Август, август…

Август, август…

Август, август, инде агачларга
Элсәң дә син әз-мәз сары төс.
Борын төбендәге сентябрьгә
Сер бирмәсләр кебек алар тиз.
Үләннәрең хуш исләр тарата,
Җәй башыннан хәтта уздырып.
Сөенәләр, әгәр җил-егетләр
Чәчкәйләрен китсә туздырып.
Кояшың да һаман безне назлый,
Ерак әле кышка, суыкка.
Бик каласым килә, август ае,
Сиңа гына хас бер тынлыкта.


Август киче
Август кичләрендә, сине сагынып,
Шигырь тезәм ике арага.
Җавап килер синең тарафыңнан,
Шифа булып минем ярага.
Ярам минем – сине юксынуым
Сыкрап кына үзен сиздерә.
Вакытлыча булган аерылуны
Ул үзенчә шулай белдерә.
Август кичләрендә, сине уйлап,
Йолдызлардан табам юаныч.
Аерылулар кабат исбатлыйлар
Яратулар икән  таяныч...
Түземлегем җитәр озакка, дип,
Айны гына юри алдадым.
Минем йөрәк синсез типмәгәнен
Август кичләрендә аңладым.
           

  ***
Тулы кәрзиннәр иңендә 
Чагу августның.
«Тәмен татып калыгыз», – ди
Сусыл карбузның.
Алмаларының хуш исе
Җанны иркәли.
Сентябрь бераз көнләшеп,
Аңа үпкәли.


            ***
Көзнең тукымасы парча
Күзнең явын алырлык.
Озакламый тирә-якны
Булмас инде танырлык.
Яшеллеген яшерерләр
Таллары-тирәкләре.
Әвәрә килеп сайларлар
Алтынсу бизәкләрне.
Үзләренә генә хас бер
Төскә керер каеннар.
Сагынып, зарыгып көткән
Әлдә шушы фасыл бар.

фото: https://pixabay.com/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 22 апрель 2021 - 23:17
    Без имени
    Ихлас кунелемнэн шатмын Люция Аблеева шигырьлэен яратып укйм...ни дисэгез...аларда мэгънэ БАР!!!
Хәзер укыйлар
Реклама
Соңгы комментарийлар
  • 21 апрель 2021 - 11:49
    Без имени
    И аллакаем, Тәрбия газетасын чыгарган Газинур дип аңладым инде. мин укытучы кеше бик күп ачык дәресләремне 10-15 еллап шул гэзетада бастырдым бит. ирле-хатынлы газета чыгардылар алар. Раббым сабырлык бирсен сезгә, балаларыгызга.
    Кияүгә сүз әйтмәгез!
  • 21 апрель 2021 - 11:44
    Без имени
    Әллә ничә кат укыдым да укыдым. Шулай искә төшергәләп тору киорәк икән дип уйладым тормыш һәм яшәү турында. бу турыда язып яхшы иткәнсез.
    Үреләм дә карыйм күңел түрләремә...
  • 21 апрель 2021 - 23:40
    Без имени
    Бик авыр хэллэр,ачы хэсрэт.Бу турыда укыганым булган икэн,исемэ тошердем.Куз яшьлэре ирексездэн ага гына.Бала хэсрэтлэрен курсэтмэсен,ходаем.
    ​Күбәләк булып очты...
  • 22 апрель 2021 - 05:54
    Без имени
    Бездэ энкэй дип йорет алар энинен энтченрахмат
    Якын ерак әбекәем
  • 22 апрель 2021 - 06:13
    Без имени
    Бик авыр хэл,Аллам сакласын ,куз яшьлэрсез укып булмый!!!
    ​Күбәләк булып очты...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»