"ИНТЕРТАТ" ЖУРНАЛИСТЫ АВЫЛ ДИСКОТЕКАСЫНДА БУЛДЫ: "ТАТАР БАЛАЛАРЫ НУРМИНСКИЙНЫ ТЫҢЛЫЙ ИКӘН"

"Эх, нинди заманнар килде бит!" - дип кайттым мин дискотекадан.

«Альберт Нурминский Апаска килә» дигән сүзне 15 яшьлек күрше кызыннан ишеттем.  И җыенды, и бизәнде инде. 5 гыйнварны бармак бөгеп көтте дисәм дә ялгышмам. Оят булса да әйтим (журналист буларак мин һәр мәдәни һәм әдәби хәрәкәттән хәбәрдар булырга тиеш), Нурминскийның бер генә җырын да белмим икән. Дөресрәге, бер җырын ишеткәнем бар, әмма аны ул башкаруын белми идем.  Ярый, хуш, билгеләнгән көн килеп җитте. Алда әйткән күрше кызы да, тагын әллә ничә мәктәп укучысы төштән соң ук чәчләрен бөдрәләтеп, караңгы төшә башлауга Апаска китте. Шунысын әйтеп үтәргә кирәк: ара якын түгел, безнең авыл район үзәгеннән 30 чакрым ераклыкта урнашкан.

"Дискотека" сүзенә без дә алдандык, «мәктәп укучылары барган җирдән нигә калырга тиеш әле без?» -  дип, чыгып киттек. Без барганда инде район мәдәният йорты тирәсе эреле-ваклы малай-кызлар белән куерып килә иде. 

"Яшьләр соңрак чыга икән" дигән уйларны эчкә йотып, танцполга узабыз. Сәхнә алдына бал сылап куйганнар диярсең, бар халык шунда. Дежавю: "Пирамида"да Элвин Грей концерт-дискотекасы күз алдыма килде. Кемнәр булган, шулар белә: кызларны келәй белән ябыштырып куйган төсле иде. Ә бит монда егетләр дә бар: малайлар да, егетләр дә.

Менә Альберт Нурминский сәхнәгә чыкты. Теге сәхнә каршындагы яшь буынның аны күрү шатлыгының иге-чиге булмады. Бер ел солдат хезмәтен үтәп, туган өенә кайткан егетләргә дә алай шатланмыйлардыр. Нурминский сәхнәгә чыккач исә этеш-төртеш башланды. Барысы да аны якыннанрак күрергә, бармак очларына булса да кагылырга тели.

Нурминский җырлый башлау белән (җырлыймы, сүзләрне көйгә салып укыймы - бу берәүгә дә мөһим түгел иде) зал тагын да җанланды. Беләсезме, яшьләр аның һәр җырын яттан белә! Беренче рәттә торган кызлар үзләренең белгәнлекләрен укытучыга раслагандай, кычкырып-кычкырып җырлый.

Альберт яшьләрдән кайлардан килүләрен сорады: Апаска якын күрше-тирә авыллар гына түгел, 30-40 чакрымнан килүчеләр дә буа буарлык. Тәтеш районыннан да Нурминскийны күрергә килүчеләр бар иде.

Альбертның программада 10 җыры каралган. Бишесен ул беренче җырлады, калган яртысын икенче бүлектә.

 

 

 

Үз бурычын үтәп, сәхнә артына кереп киткәч, журналист вазыйфамны алга куеп, мин дә аның янына үттем. Анда керү җиңел димәс идем, Нурминскийның фанатлары әле минем итәккә дә тагылып керергә маташты.

Шунысын әйтергә онытып торам икән, алдагы көнне Альберт Буада чыгыш ясаган иде. Үзем анда булмасам да, дискотеканың ничек узуы көн кебек ачык: социаль челтәрләр шуның белән генә тулды. Дусларым арасында да Буага баручылар булды. Алар инде “ай да вай” килделәр.

–       Кичерешләрем шундый шәп. Кичә Буада кеше күбрәк иде, аның каравы, Апаста яшьләр активрак. Бүген җайлырак, рәхәтрәк. Менә карап торам, монда яшь чикләве юк. Минем тыңлаучыларның күбесе 14 яшьтән 18 яшькәчә. Яхшы кабул итәләр, мине яраталар икән. Алгы рәтләрдәгеләргә “везет”. Арттагылар да кул суза, күрешмәкче була. Әмма барысына да буем җитми. Тик ахырдан фотога төшү вакыты булачак. Кичә Буада 200 кеше бар иде, шуның 150се белән фотога төшкәнмендер, билләһи, – диде Нурминский.

Ул шулай дигәч, мин дә Нурминский белән фотога төштем.

 

 

Апаслылылар Альбертның “Ә  мин, ә син, ә без” “105 километр” җырларын кабат-кабат сорады.

–      Без эшли башлаганга бер ел, узган елның гыйнварыннан башладык. Инде ятып калганчы атып калыйк. Бу әле – минем иҗатымның башы гынадыр дип уйлыйм”, – диде Альберт Нурминский “Татар-информ” хәбәрчесенә һәм яшь тыңлаучылары янына ашыкты.

