Актаныштагы фаҗигадән соң тол калган 24 яшьлек Ландыш: “Иремнең капюшоны тулы кан иде...”

12 июнь төнендә Актаныш-Мөслим трассасының 25 нче чакрымында юл һәлакәте булуын язган идек.

27 яшьлек Айвар Тутаев идарә иткән “Хендай Соната” машинасы – район администрациясенеке. Ул Аппарат Советы җитәкчесе шоферы булып урнашкан була, әмма өч ай сынау срогын тәртипле генә үтә алмый. Салмыш шофер, тизлекне арттыру аркасында, юл кырыена очып төшә. Иң гаҗәпләндергәне: ул яраксызга әйләнгән эш машинасын гына түгел, салонда утырган дус егетен дә үлем тырнагына ташлап китә. Нәтиҗәдә, 27 яшьлек Владимир Холкин иртәнге 8 дә реанимациядә җан бирә.
Аның биш яшьлек кызы Света – ятим,  24 яшьлек хатыны Ландыш тол кала.


Владимир белән күз ачып йомганчы узган гомер, әлеге тынгысыз көн һәм төн турында Ландыш “Интертат.ру”га хәбәрчесенә сөйләде.


“Аркамны сыйпа инде. Соңгы тапкыр”


–Владимир белән без алты ел бергә. Дөрес, ул Себергә эшкә киткәч, сирәк күрештек. Әмма безне бәйли торган уртак балабыз бар. Бу соңгы елны исә без бергә үткәрдек. Әйтерсең, бик тиздән аерылышуыбызны сизенгән кебек, – ди Ландыш.


Ирсез калдырган 12 июньнең һәр минутын ачык хәтерли ул.

–Вова аркасын сыйпаттыра иде миннән. Бу аның иң яраткан гадәте. 12 июнь көнне иртән уянгач, “Аркамны сыйпа әле”, - диде. Бераз вакыт узгач, “Кулым арды бит инде”, – дидем. Ул үпкәләү катыш: “Погладь мне спинку в последний раз”, – диде. Шул сүзе истә. Чыннан да соңгы тапкыр булган бит. Аннан соң ул слива компоты эчәсем килә дип, компот ачтырды. Соңгы арада дус егете Рәмискә йорт төзергә булышып йөрде. Гадәттә, иртүк шунда китә иде. Ә бу көнне обедтан соң гына чыгып китте. Шуннан соң өйгә исән килеш кайтмады.


Безнең өй ачкычы икебезгә бер генә иде. Мин 6лар тулып киткәч, икенче урамга бер кызга прическа ясарга киттем. Шул вакытта шалтыраттым Вовага. “Мин синнән иртәрәк кайтам, ачкычны китереп кит әле”, – диде. Илттем. Шунда ул минем яннан китмичә озак таптанып торды. Бу – безнең соңгы күрешүебез булган.


“Без һәлакәткә очрадык, син мине күрмәдең”


Эшемне бетереп кайтканда, иремә шалтыраттым. “Мин әле өйдә түгел, 10 минуттан кайтып җитәм”, – диде. 10 минут та үтте, 1 сәгать тә. Кичке 11ләр тулгач, мин аңа “Абонет просит перезвонить” хәбәре җибәрдем. Вова Рәмис телефоныннан шалтыратты. “Без 2нче мәктәп янында утырабыз, борчылма”, – диде. Кызымны иремнең әниләренә – авылга кунакка илткән идек. Шуңа күрә берүзем, Вованы көтеп, телевизор карап яттым. Шулай ята торгач, йоклап киткәнмен. Төнге 1 яртылар тирәсендә ишек тавышына уяндым. Айвар кереп килә. “Без өй янында гына утырабыз, минем бала сездә калып торсын әле”, – ди. “Вова кайда?” дидем, “Урамда, мине көтә”, – диде. Сөт эчертеп, баланы йоклатып җибәрдем. Төне буе Вованы көтеп бәргәләндем, йоклап та алганмын. Мине телефон тавышы уятты. Ашыгыч ярдәм хезмәткәрләре икән. “Жена” дигән номерга шалтыраттык, ирегез һәлакәткә очраган” диләр. Айварның улын киендергәндә, үзе килеп керде. “Без эш машинасы белән авариягә очрадык, син мине күрмәдең”, – диде дә, баласын алып китеп барды, – ди Ландыш. Менә сиңа мә! Ландыш төне буе аның баласын карап чыга, ә Айвар исә аның ирен соңгы сулышта ташлап калдыра.


