Бәлеш

Рецепт "Әниемнән өйрәндем" бәйгесендә катнаша.
Тавыш бирү: http://syuyumbike.ru/beigeler/?id=7060


Шәүкәт Галиевның : "Пәрәмәч!-диде әти, Бәлеш!- диде дәү әни" шигырен кечкенәдән үк яраткангамы, минем гел бәлеш пешерү хыялы бар иде! Тик минем өчен ит бәлешен ясау бик авыр эш төсле тоелды. Күз курка, кул эшли дигәндәй, ниһаять тәвәкәлләдем. Әнием ярдәме белән әлбәттә!

Бәлешнең рецепты бик гади. 

Камыр өчен кирәк:
- 250 гр сыер мае;
- 200 мл су;
- 1 чәй кашыгы тоз;
- 1 аш кашыгы шикәр комы;
- 1 чәй кашыгы сода;
- 1 йомырка;
- чама белән он ( камыр йомшак булырга тиеш!)
Эчлек өчен:
- 20 урта зурлыктагы бәрәңге;
- зур суган (күп булган саен тәмлерәк!)
- ит (каз итен кушсагыз тәмле булачак);
- тәменчә тоз һәм борыч.

Эш барышы:
1) май, тоз, шикәр комын, йомырканы, соданы болгатабыз. Килеп чыккан массага су, аннан он өстибез. Камырны кулланырга була.
2) эчлек өчен барлык ингредиентларны вак итеп турыйбыз һәм тоз белән борыч кушып болгатабыз.
3) камырны ике өлешкә бүләбез: берсе зур ( бәлеш асты өчен), икенчесе кечкенәрәк.
4) табаның үсемлек мае белән майлап, аскы якка дигән камырны җәеп салабыз. Аның өстенә эчлекне, аннан капкачка дигән камырны җәеп, бәлеш өстенә каплыйбыз, кырыйларын чеметеп ябыштырабыз. Камыр табаны тулысынча капламый, таба читеннән асылынып тора. Калган камырны уклау белән кисеп алып, бәлеш өстенә бизәк ясыйбыз. 
5) 250 градуслы мичкә бәлешне тыгабыз. 10 минуттан мичне 180 градуска кадәр киметәбез.
6) бәлеш кимендә 2,5 сәгать пешергә тиеш.
7) пешеп чыккач, бәлешне сөлге белән каплап "ял иттерәбез".

Ашларыгыз тәмле булсын!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 18 апрель 2021 - 18:47
    Без имени
    Супер!
  • 18 апрель 2021 - 18:47
    Без имени
    Хотелось бы увидеть такой красивый бэлиш в готовом виде!
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»