Алтмыш катнашучы – алтмыш медаль!

«Роналд Макдоналд» хәйрия фонды Казанда, «Ак бүре» спорткомплексында «Игелекле спорт» дигән спорт бәйрәм уздырды. Анда физик мөмкинлекләре чикле балалар белем алучы уку йортлары катнашты. Алар арасында 4 нче, 11 нче интернат-мәктәпләр (Казан), 172 нче, 142 нче коррекция мәктәпләре (Казан),  Лаештагы 4 нче интернат-мәктәп бар иде.  

– Бәйрәмне Татарстан Республикасы Фән һәм мәгариф министрлыгы белән берлектә физик мөмкинлекләре чикләнгән 60 бала өчен уздырабыз, – диде  «Роналд Макдоналд» хәйрия фондының региональ физкультура-сәламәтләндерү программасы директоры Илья Бурый. – «Роналд Макдоналд» хәйрия фонды вәкилләре Казанда, Татарстан Республикасының хезмәт һәм мәшгульлек; сәламәтлек саклау; фән һәм мәгариф министрлыгы белгечләре, Казан федераль университеты студентлары өчен семинарлар үткәрде. Без аларга мондый балаларның үзенчәлеге турында сөйләдек, алар белән нинди уеннар үткәрергә булганын күрсәттек. Бүген алар бәйрәмдә тренерлар сыйфатында катнашалар һәм үзләренең алган белемнәрен практикада сынап караячаклар: ярышларның этапларын алар үткәрә. Балалар өчен бәйрәм булса, өлкәннәр нәрсәгә өйрәнгәннәрен күрсәтәчәкләр. 

«Игелекле спорт» – «Роналд Макдоналд» хәйрия фонды үткәрә торган проектларның берсе. Физик мөмкинлеге чикләнгән балалар белән эшләүче белгечләр белән семинарларны 2010 елдан башлап үткәрәләр. «Мондый балалар белән дә спорт ярышлары үткәрергә була. Алар бит шундый ук балалар, әйе, кайсыдыр авыррак йөри, кемдер начаррак күрә, әмма барысы да уйнарга ярата», – ди «Роналд Макдоналд» хәйрия фондының физик тәрбия буенча инструктор-методисты Светлана Ростикова.  

«Ак бүре» спорткомплексы гөрләп торды: бер почмакта малайлар-кызлар флорбол, кегельбан уйнадылар, икенчесендә – баскетбол, лакросс, өченчесендә – футбол, дүртенчесендә... Бу бәйрәмдә җиңелүчеләр булмады – медальләр бөтен кешегә дә эләкте. Медальләрне яшь спортчыларга чаңгы спорты буенча Паралимпия – 2016 чемпионы Ирина Полякова үзе тапшырды. 

Әбисе аркасыннан тотып, аягында басып торырга ярдәм иткән Ангелина Павловага да медаль алды. «Бу синең беренче җиңүең, беренче медалең!» – дип котлады аны әбисе. Беренчесе, әмма соңгысы булмасын! 

Медальләрдән соң балаларны тагын күңелле мизгелләр көтә иде әле: һәрберсенә «Роналд Макдоналд» хәйрия фондыннан бүләкләр тапшырдылар. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2359
    28
    239
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6149
    2
    89
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан