​Зифа сын, грация, матурлык

Гомер-гомергә хатын-кыз киеменә аеруча игътибар иткәннәр. Киемең гәүдәгә ятып торсын өчен күкрәкчәне дөрес сайларга кирәк икәнен белә идегезме? Формасы дөрес сайланмаган күкрәкчә хатын-кыз сәламәтлегенә дә зыян сала. Күкрәктә яман төерләр килеп чыгуга сәбәп була. Гәүдәгә ярашлы күкрәкчә зифа буйлырак, яшьрәк, төзрәк күрсәтә. Формасы туры килмәгән күкрәкчә киемнең бар матурлыгын боза. Күп хатын-кызлар шуннан җәфа чигә дә инде. Телевидениенең силикон стереотиплары да ымсындыра. Безнең ханымнар бөкрәеп, күкрәкләрен мендәр тыккан кебек салындырып йөрүчән. Көзгегә карауга, кыяфәтләрен күреп, үзләренең кәефләре төшә. Табигатьтә стандартлар юк. Һәр күкрәкнең формасы һәм үлчәме гәүдә төзелешенә ярашлы. Күкрәкчәнең күкрәгең кереп кенә утыра торганын сайлап ала белергә кирәк.

Күкрәкчә сайлауның серен ачмакчы булам сезгә. Күкрәк формасы ике типка бүленә: классик һәм яшь күкрәкләр. Классик формалы җәелмәгән күкрәкләргә модельләрнең пластинка куелганнары да, куелмаганнары да килешә. Очлы башлы яки ярым кыйгач җөйле итеп тегелгән модельләр матур күренә, алар блузоннарны һәм изүе түгәрәк уемлы күлмәкләрне матур күрсәтә. Күлмәк уемы V-рәвешле булса, «балконет» моделе отышлырак. 

! Яшьләр формасы — киң күкрәк читлеге, киң җилкәләр, киң җәелгән күкрәкләр. Мондый тип хатын-кызлар еш очрый. Аларга киң пластинкалы ярымтүгәрәк, түгәрәк модельләр әйбәт булачак. Пластинка куелмаган модельләр бик килешеп тә бетмәс, ә менә теләсә нинди уемдагы футболкалар, түгәрәк, ярымтүгәрәк муенлы киемнәр белән барачак.

! Иңсә аша үтүче киң тасмалы, эченә поролон куелган модельләр мул күкрәкле хатын-кызларга җайлы булачак. Мондый модельләр халык телендә «рюкзак» (биштәр») дип йөртелә. Аларның күкрәк астында пластинка юк, кияргә дә бик уңай. Шунысына да игътибар итегез: пластинкалар зур формалы күкрәкләр өчен түгел. Өлкән яшьтәгеләргә исә форма бирүче модельләр түгел, хәрәкәтләнергә уңайлы, тән суларлык киҗе-мамык тукымадан тегелгән күкрәкчәләр кирәк. Пластинка булса, яхшырак тота дип уйлаган хатын-кызларга моның дөрес түгеллеген, пластинкаларның батып кереп, күкрәкләрдә тирән күгәрек эзләр калдырганын аңлатырга туры килә. Дөрес сайланган модель генә күкрәктә яхшы утырачак. Җөйсезләре дә күкрәкне начар тота. Рекламага алданмагыз.

! Үсмер кызларга эчке киемнәрне сайлауның никадәр әһәмиятле икәненә аерым тукталасым килә. 
Мәктәп яшендәге кызлар, гадәттә, күкрәкне зуррак күрсәтә торган күкрәкчәләр сатып ала. 14 яшьлек таныш кыз, әнә, андыйлар матур дип тора бит әле. Ләкин читтән караганда ул бик ясалма күренәчәк, кыз баланың гәүдәсе белән гармония сакланмаячак. Аеруча җәй көне бу нык күзгә ташланачак. Җитеп килүче кызга зур күкрәк­ләр ничек килешсен инде? Заманында Советлар Союзындагы яшь кызлар пластинкаларсыз мамык күкрәкчәдән йөргән. Үсмерләр өчен атластан, киҗе-мамыктан булган беренче модельләрне күпләр хәтерлидер әле. Менә шундыйларны кияргә кирәк кызларга. Күкрәкләр дөрес торганда, мускуллар үзләре үк тыгызлана, табигый формасын ала; култык астына да китми, үз урынында кала. Күп хатын-кызлар эчке киемнәрне дөрес сайлый белмичә, күкрәкләренең табигый формаларын боза. Мин аларны үз формаларын белергә, модель һәм үлчәмнәрен ялгышмый сайларга өйрәтәм. 

16-18 яшькә күкрәк формасы тәмам формалашып бетә, кызларга инде күкрәк читлегенә туры китереп алынган пластинкалы, поролон, ярым поролон эчлекле модельләр дә ярый башлый.