Альберт Нурминский – гади авыл егете. Балтач районыннан. Әмма аны йөзләрчә чакрым ераклыктагы гади авылларда яшәүче кызлар ярата, тыңлый, гашыйк була. Җырлары чыннан да вирус, юкса бүген иртәдән башта шул көй әйләнүен, телгә җыр сүзләре керүен ничек аңлатасың?

Дискотекадан уйланып кайттым. Татар балалары ике сәгатьтән артык рәхәтләнеп татарча җырлады, биеде. Яраткан җырчылары белән татарча аралашты.

Эх, минәйтәм, нинди заманнар килде бит, ә! Безнең дә булды инде ул үсмер чаклар, мәктәп чаклары. Бүлмә диварларына Зөлфәт Зиннуров, “Эссе” төркеме егетләре, Илназ Сафиуллин постерларын ябыштырып, төннәр буе шулар турында уйланып яткан чаклар. “Җавапсыз мәхәббәт” утында көйгән вакытларда шулай берәрсе авылга, һичьюгы район үзәгенә килсә, без шатланмас идекме?

Ә хәзерге яшьләр бәхетле. Алар Нурминскийны уйлап, тыңлап кына калмый, аның үзен якыннан күрү бәхетенә дә ирешә, аңа кушылып җырлый һәм фотога төшә. Яраткан кумирың соңыннан күз дә кысып алса, 14-15 яшьлек яшь җилкенчәккә күп кирәкме соң?

Дискотека кичке сәгать 10га кадәр барды. Чөнки 18 яше тулмаган балаларга озатучылардан башка соңга кадәр йөрергә ярамый. Альберт Нурминский моны әңгәмәбез вакытында да әйтеп узган иде. Кызлар кумирлары белән фотога төшкәч тә, теләр теләмәс аерылды.

Шуны аңладым: район-авыл баласына менә шундый ял кирәк икән!

P.S. Чыннан да, Альберт Нурминскийның тамашачысы - 14 яшьтән 18 яшькәчә. 

чыганак: http://intertat.tatar/shou-biznes-yanalyklary/intertat-zhurnalisty-avyl-diskotekasynda-buldy-tatar-balalary-nurminskiyny-ty-lyy-ik-n/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 18 октябрь 2021 - 17:58
    Без имени
    Чулпан Шакирова әзерләде түгел, Чулпан Шакирова автор. Әзерләде ул - башка сайттан материалны алып, икенчесенә күчереп куйды дигән сүз, сезнең кебек. Ә Чулпан Шакирова Апаска барды, төнлә дискотекада йөрде, төнлә кайтып язды һәм иртәнгә өлгертте. Ул журналист, әзерләүче түгел. Авторларга хөрмәт йөзеннән, дөрес итеп языгыз.
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1712
    26
    194
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5365
    2
    74
Реклама
Соңгы комментарийлар
  • 16 октябрь 2021 - 22:17
    Без имени
    Илдя чыпчык улми. Тукмалып торырга ярамый.
    Мәхәббәттән нәфрәткә бер адым икән
  • 17 октябрь 2021 - 07:44
    Без имени
    Яшьлэр монда ни причём. Халыкнын дини наданлыгыннан килэ бу хэллэр. Дини агарту эшлэре алып барырга кирэк. Семьядан башлап, диния нэзэрэте дэ яшьлэргэ тэрбия биру остендэ эшлэргэ тиеш, мячетлэр салалар, э яшьлэрне мэчеткэ Тарту эшлэрен тиешенчэ кутэрмилэр...
    Кызыбыз өйләнә – улымны киленгә бирәм!
  • 17 октябрь 2021 - 19:39
    Без имени
    Әтисез читен була дигәнсез?Ә әнисез?Лилия исемле бер җырчы интервью бирде,сездә тыңнагансыздыр бәлки.Әниемә әти җайсыз сукты ди,35 яшендә мәрхүм булды әнием ди.Кабатларга уйлыйсыңмы?Ноги в руки и бегом ул тиледән....
    Мәхәббәттән нәфрәткә бер адым икән
  • 15 октябрь 2021 - 11:55
    Без имени
    Минем уйлавымча. хыянэтне. гафу итэрге. ярамый. минем дэ баштан утте. эле. мин. бала авырып. больницада яттым. э ул. жилбэзэк кызны. ойге керткен. ир атнын. башы. юк анын. алар. узлэре очен гене. яшилэр. бала да. кирэкми. хатын. да. картайганчы. хыянэт итэ. минеке. шулай булды.
    Нигә мине чүпрәк итәләр?!.
  • 15 октябрь 2021 - 15:13
    Без имени
    Бик матур,тату,тырыш,тэуфикле гаилэ - Эхмэтшиннар гаилэсе.Алдагы коннэрдэ дэ матур,тату,бэхетле булып яшэгез! Зур унышлар сезгэ!
    Оясында ни күрсә...
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан