​Кальян тарту... тоташ 20 сигарет тартуга тиң!

Бүген Россиядә миллионлаган кеше үз көнен иртә белән кофе эчеп кенә түгел, сигарет тартудан да башлый икән бит әле. 50 миллион кеше! Шуңа күрә дәүләт ике юнәлештә эш алып барырга мәҗбүр: бер яктан, тәмәкегә чикләүләр кертү, икенче яктан, сәламәт яшәү рәвешен яклап, тәмәкедән баш тартуга ирешү. «Татаринформ» агентлыгы уздырган матбугат конферециясендә менә шулар хакында сөйләшү булды. Анда Россия Дәүләт Думасы депутаты Марат Бариев, Россия кулланучылар күзәтчелеге идарәсенең Татарстан бүлеге башлыгы урынбасары Ольга Фомичева, республика наркодиспансерының балалар наркологиясе буенча баш табиб урынбасары Степан Криницкий, «Общее дело» төбәк үзәге координаторы Дамир Зарипов катнашты.
 Дәүләт Думасы депутаты Марат Бариев инициативасы белән тәмәкегә каршы законга җитди үзгәрешләр керергә мөмкин. «Казанда Островский урамындагы офисыма барганда җәмәгать туклану урыннары яныннан еш узарга туры килә, – дип искә төшерә Марат Мансур улы. – Балалары белән гаиләләр утыра. Күрше өстәлләрдә кальян тартучылардан төтен баганасы күтәрелә. Балалар шуны сулый. Әти-әниләргә торасы да, балаларын ияртеп, чыгып кына китәсе дә бит. Ләкин башкаларында да шул ук күренеш каршылаячак».
  Ул вейп, кальян һәм электрон сигаретларны куллану барыбер шул гадәти тәмәкене тартуга тиң икәнен аңлатты. «Кальян, электрон сигаретларга яшьләребез бик җиңел карыйлар – янәсе, тартуны ташларга булыша! Җитештерүчеләрнең хәйләсе генә ул. Канцерогеннар анда бермә-бер күбрәк. Бу – тартуны ташлау түгел, яман гадәткә күмәкләп өйрәнү, – диде Марат Бариев. – Мин үзем тартуны тулысынча тыю ягында. Ләкин бүген андый законны кабул итү һәм аның үтәлешен таләп итү бик катлаулы. Ә без кальян һәм электрон сигаретлар тартуга чикләүләр кертү турында закон проекты әзерләдек. Дәүләт Думасының 40 депутаты безгә кушылды. Хәзер ул проект Россия хөкүмәтенә бәяләмәгә тапшырылды».
Кальян тарту аеруча зарарлы икән. Аны гадәттә 20-60 минут тарталар. Бу 1 сәгать эчендә 20 сигарет тартып бетерүгә тиң. Нәтиҗәдә, зарарлы матдәләр тын юлына, үпкәгә кереп тула. Кайнар төтен, угар газ эчендә утыручылар химия, зарарлы ароматизаторлар, формальдегидлар сулый. Казакъстан, Иранда уздырылган тикшеренүләр кальян тартудан туберкулез, гепатит кебек авыруларның көчәюенә китерүен ачыклаган. Шуңа күрә бу илләрдә җәмәгать урыннарында кальян тарту тыела. Бездә дә уяна башлаганнар. Мәктәпләрдә лекцияләр, аңлату эшләре үткәрү, фильмнар күрсәтү нәтиҗәсендә тартуны ташлаучылар бар. Попов, Чистай урамнарындагы йортларның беренче катында  яшәүчеләр, кальян тартучылар төтененнән зыян күреп, шикаять язганнар һәм кальян-кафеларны яптыруга ирешкәннәр. 
Әгәр закон проекты кабул ителсә, кальян тарту балигъ булмаганнарга тыелачак; шулай ук җәмәгать урыннарында тарту рөхсәт ителмәячәк; бу продуктны сату, таратуга юл куелмаячак.


Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    6095
    3
    50
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    6017
    4
    49
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    8257
    0
    36
  • Ике килен-килендәш Ярты ел очрашып йөргәч, өйләнештеләр Алия белән. Барыбыз да куандык, сөендек. Ләкин гаиләбездә яңа килен барлыкка килгәч, минем кадерем бетте...
    6855
    9
    33
Реклама
Соңгы комментарийлар
  • 7 февраль 2023 - 06:25
    Без имени
    Карыйсы килэ башлады инде. Бу эсэрне укыганым бар иде.
    Бала бишеге тибрәнүендә  – чиркәү чаңы
  • 3 февраль 2023 - 09:19
    Без имени
    Рушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!
    Үләнче
  • 4 февраль 2023 - 13:37
    Без имени
    Гомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшик
    Сабырлык чиге 5    
  • 3 февраль 2023 - 09:42
    Без имени
    Ие ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде
    «Йөремсәк» хатын
  • 4 февраль 2023 - 13:40
    Без имени
    Бик гыйбрэтле язмыш, шулай тузеп яшэдек
    Сабырлык чиге 5    
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр