Ире тәмәке тарткан хатын-кызлар яман шеш белән ике тапкыр күбрәк авырый 

 

Бу хакта бүген «Татар-информ» мәгълүмат агентлыгында узган матбугат конференциясендә хәбәр иттеләр. Конференция Халыкара тәмәке тартудан баш тарту көненә багышланган иде.  

 

– Барысы да гаиләдән, андагы тәртипләрдән, ата-ананың үз-үзен тотышыннан тора, – диде Республика наркология диспансерының профилактика кабинеты мөдире Галимҗан Шакирҗанов. – Бала кеше күп вакыт ата-ананы кабатлый һәм  өйдә өлкәннәр тәмәке тарта икән, балаларның да тарту ихтималы күпкә арта. Бу очракта, тәмәке тартучы ата-ана янында үскән балага тәмәкене бер тапкыр тартып карау да начар тәэсир итә – ул тартуга башкаларга караганда ныграк бирешә.  

Мисал итеп, ул үзенең эш тәҗрибәсеннән бер мисал китерде. «Тартуны ташларга телим», – дип аңа 15 яшьлек яшүсмер мөрәҗәгать итә. Һәм күпне күргән табибны: «Мин инде 3 яшеннән бирле тарттым» – дип шаккатыра. «Минем әтием хәрби кеше, – дип сөйли яшүсмер. – Кич эштән кайткач, ашагач, ул диванга ята иде дә, тәмәке тарта башлый иде. Миңа аның төтенне боҗра-боҗра итеп чыгаруы ошый иде. Бик кызыга идем. Тәмәке төпчеге табуга үземнең дә шулай эшләп карыйсым килде. Шуннан башланды...»  

Бүген республикада яшәүче халыкның 45-55 % ы тәмәке тарта. Аларның 35-45 %ы –  хатын-кызлар, 60 % ы – ир-атлар. Бик зур саннар бу!  

– Соңгы вакытта үзәк матбугатта «тәмәке продукциясен сату кимеде» дигән хәбәр чыкты. Мин үзем кибетләрдән махсус белештем: Казанда тәмәке продукциясе шул ук күләмдә сатыла, – диде  Галимҗан Шакирҗанов.  

Тәмәке тарткан кешене, гадәттә, үпкә рагы белән авырый дип әйтәләр. Конференциядә катнашкан белгечләр: «Кеше инде 15-20 ел тарта икән, ул инде барлык төр авырулар белән дә авырый», – диделәр. Ә яман шешкә, килгәндә, әйе, бу шулай. Әлеге диагноз куелган авыруларның уннан тугызы  – тәмәке тартучылар. Үпкәдәге яман шеш авыруы гына түгел, аның барлык төрләре дә тәмәке тарту белән дә бәйле.  

Ире тәмәке тарткан хатын-кызлар яман шеш белән ике тапкыр күбрәк авырый диде белгечләр. Бу очракта никотин хатын-кызга хәтта сперма аша да керә.  

– Ирләрегезгә әйтегез – тартуны ташласыннар! – диде алар. – Тәмәке тартуның I,  II стадиясендә кеше әле аны үзе дә ташлый ала. Ә  III стадиягә җитүчеләр инде белгечләргә мөрәҗәгать итсәләр генә бу чирдән котыла алалар. Әмма кеше башта үзе: «Мин тартуны ташлыйм!» – дигән карарга килергә тиеш.  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»