"Комага китте”


Ул хастаханәгә кергәндә, ире исән була әле. Аны уколлар белән аңына китергәннәр икән.

 


–Мин аның уң кулын тоттым. Ул йөзен җыерды. Баксаң, аның уң кулбашы, 8,9,10 кабыргалары сынган булган. Вова күзен ачты да: “Ландыш, ты пришла?” дип сорады. Аннан соң, “Айвар, мальчики, вы где?” дип ыңгырашты. “Мальчики” дигәне авариядән соң аны табучы егетләр булса кирәк. Табиблар Вованы Чаллыга алып китәргә әзерли башладылар. Өстенә ябу өчен одеялга дип өйгә йөгердем. Кире әйләнеп кергәндә, Вова миңа: “Прости, прости за все” диде. Шул арада ук “Кан басымы төшә” дип табиблар мине чыгарып җибәрде. Нәтиҗәдә, ул иртәнге 6да комага китте, ә 8дә җан бирде, – ди Ландыш күз яшьләре аша.


Ландыш сүзләренчә, машинаның тизлеге бик югары булган. Ул аны берничә тапкыр җиргә бәрелеп, һавада әйләнгән дип бәяләде. Вованың башы бик каты бәрелгән. “Киемнәрен үзем юдым, капюшоны тулы кан иде”, – ди ул. Вованың куркынычсызлык каешын эләктермәгән булуы да үз эшен эшләми калмаган...


“Вованы кире кайтар”


Вова җан биргәч, полиция Ландыш янына сорау алырга килә. Ул аны соңгы тапкыр Айвар белән күргәнгә, Айварның адресын әйтеп җибәрә. Анысы исә һәлакәт булуын таный, әмма рульдә Вова иде дип карыша. Соңрак исә үз гаебен танырга була.


–Айвар килеп гафу үтендеме? – дип сорыйм Ландыштан.

 


–Өйдә торсам, күземә Вова күренә дип, әниләргә төшеп киткән идем. Шунда килде. “Барысы өчен дә гафу ит, әйт, мин синең өчен нәрсә эшли алам?” - диде. “Вованы кире кайтар”, - дидем. “Булдыра алмыйм”, - диде. “Алай булгач, син миңа берничек тә ярдәм итә алмыйсың”, - дидем.


“Ашыгыч ярдәм чакыртырга телефон сүнгән иде”


Кан эчендә яткан Вованы Байсар авылы егетләре табып ала. Дөресрәге, һавадан очып төшкән машинаны күрүгә, һәлакәт урынына чаба алар. Бу вакытта инде Айвар китеп өлгергән була, ә Вованың гомере кыл өстендә: бер сүз дә әйтә алмый, бары тик ыңгыраша гына.


Айвар нишләп дустын үләргә калдырып киткән соң?


–Ашыгыч ярдәм чакыртыр өчен телефоным сүнгән иде, –диде ул.–Ә менә нигә Вова телефоныннан шалтыратмаган, билгесез! “Нигә юлда машина туктатып, ярдәм сорамадың?” - дип тә еладым. “Бер-ике машина туктаттым, “Исерекләрне төяп йөрмибез” дип кырт кистеләр ди. Әмма мин моңа ышанмыйм. Авария булганны күргән кеше шуның кадәр кансыз булмыйдыр, – дип елый Ландыш.


“Вованы күргәндәй булам”


Ландыш кызының сабый күңелен яраламас өчен, “Әтиең эштә” дип кенә әйтергә мәҗбүр булган. Әмма бар дөреслекне ул балалар бакчасыннан үзе ишетеп кайткан. “Минем әтием машина белән бәрелеп үлгән икән”, - дигән ул әнисен шаккатырып. Әлеге авыр хәбәрне ялгыш кына ишетеп алгач, дус кызы белән кочаклашып елаган Света. Шулай итеп, әнисенең “Күзем авыртканга елыйм” дигән сылтавы урынсызга әйләнгән.


