Камил Сәмигуллин: Болгар ислам академиясе — замана таләбе!

Бүген Татарстан мөфтие Камил хәзрәт Сәмигуллин журналистлар белән очрашты.
Ул республикабызда узачак дини чаралар, быелгы рамазан аеның үзенчәлекләре турында бәян итеп узды.

Мөселман дине лидерыбыз хәбәр иткәнчә, узган атнада ТР МДНнең Голәмәләр шурасы әгъзалары һәм казыйлар очрашып 2016 елга зәкат нисабы күләме һ.б дини чаралар турында фикер алышканнар. 2016 елга зәкят нисабы күләме - 224000 сум, фитыр сәдака нисабы күләме - 21600 сум.

Татарстан мөселманнары уразаны 6 июнь көнне тота башлый. Беренче тәравих намазы 5 июньдә. Мәчетләрдә тәравих 20 рәкәгать укыла. Уразадагы беренче 10 көн – рәхмәт көннәре, икенче 10 көне – мәгъфирәт (гафу итү), өченче 10 көне Аллаһының рәхмәтенә ирешү көннәре дип атала.

4 июльдә уразаның соңгы көне. Ураза бәйрәме 5 июльгә тәгаенләнгән. Шунысы игътибарга лаек: бәйрәм көнне иртәнге намаз Татарстан буенча иртәнге 7.00 сәгатьтә укылачак. Бу үзгәреш республика мөселманнарының ихтыяҗыннан чыгып шулай эшләнелә, ди мөфти.

Рамазан аенда фитыр сәдакасе һәм зәкәт билгеләнә. Фитыр сәдакасе бирү һәр мөселманга да вәҗеб гамәлләрдән санала. Фитыр сәдакасе мохтаҗларга бирелә. Фитыр сәдакасен мөселман булмаганнардан һәм фәкыйрьләрдән тыш, бар кеше дә бирергә тиеш. Фитырны гаилә башлыгы барлык гаилә әгъзалары һәм аның тәрбиясендә булган кешеләр өчен үзенең кеременнән түли. Фитырның күләме - 100-600 сум. Ир бала балигъ булуга, фитырны үзе өчен үз кеременнән түләргә омтылырга тиеш. Андый мөмкинлеге булмаган очракта, бу бурыч гаиләдәге башка ир-атлар өстенә төшә, дип белдерә дини лидерларыбыз. Рамазан аенда ураза тота алмаган кешеләр уразаларын башка айларда тота ала, уразаны бөтенләй тота алмаганнар исә фидия сәдакасе түләргә тиеш була. Фидия – ураза тотмаган көннәр өчен бирелә торган сәдака. Фидия акчалата түләнергә мөмкин. Фидия  үләме – 200 сум.

Мәгълүм булганча Татарстан Республикасы мөселманнары диния нәзарәте “Онлайн ММЧ: мәгълүмат кырында ДАИШка каршы тору” дип аталган халыкара фәнни-гамәли конференция оештыра. 19 майда башланачак конференциядә дин белгечләре һәм журналистлар катнашыр, дип көтелә. Бер урында танылган дин галимнәре, журналистлар, аналитиклар, дин һәм массакүләм мәгълүмат чаралары белгечләре Россия Федерациясендә тыелган террор оешма ДАИШка мәгълүмати каршы тору ысуллары турында сөйләшәчәкләр.

– Фикер алышуда дөньякүләм билгеле ислам галимнәре: Мисыр Президентының дини эшләр буенча киңәшчесе Госман Сәйд Әл-Әзһәри, Таба фондына нигез салучы һәм Берләшкән Гарәп Әмирлекләренең танылган вәгазьчесе Али әл-Җифри, Дамаск университеты докторы, Левант галимнәренең җитәкчесе Мөхәммәд Тәүфыйк Рамазан әл-Бутый һәм башкалар журналистларга ДАИШ белән бәйле мәсьәләләрне аңлатачаклар, – диде Камил хәзрәт.

Конференциянең пленар утырышы исә, Татарстан Фәннәр академиясендә 14.00 сәгатьтә башланачак. Биредә татар дин әһелләренең “Милли тормыш һәм дин” VII форумы делегатлары да катнаша. Конференция татар, рус, инглиз һәм гарәп телләрендә алып барылачак, тәрҗемәчеләр җәлеп ителәчәк.

Шулай ук конференция вәкилләре Казанда Россия һәм Ислам хезмәттәшлеге илләренең VIII Халыкара икътисади саммиты чаралары: “Хәләл” индустриянең инвестиция һәм инновация мөмкинлекләре: Россия һәм дөньякүләм тәҗрибә”, “Дөньякүләм икътисадның яңа архитектурасы: Ислам хезмәттәшлеге оешмасының Россиядәге финанс индустриясен үстерү” пленар утырышында, “Вакф” фондының VIII халыкара конференциясендә, ислам банкингы семинарында катнаша ала.

21 май, Идел буе Болгар дәүләтендә ислам дине рәсми кабул ителгән көнне, Болгар ислам академиясе бинасы нигезенә капсул салу тантанасы оештырыла. Биредә дөньяның төрле илләреннән килгән кунаклар катнашачак. Капсул эченә киләчәк буын вәкилләре өчен берничә телдә юллама да куела.

- Академия – замана таләбе. Болгарда төзеләчәк академия дөньякүләм көндәшлеккә сәләтле, дөньяның башка югары уку йортлары дәрәҗәсендә булачак. Бирегә дөньяның абруйлы дин белгечләрен эшкә чакырабыз. Әлеге югары дини уку йортында Татарстан яки Россиядән генә түгел, ә бәлки башка мәмләкәтләрдән дә яшьләр килеп белем алу мөмкинлеге тудырылачак. Россиядә бүгенге көндә 7 ислам университеты бар. Болгар академиясенә әнә шул уку йортын тәмамлаган белгечләр белемен арттырачак. Татарстанда бүгенге көнгә кадәр шәригать докторлары юк. Болгар академиясе бу җитешсезлекне бетерергә ярдәм итәр, – диде Камил хәзрәт Сәмигуллин.

сылтама

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8418
    1
    113
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7341
    1
    108
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5446
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4553
    6
    49
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7970
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...