Андрей Кондратьев: «Минтимер Шәймиев яшьләр белән очрашты»

Россия Президентына кандидат В.В Путинның региональ сайлау штабы җитәкчесенең беренче урынбасары Андрей Кондратьев: «Минтимер Шәймиев яшьләр белән очрашты»

Минтимер Шәймиев – зур тормыш тәҗрибәсе булган олы шәхес. Аның волонтерлар, яшьләр белән очрашуы аеруча кызыклы, онытылмаслык булды. Ул алар белән ике сәгатьтән артык сөйләште.Безнең штабка 400 дән артык шалтырату булды. Төрле сораулар, төрле үтенечләр. Ләкин без аларның берсен дә игътибарсыз калдырмадык. Һәркайсына җавап, киңәш бирә тордык. Волонтерларны 400 кеше арасыннан сайлап алдык. Алар барлыгы 75 кеше: шуларның 75 проценты – 30 яшькәчә. Иң яшенә – 18, ә иң өлкәненә – 63 яшь. 
Штаб бүген дә эшли. Шалтыратулар, мөрәҗәгатьләр бар. Аларның  берсе дә җавапсыз калмый.