Ярың буласым килә яки бер танышу тарихы

Аллаһы Тәгалә Җир шарын урталай ярган да, кешеләрне буташтырып, төрлесен төрле якка чәчкән, ди. Шуннан бирле һәр кеше үзенең парын эзли икән. Кемнәрдер бик тиз эзләп таба, икенчеләре исә гомер буе үз тиңен көтеп тә икенче яртысына тап булалмый...

Балачакта шундый бер риваять ишет­кән идем. Берсендә Аллаһы Тәгаләнең кешеләргә бик нык ачуы чыккан.  «Мине оныттылар, булган тормышларына шөкер итеп яши белмиләр, һаман мал артыннан куалар. Боларга бер-бер җәза уйлап табарга кирәк», – ди икән. Уйлап тапкан да! Ул чагында дөньяда һәр кешенең пары булган. Ә Аллаһы Тәгалә Җир шарын урталай ярган да, кешеләрне буташтырып, төрлесен төрле якка чәчкән, ди. Шуннан бирле һәр кеше үзенең парын эзли икән. Кемнәрдер бик тиз эзләп таба, икенчеләре исә гомер буе үз тиңен көтеп тә икенче яртысына тап булалмый...

Дөньяда ике яхшы кеше булса, шуның берсе минем дус кызым Алиядер. Кулыннан килмәгән эше, белмәгән нәрсәсе, кызыксынмаган әйбере юк аның. Шул уңганлыгы аркасында бер бик акыллы, тәртипле егетне үзенеке итте дә инде. Аларның ничек итеп танышуларын сезгә дә бәян итәсем килә.

Декабрьнең унбишләре тирәсе булгандыр, Алияләргә иптәш кызы кунача килә. Кызларга гел кызык кына булсын инде, болар да үзләренең күңелләрен күтәрү җаен эзли. Тоталар да икесе дә танышырга теләп радиога смс җибәрә. Кем егетләр белән күбрәк таныша, шул – җиңүче, ә «җиңелгән» кеше аңа бер шоколад алып бирергә тиеш була. Кызларның хатын эфирдан укуга, боларга егетләр шылтыратырга, язарга тотына. Кайберләре шул ук кичне очрашуга да чакыра, кайсылары икенче көнгә «свидание» билгели.

