноябрьдән 5 нче ноябрьгә каршы төндә аның ныклыгын тикшерәләр: здания эченә 2 меңнән артык солдат китереп тутыралар. Архитекторлар һәм проект авторлары цирк гөмбәзе астына кереп басалар, ә солдатлар тамашачылар урыннарына утыралар.

 

* Цирк уникаль конструкциягә ия булса да, аның өстендә күзәтү майданчыгы юк. Проектны ясаучылар башта аны планлаштырсалар да, соңрак бу идеядан баш тарталар.

фото: Татар-информ

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9045
    10
    105
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9116
    8
    74
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4853
    4
    57
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6081
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан