ҖИДЕ ЕГЕТ... ҺӘМ ҖИДЕ КЫЗ БУЛГАННАР, ҖИДЕСЕ ДӘ УҢГАННАР...

Быел тагын Казан шәһәре мәгариф идарәсе оештырган «Татар кызы–2016», «Татар егете –2016» шәһәр бәйгеләрен тамаша кылдык. Һәм сокланып, сөенеп, яратып кайттык ул бәйрәмнән. (Максим Скалозубов – режиссеры!) 9-11 сыйныфларда укучы егетләр-кызлар  халкыбызның асыл сыйфатларын шулкадәр дә оста итеп күрсәттеләр сәхнәдән! Мәдәният тә, гореф-гадәтләр дә, тарих та, телне белү дә, милли киемнәр дә, аш-суга осталык та – барысы да югары дәрәҗәдә ачып бирелде! Җиде егет, җиде кыз – барысы да уңганнар, булганнар, матурлар, зирәкләр!.. Хәер, аларның асыл сыйфатлары 5 номинация буенча үткәрелгән конкурста тагын да тулырак ачылып, яңа төсмерләр белән баеды. Ул егет-кызларны аерым билгеләп үтәсе килә.

Совет районыннан Альберт Дәүләтшин (121 нче лицей) һәм Дилә Галиәхмәтова (159 нчы лицей); 
Яңа Савин районыннан Муса Гаянов (7 нче лицей) һәм Камилә Шәмсетдинова (9 нчы мәктәп);  
Авиатөзелеш районыннан Рүзәл Садыйков (62 нче мәктәп) һәм Азалинә Садыйкова (145 нче мәктәп);
Мәскәү районыннан Илнур Җәләлетдинов (9 нчы мәктәп) һәм Әдилә Мозаффарова (12 нче мәктәп);
Киров районыннан Азат Җәләлиев (3 нче мәктәп) һәм Әдилә Нәбиуллина (135 нче мәктәп);
Идел буе районыннан Булат Абдрахманов (16 нчы мәктәп) һәм Хәдичә Юнысова (19 нчы мәктәп);
Вахитов районыннан Гадел Нәбиуллин (13 нче мәктәп) һәм Айсылу Хәерова (96 нчы мәктәп).

Укытучыларын, әти-әниләрен кат-кат күңелдән кичереп, алар белән бергә дулкынланып, җан атып, көч биреп утырырга язган икән.   
Катнашучылар үзләре белән таныштырганда ук һәркайсының бик тә үзенчәлекле, талантлы шәхес икәне күренде. Шәхсән үземә Яңа Савин районыннан Муса белән Камиләнең бөтенләй яңача, заманча ачылуы ошады! Юк, башкаларны һич тә арткы планга күчерергә теләмим: үзләре дә, чыгышлары да бик матур иде! Мин инде күңелдән генә «биш»ле куя барган идем. (Юк, мин жюри әгъзасы түгел!) Яңа Савинныкыларга «биш»лене + белән куярга туры килде...
Тукайга багышланган конкурс өлешендә кем ничек булдыра ала, шулай фантазиягә бирелгән! Җырлар да, әкият өлеше дә, театлаштырылган тамаша да – барысы да отышлы! Киров районы кызы Әдиләнең Тукай әнисен тетрәндергеч уйнавы берәүне дә битараф калдырмагандыр. Альберт Дәүләтшин, күр, Тукайны ничек оста гәүдәләндерде! Тагын бер якты йолдыз – Хәдичә булгандыр, мөгаен. Ул җитез, елдам, сөйкемле – сәхнәдә ут уйната инде!
Катнашучылар татар биюен искиткеч башкардылар! Мин үз күзләремә үзем ышанмый тордым: әллә бию ансамбле чыгыш ясый инде?!
«Хуҗабикә» номинациясендә кызлар аш-суга осталыкларын күрсәтте. Ул бәйге егетләр сөйләве белән тагын да тулыланды, тирәнәйде. Зур бәлеш, өчпочмак, гөбәдия, пәрәмәч, кабак бәлеше... Залда утыручылар милли ризыкларыбыз, аларны пешерү серләре турында яңа мәгълүматлар да алдылар.
60 секунд эчендә кызлар – замана татар егете, ә егетләр – бүгенге татар кызлары  нинди сыйфатларга ия булырга тиешлекне шулкадәр оста итеп тасвирлап бирделәр ки, «Татар яшьләренең асыл сыйфтлары» дигән кесә энциклопедиясе итеп бастырып чыгарырлык!
...Жюри киңәшмәгә таралгач, уйга калдым. Кем беренче булыр? Бу катлаулы, четрекле мәсьлә ничек чишелер? «Татар кызы–2016», «Татар егете–2016» таҗын кемнәр кияр? 
...Бәйгедә катнашучыларның барысына да бүләкләр, дипломнар тапшырдылар. «Сылу кыз», «Уңган кыз», «Сөйкемле кыз», «Ягымлы кыз», «Зирәк кыз», «Зыялы кыз», «Баһадир егет», «Зыялы егет», «Оста егет», «Җитез егет», «Уңган егет», «Ватанпәрвәр»ләр ачыкланды.
Ниһаять! Камилә Шәмсетдинова – «Татар кызы–2016», Муса Гаянов «Татар егете–2016» исеменә лаек булды. Оригиналь, кабатланмас чыгышлары, башкару осталыгы, белеме, яңача күренә белүләре белән алар башкалардан үзгәрәк иде. Яңа Савин укучылары җиңде! 
«Сөембикә» журналы исеменнән җиңүчеләргә бүләк тапшырганда, егет-кызларның барысын да котладым. Алар, әлбәттә, барысы да җиңүчеләр! Камилә белән Муса исә бераз алдарак, бераз өстенрәк булдылар. Аларга +«5»леләр күбрәк эләкте. Мин әнә шул фикерне җиткерергә тырыштым.
...Музыка, котлаулар, җанатарлар, кемнәрдер – сөенечтән балкый, яшереп кенә күз яшьләрен сыпырып алучылар да юк түгел (нәүмизләнеп калучыларны да аңларга була, җиңү ничек якын иде бит! Нишлисең, туй үпкәсез булмый инде)...
Ә мин юл буе акыллы, зәвыклы, зыялы яшьләребезгә сокланып кайттым. Булдырдылар!

        

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8393
    0
    83
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7629
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3707
    1
    41
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4628
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3579
    0
    26
Реклама
Соңгы комментарийлар
  • 27 май 2022 - 00:29
    Без имени
    Курячяк язмыш
    Инде минем чират...
  • 26 май 2022 - 20:32
    Без имени
    Укып торасым да килми, ташладым. Уз рэхэтеннэн китеп, кайнанайны курэ-ишетэ торып, ниемэ кайтырга иде? Бала карар, ашарга пешерер дип ометлэнеп? Уз тарткан картасы, тарта-тарта ашасы. Чык та кит
    Инде минем чират...
  • 27 май 2022 - 06:58
    Без имени
    Безнен, тормышлар уртак та кебек автор белан. Мин дэ иремне дэ, баламны да Ходайдан сорадым. Хэзер аллага шокер баламда туды, иремдэ бик эйбат кеше.
    Мин аны Ходайдан сорап алдым
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда