Иртәгә Казанда бакчачылар өчен зур ярминкә уза

Быелдан башлап сентябрьнең беренче атнасында бакчачылар көнен бәйрәм итәчәкбез. Татарстан Республикасының Дәүләт Советы быелның 11 июлендә шундый карар кабул иткән.

Яңа бәйрәм хөрмәтеннән иртәгә башкалабызның «Казан» агропаркында «Бакчачы көне–2019» дип аталган зур ярминкә уза. Иртәнге сигездә башланачак чарада бакчачылар үзләре үстергән авыл хуҗалыгы товарларын сатып алырга, конкурсларда, мастер-классларда катнашырга мөмкин булачак.

Гомумән, бакча үстерү республикабызда киң таралган шөгыль. Татарстанда бакчачылык белән 1 миллионнан артык кеше шөгыльләнә, 900 дән артык бакчачылык ширкәтендә 386 мең җир кишәрлеге теркәлгән.

Татарстан Республикасы Авыл хуҗалыгы министрлыгы бакчачыларга бер дә игътибар итми дип булмый. 2017-2018 елларда бакчачылар ширкәтенә илтүче инженерлык челтәрләрен ремонтлау өчен республика бюджетыннан 1 миллиард сумнан артык акча бүлеп бирелгән. Бу акчага 52 су скважинасына ремонт ясалган, 15,2 чакрым су торбасы сузылган, 64,3 чакрым юл түшәлгән, 107 чакрым электр чыбыгы үткәрелгән.

Республикада бакчачылык ширкәтләрен ремонтлау өчен дәүләтнең софинанслау прогарммасы да эшли. Бакчачыларның үзләреннән җыелган һәр сум өчен дәүләт ике сум өстәп бирә. Быел әлеге максаттан республика бюджеты 83,6 миллион сум бүлеп биргән. Әлеге программада катнашырга теләсәгез, Татарстан Авыл хуҗалыгы министрлыгының җир һәм милек мөнәсәбәтләре бүлегенә, бакчачылык ширкәтенең тышкы ягына бәйле эшләр өчен шул районның башкарма комитетына мөрәҗәгать итәргә кирәк.

Фото: https://pixabay.com/ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»