! Бүген йөкле ханымнар өчен бала тапканчы һәм бала тапканнан соң кия торган күкрәкчәләр модага керде, аны бала имезүче аналар өчен дип тә әйтәләр. Әлеге модельләр бер файдалы функция дә башкармый. Бердән, уңайсыз; икенчедән, ими башлары ялкынсына. Мин андый модельләрне модага иярү дип кенә атыйм. Сатып алучыларымны кирәксез бу акча туздырудан аралап калырга тырышам. Алар урынына киҗе-мамык тукымадан тегелгән классик стильдәге пластинкасыз күкрәкчәләрне тәкъдим итәм. Йөкле вакытта һәм бала имезгәндә күкрәк мускуллары, зәгыйфьләнеп, салынып төшмәсен, тыгыз килеш калсын өчен шулай эшлим. Йөклелек кырык атнага гына сузыла. Күпләр килешә минем белән, һәм аларның вакытлы халәтенә карап, дөрес формалы модельләр сайлыйбыз.

! Формасы буенча күкрәкчәләр көндәлек һәм бәйрәм күлмәкләре белән кия торганга аерыла. 

Билгеле фирмаларның эчке кием модельләре каталогы ике төргә бүленә: КЛАССИК (көн саен киелә торган) һәм МОДАЛЫ КОЛЛЕКЦИЯ (матур эчке киемнәр яратучылар өчен, ул ярты ел саен яңартыла). Каталог өчен яңа коллекция иҗат иткәндә, дизайнерлар яңа модельнең дизайнын безгә, сатып алучыларга уңайлы булырлык итеп һәрчак җентекләп уйлыйлар. Күкрәк асты үлчәме 70 тән башланып, 0 дән 12 гә кадәрге үлчәмнәр рәтенә туры килеп бара. «Оя»сы зур булган күкрәкчә алып, соңыннан аны кечерәйтеп утырасы юк.

Бүген сатуда модельләрнең ниндие генә юк! Төсләре, фасоннары дисеңме! Әмма сәламәтлек өчен бик үк кулай булмаганнары да җитәрлек шул. Ул модельләр коммерция табышын күздә тотып чыгарыла, форманы дөрес утырту кагыйдәсе исәпкә дә алынмый. Үзебездә тегелгән эчке киемнәргә өстенлек бирергә кирәк. Алар табигый тукымалардан, сыналган калыпларга туры китереп тегелә. 

Дөрес сайланган күкрәкчә кияргә дә җайлы, сәламәтлек өчен дә зарарсыз. Ашык-пошык кына алырга ярамый, башта сатучы-консультант белән киңәшегез. 

Зифа сын, грация, матурлык хатын-кызлар өчен бик мөһим!


КИҢӘШ
Күкрәкчә — үзенчәлекле эчке кием, ул аерым игътибар сорый. 

* Формасын югалтмасын дисәң, күкрәкчәне көн саен алыштырып торырга кирәк.
* Нәзберек тукымаларны юганда кулланыла торган сыек сабын белән бары тик салкын суда кулдан юарга киңәш итәбез. Кер порошоклары нәфис тукыманың сыйфатын боза.
* Күкрәкчәне суда биш минуттан да артык чылатып торырга ярамый.
* Кул белән юмаган очракта, тишекле кер капчыгына салып, машинада сак режимны сайларга кирәк.
* Борып сыгарга ярамый, «оя»сы җимерелә. Иң яхшысы – сөлге белән киптерү. Шулай ук батареяларга да элмәгез. Югары температурада күкрәкчәләрнең эластиклыгы юкка чыгачак. 
* Юганнан соң күкрәкчәне үтүкләмиләр. 

фото: http://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6702
    2
    47
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7581
    0
    35
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4005
    0
    33
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2057
    0
    32
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2199
    0
    19
Реклама
Соңгы комментарийлар
  • 28 июнь 2022 - 10:56
    Без имени
    Сез язманы игътибар белән укымаган, ахры, иптәшләр. Монда бит колхозчы баласының кеше була алмавы турында бармый сүз! Ә ата-ананың баланы аралавы, башкаларга караганда, начаррак мөнәсәбәттә булуы турында сүз бара. Әгәр шартлар булса, бу өлкән кыз да, кече сеңлесе кебек, врач була алыр иде!
    Врач буласы урынга авылда әбиләр карыйм
  • 28 июнь 2022 - 11:47
    Без имени
    Узегез йомшак булгансыз. Чыгып китяргя иде. Нык телясягез врач булыр идегез. Урында утырып , хыяллар белян яшяргя унайлырак булган курясен сезгя. Атиегез гаепле тугел ,а узегез . А хазер барсы да гаепле сезнен очен. Алай булмай шул. Узегез ялгышкансыз. Шуны анлагыз хям яшягез алга карап. Артка карап, барсында гаепляп тугел.
    Врач буласы урынга авылда әбиләр карыйм
  • 24 июнь 2022 - 19:54
    Без имени
    Бик позитив, укып чыккач, кунелгэ рэхэт булып калды
    Галим
  • 24 июнь 2022 - 20:10
    Без имени
    Азаматны ышандырып йорисе тугел иде! Йомшак ирлэр дэ ничектер бэхетле яши бит эле. Кайбер гаилэдэ хатын-кыз эйдэп бара, торле гаилэ бар. Ин мохиме, ир куп эчмэсен, акча тапсын.
    Балдаклар, туй күлмәге калды, ә мин...
  • 24 июнь 2022 - 23:53
    Без имени
    Гаеп синдэ бит
    Аздан гына кылынмаган хата
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда