Классташлар арасында никах турында

«Төшләремә кердең, классташ» язмасына


Классташлар арасында никах, еш булмаса да, очрап тора. Бер-берсен бер гаиләдә үскән балалар шикелле яхшы белгән кешеләр арасында корылганлыктан, бу никахларның уңай ягы да һәм, кызганычка каршы, тискәре яклары да бар.
Мондый никахның нигезен, гадәттә, озак елларга сузылган дуслыкның мәхәббәткә әйләнүе – беренче мәхәббәт хисләре тәшкил итә. Билгеле булганча, беренче мәхәббәт хисен иң тотрыклы хискә санап булмый, ләкин кайбер очракларда бу хис дәвамлы булырга, берникадәр тотрыклырак халәтләргә күчәргә мөмкин. Менә шундый мәхәббәт, аеруча бер-берсен сабый чактан ук яхшы белгән кешеләр арасында барлыкка килсә, һичшиксез, матур гаиләгә нигез була ала. Бер-беренә яраклашу чорын – ә ул һәр никахның сынавы – мондый гаиләләр җиңелрәк үтә: никахка кадәр үк күп нәрсәләр аңлашылган, бер-береңнең холкы, гадәтләре таныш, теге яки бу хәлдә партнерыңның үзен ничек тотасын алдан ук белеп торасың. Һәртөрле иллю-зияләр әлеге никахта, гадәттә, яшәргә комачауламый, һәр ике як та бер-берсен «алсу күзлектән» түгел, ә реаль чынбарлыктагыча күзаллый. Шунлыктан мондый гаиләләрдә ызгыш-талашлар да азрак була.

Әмма классташлар арасындагы никахның нәкъ менә югарыда әйтеп үтелгәннәр белән бәйле бер зур тискәре ягы да булырга мөмкин. Уртак гаиләдә үскән абый белән сеңел шикелле бер-берсен яхшы белгән ир белән хатын кайчакта бертөрлелектән, никахта бернинди дә яңалык, көтелмәгән хәлләр бул-маудан аптырый: бар да алдан билгеле – кем кайчан үзен ничек тотачак, теге яки бу хәлнең чишелеше ничек булачак... Бу бертөрлелек хисләрне төссезләндерә, тоныкландыра, күңелдәге дулкынлану, яңача күрү хисләрен томалый. Шуңа күрә мондый гаиләләргә менә нинди киңәш бирәсе килә: бер-берегезне ни белән дә булса гаҗәпләндерүдән туктамагыз – көтмәгәндә хатыныгызга чәчәк бәйләме бүләк итегез, ирегезне икегез өчен генә әзерләнгән бәйрәм табыны белән гаҗәпләндерегез, ул табынга яңа матур күлмәк киеп утырыгыз, яңа прическа ясагыз. Гадәти яктылык урынына матур шәмнәр яндырсагыз, бигрәк тә романтик хисләргә бирелерсез. Бер-берсен кечкенәдән белгән кешеләрнең икесенә генә мәгълүм, инде, бәлки, онытылып та бара торган кушаматларны, яратып әйтелә торган сүзләре булса, шуларны кайчак искә төшереп, сөйгәннәренә шул вакыттагы сүзләр белән дәшү кирәк – кешеләрне уртак серләрдән дә көчле берләштерү хисе юк! Гомумән, озак еллар бергә яшәгән, бер-берсен бик яхшы белгән һәр гаиләгә вакыт-вакыт хисләрне яңартып алу һич тә комачауламый.

Классташлар арасында корылган никахны сагалап торучы тагын бер куркынычны әйтми узып булмый. Гадәттә, мондый никахлар яшьли корыла, әле егет тә, кыз да үзләренең рухи, интеллектуаль потенциалларын ачмаган, аласы профессиональ белем дә, карьера үсеше дә, иҗади уңышлар да әле алда... Кайчакта инде уртак гаилә булып яшәп ятучы, балалар үстерүче парлар төрлечә үсеш ала – берсе укып югары белем ала, зур казанышларга ирешә, ә икенчесе булдыра алмый яки башка сәбәпләр аркасында элеккеге урынында таптанырга мәҗбүр. Нәтиҗәдә, ир белән хатын бер-берсен аңламый башлый, уртак темалар саны кими – сөйләшкән сүз күбесенчә бала тәрбияләү, көнкүреш мәсьәләләренә кайтып кала... Мондый хәл килеп чыкканда инде, бәлки, ярдәм итү мөмкинлекләре дә калмыйдыр. Шуңа күрә, гаиләдә баштан ук ир дә, хатын да бер-берсенә ярдәм итеп, тигез дәрәҗәдә үссеннәр, үрләрне бергә яуласыннар иде – бу гаиләне саклап калу гына түгел, ә бәлки аны тагын да ныграк берләштерү чарасы да булыр иде.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    15024
    1
    84
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    11377
    1
    61
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5562
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5115
    3
    41
Реклама
Соңгы комментарийлар
  • 1 февраль 2023 - 17:08
    Без имени
    Бик күркәм хәситә. Ясалышы гади генә булса да, отышлы күренә. Идея өчен авторга зур рәхмәт.
    ​Милли бизәкләр – хәситә
  • 31 гыйнвар 2023 - 16:29
    Без имени
    Дөрес эшләгәннәр, дип язучыга җавап бирәсе килә. Аларны яратмаган кешегә өйләнергә, кияүгә чыгарга кем мәҗбүр иткән? Яратмыйча яшәгәч, нигә шул гомер яшәгәннәр? Нигә баштарак аерылмаганнар? Бу очракта азгынлык бу! Әгәр алар бер-берсе бн очрашканчы мәхәббәтсез яшәү авыр, дип аерылган булсалар, аңлап булыр иде. Ә бу очракта хыянәт бу! Димәк, азгынлык!
     «Мин аны  сыйныфташлар очрашуыннан алып кайттым...» 
  • 31 гыйнвар 2023 - 13:57
    Без имени
    Хыянэт итмэгэн ирлэр бар микэн ул? Мин иремэ шулай дип эйткэч, э ирлэр кемнэр белэн хыянэт итэ сон хатыннарына,хатын-кыз белэн тугелме диде. Монда ирлэрне генэ дэ гаеплэп булмыйдыр, муеннарына асылынгач, постельгэ сойрэп яткыргач, нишлэсен инде алар? Ир-ат табигатьтэ нэсел калдыручы, самец бит инде ул. Э хатын-кыз тотнаклырак булса, хыянэтлэр дэ булмас иде. Уз ирлэре белэн яши алмаган, азып-тузып йоруче хатын-кызлар( хатын-кыз димэсэн, хэтерлэре калыр) этэрэ ир-атларны хыянэткэ. Ойлэнгэн ир икэнен белэ торып, анын белэн очрашып йору бернинди кысаларга да сыймый.
    «Йөремсәк» хатын
  • 31 гыйнвар 2023 - 18:16
    Без имени
    Аллаһ Тәгалә сынауларның ин олысын биргэн,димэк ин яраткан колларыннандыр...Куркэм сабырлык белэн уткэреп жибэрергэ насыйп булсын.Мэрхэмэтле,шэфкатьле иманлы кеше тап итсен.Ялгызлыкка караганда,янэшэндэ яхшы кеше торса,авырлыкны жинэргэ жинелрэк булыр.Балаларның уз юлы. Аллаһ хэерле юлын узе курсэтер ин ша Аллаһ.
    Киләбез дә китеп югалабыз...
  • 30 гыйнвар 2023 - 20:45
    Без имени
    Мин дэ сезнен кебек исерек ирне 18 ел тузеп яшэдем. Хэзер исемэ тошкэн саен, жулэр булганмын дип уйлыйм. Аерылышканыбызга елдан артык, хаман эчэ, эчендэ чыкмаган жаны гына калган инде. Кеше ни эйтер дип тузэбез шул, узебезне уйламыйбыз. Эгэр бер фикергэ килэ алмасагыз, психолог белэн кинэшегез. Мина ярдэме тиде. Игътибарыгыз очен рэхмэт.
    Эчкече иргә сабыр итәргәме?
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр