Алина Заһитова: «Мин беркая китмим...»

Җомга көнне кичке 9 да Беренче каналдан «Время»ны карадыгызмы? Алина Заһитова белән интервьюны?.. Юк, берничә сәгать кала, бу сенсацион интервьюны анонслап интригалы ролик күрсәттеләр башта! Берни аңлашылмый... Алина нәрсә әйтер? Миллионлаган болельщиклар, фанатлары, журналистлар тын да алмый көтә...

Гадәттә кичке прайм-таймда бик дәрәҗәле шәхесләр генә чыга... Узган атнада юбилее уңаеннан Пугачева килгән иде...

Менә Алина эфирга чыгарга лабиринтлар аша атлап килә. Ак якалы кара күлмәктән. Елмая. Ләкин дулкынлануын тоймый мөмкин түгел... Нәрсә әйтер? Һәм әйтте... Хәзер дә ышанып булмый... Дөресрәге, алып баручы Кирилл Клеймёнов әйтте: «Алина Загитова приостанавливает свою карьеру», – диде! Тыны куырылып, ничек игълан итәргә белмичә әйтте! Һәм Алина Заһитова тайм-аут турында рәсми рәвештә бөтен илгә белдерде.

Интервьюда яңгыраган сүзләре штрихлар сыман күңелдә калка.

«Хәзер тормышымда бар да бар. Ә бит һәрвакыт нидер җитмәскә тиеш. Стартка кабат чыгасы килү халәтенең кире әйләнеп кайтуын телим...»

«Мин үзем өчен расписка яза идем хәтта. Ярышларга барырга, Дөнья чемпионатында катнашырга, яхшы шуарга, үземнән торган барысын да эшләргә, җиңәргә дип...»

«Мин беркая китмим. Шул ук тренерларым, болельщикларым белән калам. Яңа элементлар өйрәнәчәкмен, шөгыльләнәчәкмен...» 

«Татьяна Навканың яңа ел шоуында катнашам. Анда мин төп рольдә – «Спящая красавица»... 

«Мин чыгарылыш класс укучысы. Имтиханнар тапшырасым бар. Мәктәптән соң спорт юнәлешендәге уку йортын сайлармын. Тренер буласым килә...»

Ул тагын тренерларына, җанатарларына зур рәхмәтен белдерде. Тренеры Этери Тутберидзе да сөйләде. «Алина ел ярым инде китү турында сүзләр алып барды. Аның кайтуын көтеп калабыз», – диде.

Олимпия чемпионы, Дөнья чемпионы, Европа чемпионы... Дөнья фигуралы шуу тарихына үз исемен мәңгелек итеп язып калдырган бөек спортчы. Аның чыгышлары шедеврга тиң иде! Шулкадәр титуллары булып та, һаман шул оялчан елмаюы, дымланган күзләре, каушап әйтелгән өзек-өзек сүзләре белән матур бер образ булып утырды ул Беренче каналда! Аннары инде комментарийлар китте!.. Хәзер дә дәвам итә... «Путин, Пугачева, Загитова...» дигән исем астында чыккан аналитик язма гына да аның дәрәҗәсе, статусы турында сөйли! Бер генә спортчының да Беренче каналда шулай чыкканы юк иде, дип язалар... Иң шәп Кармен, иң шәп Клеопатра дип юксыналар...

Моңсу... Ә без Туриндагы травмадан соң тизрәк савыгып, аның Красноярскида узачак Россия чемпионатында чыгыш ясавын көткән идек... Шуңа өметләнгән идек...

Фигуралы шууны яраттырган Алина... Күпләр Алина Заһитованың чыгышын карар өчен генә дә чемпионатка билетлар алган булган... Күпләр елый... Кемнәрдер тәнкыйтьләмәкче була... Бәхәсләр, сокланулар тынып тормый...

Яраталар Алинаны! Сагыналар боз королевасының матур чыгышларын, үзен, тыйнаклыгын, тәрбиялелеген... Дөньяны таң калдырган Алина бит ул! Үзебезнең Алина!

 

Фото: https://zen.yandex.ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    9719
    4
    124
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    5606
    1
    76
  • 6582
    2
    45
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    7867
    1
    44
Реклама
Соңгы комментарийлар
  • 17 сентябрь 2020 - 09:00
    Без имени
    БИК шэп кинэшлэр.Истэ калдырырга кирэк эле.
    Әни кешенең өйләнгән улына киңәшләре
  • 17 сентябрь 2020 - 08:52
    Без имени
    Сонгы арада уйлый башладым, бу донья шундый куркыныч була башлады, ул супермаркетларда охранникларга бирелэ бит узлэре янында йортэ торган кнопкалар, полиция чакырта торган. Менэ шуны нигэ балаларга, гомумэн ботен кешегэдэ эшлэп чыгармыйлар? Куркыныч сизугэ, басасын кнопкага и якын тирэдэге полиция килеп алып китсенгэ. Баланы урамга алып чыгарга да куркырсын биллэхи. Бер яклау юк.
    ​Мәхәббәт «уеннары»
  • 17 сентябрь 2020 - 09:36
    Без имени
    Беренче чиратта гаилэ балалар булу Зур бэхет шулар дип яшисен
    Гаиләме, карьерамы? 
  • 17 сентябрь 2020 - 14:56
    Без имени
    Вот сантый килен.Югары ьелеме була Тороп, торорга урыны бар, бук чистартырга кайткан.Ирен икенче урынга Кучермасалар, улганче шунда кимсетелеп яшисен ьулган икан.Нерсе, узен акыллы итеп курсатасе килде ме икан? Андыйлар БН алар теленда сулашерга кирак шул.Узеннан да уздырыбырак кычкырса, узен куя белса, кайнанын теше утмас иде.Бу киленнен кылыгын хупламыйм.Кеше гомерга бер гена кила. Ярый ла шуннан фэхем алып, уз киленен кэмсетмаган. Э Ире боламык!!
    Инде минем чират...
  • 15 сентябрь 2020 - 08:53
    Без имени
    Бу турыда күршегезгә әйтмәгез. Безнең дә баштан кичте андый хәл. Нәтиҗәдә без гаепле булып калдык. Үз проблемаларын үзләре хәл итсеннәр
    Күршемнең ире йөргәнен белдем, миңа нишләргә?
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...