Җанисәп алучыларның 20 000 дусты: Росстат волонтерлар белән уртак проект тәкъдим итә 

 

2020 елда узачак Бөтенроссия халык санын алуга әзерлек эшенә 20 мең волонтер кушыла. Әлеге проектны тормышка ашыру өчен төбәкләрдә Волонтер корпуслары оеша. Доброволецларның Халыкара форумында Росстат һәм Россия яшьләр оешмасы арасында әнә шундый килешүгә ирешелде. 

4 декабрьдә Халыкара форум кысаларында Росстат башлыгы Павел Малков һәм Яшьләр эшләре буенча федераль агентлык җитәкчесе Александр Бугаев «Җанисәп волонтерлары» проектын тормышка ашыру буенча үзара хезмәттәшлеккә кул куйдылар. Документта килешенгәнчә, 2020 елда Бөтенроссия халык санын алуда 20 000 нән дә ким булмаган доброволецлар катнашачак, һәм ул 2020 елның иң масштаблы проекты булачак. Волонтерлар халыкка аңлату эшләре алып барачак, консультатив ярдәм күрсәтәчәк, шулай ук алар мәгълүматлар җыюда да катнашачак. 

Төбәктәге үзәкләр «Җанисәп волонтерлары»н сайлап алачак. Волонтерларны укыту, аларны халык санын алганда җанисәп алучылар сыйфатында катнаштыру өчен контракт белән тәэмин итү эше белән Росстат һәм аның төбәктәге органнары шөгыльләнәчәк. 

«Бу масштаблы проект, ул эшебезгә импульс бирәчәк, җанисәпне яхшырак үткәрергә, мөмкин кадәр тулырак һәм төгәлрәк мәгълүматлар алырга  булышачак. Ул мәгълүматлар илебез өчен күп мөһим проектларның нигезен тәшкил итәчәк, үткән юлыбызны бәяләп кенә калмыйча, киләчәккә ышаныч белән карарга мөмкинлек бирәчәк», – диде Росстат  башлыгы Павел Малков.   

Доброволецларның Халыкара форумы Сочида узды. Россиядә волонтерлар хәрәкәтенең чишмә башы 2014 елда Сочида узган Кышкы Олимпия уеннарына барып тоташа. Халыкара доброволец көнендә – 5 декабрьдә «Доброволец России – 2019» Бөтенроссия конкурсында җиңүчеләргә премияләр тапшырып, Форумны ябу тантанасы булды. Әлеге чарада Россиядән һәм 120 чит илдән 7 меңнән артык волонтер катнашты. 

Бөтенроссия халык санын алу 2020 елда 1 октябрьдән 31 октябрьгә кадәр цифралы технологияләр куллану юлы белән узачак. 

Халыкара форумда 2020 елгы җанисәпнең девизы яңгырады: «Создаем будущее!» («Киләчәкне төзибез!»). 

 2002 елгы девиз – «Впиши себя в историю России!» («Үзеңне Россия тарихына яз!»), 2010 елгы девиз – «России важен каждый!» («Россия өчен һәркем мөһим!») иде.      

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 11:49
    Без имени
    И аллакаем, Тәрбия газетасын чыгарган Газинур дип аңладым инде. мин укытучы кеше бик күп ачык дәресләремне 10-15 еллап шул гэзетада бастырдым бит. ирле-хатынлы газета чыгардылар алар. Раббым сабырлык бирсен сезгә, балаларыгызга.
    Кияүгә сүз әйтмәгез!
  • 21 апрель 2021 - 11:44
    Без имени
    Әллә ничә кат укыдым да укыдым. Шулай искә төшергәләп тору киорәк икән дип уйладым тормыш һәм яшәү турында. бу турыда язып яхшы иткәнсез.
    Үреләм дә карыйм күңел түрләремә...
  • 21 апрель 2021 - 23:40
    Без имени
    Бик авыр хэллэр,ачы хэсрэт.Бу турыда укыганым булган икэн,исемэ тошердем.Куз яшьлэре ирексездэн ага гына.Бала хэсрэтлэрен курсэтмэсен,ходаем.
    ​Күбәләк булып очты...
  • 22 апрель 2021 - 05:54
    Без имени
    Бездэ энкэй дип йорет алар энинен энтченрахмат
    Якын ерак әбекәем
  • 22 апрель 2021 - 06:13
    Без имени
    Бик авыр хэл,Аллам сакласын ,куз яшьлэрсез укып булмый!!!
    ​Күбәләк булып очты...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»