–Без әтиеңне күрмәсәк тә, ул безне күрә, – дип юатырга мәҗбүрмен. Мин Светаның күзенә карау белән Вованы күргәндәй булам, алар бер-берсенә ике тамчы су кебек охшаган”, – ди Ландыш.


Кызчыкны ятим иткән Айвар Тутаевка суд бер айдан булачак. 


–Үз кызым гомере буе әтисез, ятим үсәчәк. Айварны төрмәгә утыртып, мин аның ике баласын да әтисез итәсем килми. Аны рәшәткә артына ябып кына мин Вованы кире кайтара алмыйм, – ди Ландыш.


Вованың якыннарының, Ландышның, кызы Светаның авыр кайгысын уртаклашабыз. Салмыш килеш теге яки бу гамәлне кылганчы, өйдә көтеп торучы якыннарыбыз хакында онытмасак иде!

чыганак: http://intertat.ru/tt/society-tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    7921
    1
    76
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    8965
    2
    66
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    6075
    3
    58
  • Хат язучы Көтелмәгән хат Айдарның бөтен күңелен актарып ташлады. Кайтасы көнен минутлап санап көтә солдат. 
    4378
    0
    50
Реклама
Соңгы комментарийлар
  • 28 гыйнвар 2022 - 07:57
    Без имени
    Русчалап.Безумно люблю дигән шул була инде.Шулай тиеш диеп үскән инде ул эгоист булып.Бүген иртәгә ата анасы булмаса нишләр ул Ринат дигән әфәнде! Бер пример языйм әле.Улыбыз өйләнгәч первый взнос бирдек квартирага.Икенче ел үзебез диңгезгә киттек.Туган тиешле берәү аптырады,түләп тә беттегез мени ипотеканы диеп.Ир әйтте,15 ел мин ялда итмәсәм,ком кебек коелып бетәм бит,ярдәм иттек,хәзер инде үзләре диеп.Аллага шөкер тырышып эшләп улым киленем түләп беттерделәр 7 ел эчендэ.Универда түләп укыттык,әйдә инде дальше сами.....Икенче улыбызга да шулай ук, укыттык,ярдәм иттек квартира алганда...
    Үз сөягем үземә авыр түгел
  • 28 гыйнвар 2022 - 07:42
    Без имени
    Чишмә районы Сафар авылына кунакка кайтып йөри идем.Әңкәйнең икетуган апаларына.Шунда улы әйтте,клубка чыгабыз,минем яннан ерак китмә,бездә урлыйлар кызларны диеп.40 ел элек.Әле ничектер белмим.Башка район егетенә кияүгә чыктым.Бер белмәгән кешегә ярәшеп китүләр,ай һай авырдыр.Ә йөрегән егетенә чыкса бу инде урлау түгел,бу алдан уйланган сценарий гына.
    Минем карт әбиемне дә, әбиемне дә, әниемне дә урлаганнар
  • 26 гыйнвар 2022 - 21:41
    Без имени
    Хэзер куп инде андый гаилэлэр,балалар дип яшэуче,куплэре ипотека тули бит,чынлап та берэр башка эйбер алырга уйласалар,эти-эни узлэре ярдэм кулын суза,булыша алганнарына соенэ-соенэ.
    Үз сөягем үземә авыр түгел
  • 26 гыйнвар 2022 - 22:00
    Без имени
    Безнен аниебез гел шулай пешерер иде коймакны без торганчы мичка ягып тамле ислар боронны кытыклап уята иде . И гомерлар анида юк хазер андый мичта юк ...без исанбез
    Мич коймагы
  • 26 гыйнвар 2022 - 12:46
    Без имени
    Сез балалар кеше булсын дип яшэгэн очен алар шундый эгоистлар. Нишлэптер эчеп йоручелэрнен эти-энисе кадерле була, алар узлэре турында уйлыйлар. Ризалашыгыз, тик узегезнен кайтып керергэ урыныгыз булсын.
    Кызларым каршы булса да, кияүгә чыгаргамы?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда