Мин иремнән оялам

Мин иремнән оялам
«Элек мин зифа буйлы бик чибәр хатын идем. Гормональ дарулар белән дәваланганнан соң, гәүдәгә тазардым. Хәзер менә иремнән оялам, аңа ошамыймдыр кебек тоела.
Фәридә. Норлат.»


Җавап:
— Әйе, һәр хатын-кыз чибәр булу турында хыяллана. Хәтта күп вакытта «Чибәр булып түгел, бәхетле булып туарга кирәк»  дигән халык әйтемен дә истән чыгарабыз. Бактың исә, ир белән хатын арасындагы хисле бәйләнеш туйга чаклы ук барлыкка килә. Ә гаилә корып, бергәләп яши башлагач, әлеге дә баягы, рухи бәйләнеш бер-береңнең тышкы сөйкемлелегеннән дә өстенрәк булып чыга. Тора-бара ыгы-зыгылы көндәлек тормышта мәхәббәт хисе күзгә күренмәскә әйләнә. Тик ул бар! Аз-маз үпкәләшкәч тә бер-береңә тартылу — шул мәхәббәт ләбаса! Дистә еллар бергә яшәгән парлар исә чәч агару, тазару, җыерчыклану кебек физик үзгәрешләрне игътибарга да алмый башлыйлар. Кызганыч, еш кына шул үзгәрешләрне үзендә кичерүче кайбер кешеләр – әйтик, Фәридә кебек, буш урында түмгәк эзләргә тотыналар. Сез, Фәридә, әнә шул ясалма проблема капканына эләккәнсез. Иң дөресе, ирегез түгел, үз-үзегездән  үзегез ояласыз. Гәүдәгә тазарсагыз да, ирегезгә элеккечә сөйкемле булып күренергә телисез, шулай бит?..

Сезгә кичекмәстән карашыгызны үзгәртергә кирәк. Косметик салонга йөрмәсәгез дә, крем, кершән, иннек, хушбуй кебек бизәнү әйберләрен заманчага яңарта аласыз ич. Кием-салым кибетенә күз салу да урынлы булырдыр, мөгаен. Буй-сыныгызга килешле, өйдә дә, эштә дә киярдәй зәвыклы киемнәр сатып алыгыз. Күрегез дә торыгыз, күз алдында сөйкемлеләнеп китәчәксез. Әлбәттә, үзеннән-үзе иремә ошамыйм дигән уйларыгыз да юкка чыгар. Сөйкемлелек ачкычы үз кулыгызда!

__________________________________

Китәргәме, китмәскәме?
«Мин чит илдә яшәү турында күптәннән хыяллана идем. Хәзер менә Германиягә китү мөмкинлеге бар. Ә моңа алданрак ирешкән дусларым исә кире кайтырга җыена. Нинди киңәш бирәсез?
Гөлсинә. Буа.»


Җавап:
— Гөлсинә, туксанынчы елларда минем бер танышым Америкага стажировкага киткән иде. Аның Нью-Йорктагы беренче көне чүп түгүчеләрнең забастовкасына туры килә. Билгеле, шәһәр чүпле. Ә танышым Американың шул чүп-чарына абына-сөртенә: «Менә нинди икән иреклек 
исе», — дип йөргән. Шулай бит ул, күршенең чирәме һәрвакыт яшелрәк күренә. Германиядә син яхшырак яшәрсең дип, кем гарантия бирә ала? Әгәр син ышанычлы якын кешең чакыруы буенча, алдан тәгаенләнгән эшкә китсәң, икенче мәсьәлә. Минемчә, илләрдәме ул, шәһәрләрдәме, иң мөһиме — кешеләр. Әгәр андагы кешеләр күңелеңә хуш килә икән, нигә үз-үзеңне сынап карамаска?

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1664
    22
    192
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5311
    2
    74
Реклама
Соңгы комментарийлар
  • 14 октябрь 2021 - 20:56
    Без имени
    Бик куркэм, эчтэлекле язма. Анда эйтелгэнчэ бэхет сезнен бн янэшэ йорсен.
    Оясында ни күрсә...
  • 14 октябрь 2021 - 20:30
    Без имени
    Бик матур унган, булган, топле гаилэ. Килэсе коннэре гез аяз, тыныч бэхет э утсен. Шундый язмалар килэчэк тэ дэ туып торсын.
    Оясында ни күрсә...
  • 15 октябрь 2021 - 08:28
    Без имени
    дус кызларны иялэштерергэ кирэкми икэн ул.
    Нигә мине чүпрәк итәләр?!.
  • 14 октябрь 2021 - 23:07
    Без имени
    "бала өчен дип" үзегезнең ахмаклыгызны гына бала бәхетеннән (һәм үзегезнең бәхетегездән дә) алда куймагыз. балага кирәк әти. балага кирәкми әтигә охшаган хәйван.
    Мәхәббәттән нәфрәткә бер адым икән
  • 14 октябрь 2021 - 22:31
    Без имени
    Огромное спасибо за информацию. Крурсы валют
    Бәхетле очрак-2
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан