Туган тел

Рәхмәт язмыш аермадың,
Гашыйк җаным телемнән.
Канатымны каерганда,
Догам туган телемдә.

Әти-әнием биргән телем,
Авырдыр югалтулар...
Аяз көндә адашудыр,
Телсез калса балалар.

Онытылмас туган телем,
Очсам да чит җирләргә.
Әти-әниемне үз телемдә
Данлый җыр" җиңелгәндә".

Аермыйк без туган телдән
Татар халык җырларын.
Туган телендә сөешкән
Гашыйклар язмышларын.

Чыдап булмас югалтуга,
Туган телсез сагышка.
Бирмик гасыр тарихларын-
Татар телсез алкышка.
30.10.17.

Әнием моңы

Иң ягымлы, иң назлы кешем

Күңелемнең түрендә син -

Әнием...

Гөмеремдә назлы моңларың

Җырчы иттең җанымны син -

Әнием...

Күңел әрни, җырлап туймыйм

Сиңа, әнкәй, җырларым...

Күзем яшьле, онтып булмый,

Әнием...догаларын....

Акылым тыңламый шул мине,

Колагымда җылы тавыш -

Әнием...

Ялгыз иттең гөмердән китеп,

Җырларымда бер сагыш -

Әнием...

Күңел әрни , җырлап туймыйм

Сиңа, әнкәй, җырларым...

Күзем яшьле, онтып булмый,

Әнием... догаларын....

Мин сагынам, моң сердəшемне, 

Җан үкси, елап яратам -

Әнием...

Сиңа багышлап моң биргəнгə,

Йөрəк җырым яңгыратам -

Әнием...

Күңел әрни , җырлап туймыйм

Сиңа, әнкәй, җырларым...

Күзем яшьле, онтып булмый,

Әнием... догаларын....

31.10.2017