Кичтән күрешергә теләгән егетләр икенче көнне «эреп» юкка чыга. Бары бер үҗәте генә Алиянең теңкәсенә тиеп бетә. «Үземнән интерпол агентлыгында сорау алган кебек хис иттем. Бирмәгән соравы, кызыксынмаган нәрсәсе калмады ул егетнең. Өч көннән ул минем турыда үземнән дә күбрәк белә иде бугай», – дип шаярып искә ала Алия. Егет, чыннан да, бик үҗәт бу­лып чыга: Алия язмый торса, шылтырата башлый, труб­касын алмаса, бер-бер артлы 20-30 смс юллый. Кызлар колаклары белән ярата дигән гыйбарәне дә онытмый егеткәй. Алиягә багышлап төрле матур шигырьләр җибәрә, хәерле иртәләр, тыныч йокылар тели. Әле бер-берсен бер тапкыр күрмәсәләр дә, Руслан (егетнең исеме шулай булып чыга) кызга мәхәббәтен аңлата. Мәхәббәт хисләре белән сугарылган ул смслар Алия телефонында әле дә булса саклана. «Син минем алтыным, көмешем, зөбәрҗәтем, энҗе-мәрҗәнем, якутым, сапфирым... Бөтен кыйммәтле металларны да санап чыктым бугай инде. Әмма аларның барысын бергә җыеп үлчәсәң дә, син миңа мең, миллион мәртәбә кадерле­рәк!» Мондый сүзләрдән соң нинди генә хатын-кызның йөрәге эреп китмәс икән?! Өч-дүрт көн эчендә дус кызым ничек итеп башы әйләнгәнен сизми дә кала хәтта. Егет­кәй, эш пешә башлаганын сизепме, кызга күрешергә тәкъдим ясый. Алай гына да түгел, үзенә кунакка чакыра. Кая инде авыл кызлары егетләргә кунакка йөрсен, ди! Үз өемдә стеналар да якын дип, Алия Русланны үзенә дәшә. «Иптәш кызым белән торгач, курыкмадым инде чакырырга. Тик барыбер тиле булганмындыр. Бер күрмәгән-белмәгән кешене үз фа-тирыңа чакыру башкалар өчен бик сәердер инде ул», – ди Алия. Әмма дус­тымның «сәерлекләре» моның белән генә бетми әле. Иң кызыгы алда! Әйткәнемчә, Алия белән Русланның бу беренче генә күрешүе була. Әмма шул беренче очрашуга Руслан килешкә үк Алия бәлеш (!) пешереп куя. «Кичтән үзеннән сорадым, нәрсә ашарга яратасың, дим. «Кыстыбый», – ди бу миңа. Уйладым-уйладым да, кыс­тыбый тиз суына торган ризык, бәлеш пешерсәм, әйбәтрәк булыр, мин әйтәм. Шулай эшләдем дә. Иртүк торып бәрәңгеләр әрчедем, ит турадым, камыр бастым. Ул килүгә бәлеш пешеп тә чыкты. Иң кызыгы шунда – Руслан каз итен яратмый. Ә мин бәлешне каз итеннән салган идем. Нәрсә ите икәнен сизмәгән дә инде ул. Ярты бәлешне бик тәмләп кенә ашады да бетерде», – дип көлә хәзер Алия. «Беренче күргәндә Руслан миңа бер дә ошамады. Шәһәр бандитлары кебек киенгән иде нишләптер. Аннары ул бик озак торды бездә. Унберләр тирәсендә килгән иде, кичке биштә генә китте. Кешене куып чыгара алмыйм бит инде. Хәйләгә барырга туры килде. Температурам күтәрелде, авырыйм бугай, дидем дә юрганга төренеп яттым. Юк бит, малай, китми бу һаман. Тегеләй дә әйтеп карыйм, болай да «намекать» итәм үзенә... Көч-хәл белән чыгарып җибәрдем моны! Китүенә унбиш минут та үтмәде, бу яза миңа: «Гафу ит инде, авыру килеш калдырып киттем үзеңне.
«Алтын-көмешләрнең барысын бергә җыеп үлчәсәң дә, син миңа мең, миллион мәртәбә кадерлерәк!»

Кире килимме соң?»  – дигән. Йа Ходам, мин әйтәм, борылып килмәсә генә ярар иде! Хәлем әйбәтләнде дип, ничек тә ышандырдым үзен!

Руслан белән күрешкәннән соң менә шундый тәэсирләр ала иптәш кызым. Егеткә бәлеш кенә түгел, кыз үзе дә бик ошый. Аеруча Алиянең озын толымнарыннан күзен ала алмый ул. (Хәзер дә Алиянең чәчен кистерттерми әле.) Руслан икенче көнне дә очрашырга тәкъдим ясый, сессиягә әзерләнәсе бар дип, Алия очрашудан баш тарта. Тик өченче көнгә егет барыбер килеп җитә. Дүртенче көнне дә, бишенчесендә дә... Шулай Яңа ел якынлаша. Сөйгәне: «Яңа елны бергә каршылыйк», – дисә дә, Алия баш тарта, авылга кайтып китә. Әмма алар төне буе икәү телефоннан сөйләшеп чыгалар. Бу барыбер бергә каршылаган кебек була инде. Алия авылдан килгәч кабат очрашалар. Чәчәкләр, шоколадлар, бүләкләр... Көн дә күрешә торгач, кыз егеткә гашыйк булганын сизми дә кала.

Менә шулай шаярудан гына башланган танышу зур мәхәббәткә әверелә. Алия белән Руслан инде ике елдан артык очрашып йөриләр, киләчәктә дә бергә булырга, гаилә корырга хыялланалар. Уңганлыгы, аш-суга осталыгы белән Русланның йөрәген Алия әсир иткән булса, үҗәтлеге, акыллы һәм белемле булуы белән егет кызны үзенә карата.

 Ходай кайчандыр аерган парлар бер-берсен тапкандыр дип ышанасы килә...

фото: pixabay.com
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6948
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4359
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2849
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9431
    6
    35
  • Сыналган мәхәббәт бәхете Язмыштан котылып булмый, язмышыңа язылган булса, тешеңне сындырып керер, диләр. Вәсиләгә Газие белән бәхетле булырга язган булган инде. Урау юллар, яңа гаилә аша узып булса да. 
    3688
    0
    30
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда