​Фестиваль янә Казанда!

Казанда XII Халыкара мөселман кинофестивале старт алды. Ул 11нче сентябрьгә кадәр дәвам итәчәк.

5нче сентябрьдә фестивальнең ачылыш тантанасы булды. Быелгы мәртәбәле кунаклар арасында танылган режиссерлар Александр Прошкин, Сиддик Бармак, Усман Сапаров, Юрий Быков, Мәҗит Мәҗиди, Константин Лопушанский, Йосыф Разыков, актерлар Юрий Назаров, Людмила Хитяева, Людмила Мальцева, Борис Львович, Полина Толстун, Ирида Хөсәенова, җырчылар Ренат Ибраһимов белән Тамара Яндиева, кинооператор Валерий Севастьянов һәм башкалар бар. «Пирамида»да узган тантанада Премьер-министр Илдар Халиков Президент Рөстәм Миңнехановның сәламләү сүзләрен җиткерде, тамашачыны кино бәйрәме белән тәбрикләде. «11 ел элек барлыкка килгән фестивальне бүген күпчелек илләрдә таныйлар, анда катнашу өчен дөньяның төрле почмагыннан гаризалар яудыралар. Быел 52 илдән 703 эш килгән! 11 ел элек утыртылган орлык, матур агач булып, Казаныбызда үсеп утырсын иде», – дип белдерде ул. Россия мөселманнары шурасы һәм Россия Федерациясе Диния нәзарәте рәисе мөфти шәех Равил хәзрәт Гайнетдин үз чиратында беренче Президент Минтимер Шәймиевкә рәхмәт сүзләрен җиткерде, барлык катнашучыларга да уңышлар теләде.

Җиңүчеләр 11нче сентябрь көнне Муса Җәлил исемендәге Дәүләт опера һәм балет театры сәхнәсендә игълан ителәчәк.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан