Чулпан Йосыпова: "Артистларны бай дип уйлыйлар. Без үзебезне шулай күрсәтәбез генә"

Көчле тавышка ия булган яшь җырчы Чулпан Йосыпова, башка артистлардан аермалы буларак, үзе турында сөйләргә яратмый. Күпләргә аның кайда, кем белән яшәве, ниләр белән шөгыльләнүе кызык. Ниһаять, Чулпан шәхси тормышындагы яңалыклары, зур үзгәрешләре турында Intertat.tatarга сөйләде. Әңгәмәгә Чулпан 1 яшьлек улы Солтан белән килде. Солтан - бик шук, тиктормас бала, тавышына караганда, әнисе кебек үк җырчы булыр, мөгаен.



- Чулпан, белүемчә, син Казанга Пермьнән әти-әниләрең белән бергә күченеп килдең. Туган якларны ташлап китү авыр булмадымы?

- 2010 елда гаиләбез белән Казанга күчендек. Сагыну хисләре бик сирәк килеп китә. Анда көнләшү, булганын да булмаганын да сөйләү гадәте бар иде. Менә шулар кире хисләр уята. Кайвакыт туган йорт төшкә керә. Әти гомере буе колхоз рәисе булып эшләде. Шуңа да карамастан, без – балалары дип, барысын да ташлап Казанга күченеп килде. Башта туган якны сагынды, авыр булды, хәзер ияләнде инде. Бардадан Казанга күченеп килгән дусларыбыз бик күп. Барысы да зур-зур урыннарда эшләгән кешеләр, барысы да үзара тату. Кайбер артистлар Мәскәүгә китәргә хыяллана, мин исә Мәскәүнең “М” хәрефен дә яратмыйм. Ул – зур мегополис, анда караңгы, пычрак кебек. Ә Казан зур да, кечкенә дә түгел, монда миңа бик рәхәт! 



- Тормыш иптәшең дә Барданыкымы? 

- Без - бер авылдан, ул миннән 5 яшькә өлкәнрәк. Ике ел очрашып йөргәннән соң, 2014 елда өйләнештек. Никахны - Казанда, туйны Бардада үткәрдек. 

- Чулпан, ирең белән аерылышкан, дигән сүзләр дөресме?

- Дөрес. Дүрт ай элек аерылыштык. 



- Аерылышуны ничек кичердең?

- Бергә яшәмәгәч, аерылышуны авыр кичердем дип әйтмәс идем. Аннан соң эш белән дә онытылдым. Паспортта әле “Шәмсетдинова” фамилиясендә, Йосыповага үзгәртергә телим. 

- Өйләнешкәнче, кайда яшәвегезне алдан сөйләштегезме?

- Мине алырга килгәндә, ике якның көче белән Казанда фатир алабыз, ягъни Казанда яшәячәкбез дип сөйләшкән идек. Ләкин без бергә тормадык, ул һәрвакыт Бардада, мин Казанда яшәдек. Ул урман хуҗалыгы белән шөгыльләнә. Мин дә, әти дә гел Казанга чакырып тордык. “Туганнарым, дусларым Бардада, минем монда беркемем дә юк”, - дип әйтте. Мине Бардага чакырды, ләкин минем анда кайтырга теләгем юк. Айга бер тапкыр килә иде дә, өч көн торгач кайтып китә иде.



- Ялгышмасам, йорт та сала башлаган идегез...

- Казанның Царицыно бистәсендә әти җир алды, 250 кв.м. мәйданлы йорт салырга керешкән идек. Йортны түбәгә керттек тә, тукталды. Инде хәзер аның төзелешен әти дәвам итә. Тәрәзәләр куйдыра, су һәм ут кертә. Мин хәзер кысылмыйм, миңа йорт кирәк түгел. Хәзерге вакытта улым белән әти-әни фатирында яшим. 

- Уртак балагыз Солтанга 1 яшь. Аны ничек итеп тәрбиялисең, нинди телдә сөйләшә ул? Әтисе белән бергә яшәмәвенең сәбәбен ничек аңлатачаксың?

- Хәзердән үк үскәч нәрсә әйтермен, ничек аңлатырмын, дип уйлыйм, куркам... Солтан белән бары тик татар телендә генә сөйләшәбез. Аның татар телен белеп үсүен телим. Телгә мәхәббәт тәрбияләү өчен “Сабыйлар” исемле балалар үзәгенә йөрибез. Акыллы, гади, кешелекле, әнисенә мәрхәмәтле булуын телим. Бассейнга йөрергә җыенабыз. Аллага шөкер, әти-әни бик булыша. Бер-ике көн күрешми торсалар, әни “син мине Солтаннан мәхрүм итәсең”, - дип елый. 



- Чулпан, ирең белән аерылышкач, дөньяң үзгәрдеме? 

- Элек дөньяда барысы да яхшы, ул ак төсләрдән генә тора кебек иде. Яши-яши аның тискәре якларын да күрә башлыйсың. Елаган чаклар була. Еш түгел, әмма була. Күбесенчә - төнлә. Артист тормышы да җиңел түгел бит. Артистларны бай дип уйлыйлар. Без үзебезне шулай күрсәтәбез генә бугай. Бездә дә кредитлар бар. Йорт сала башлаганда, үз исемемә кредит алган идем, әле дә түлим...

- Ничек акча эшлисең?

- Казан театр училищесында вокал укытам. Балага 3 ай булганда, эшкә чыктым. Аннан тыш та чакырган чараларда чыгыш ясыйм. 17 яшемдә беренче тапкыр концерт куйдым. Быел, Алла теләсә, алтынчы сезонга аяк басам. Концертны декабрь яисә март аенда үткәрергә исәп. Быел эш күп булу сәбәпле, бераз соңга калдым. Бала тапкач, икенче сулыш ачылды. Башыма нинди генә идеяләр килми, ләкин аларны тормышка ашыру өчен, беренчедән, акча юк, икенчедән, вакыт җитми. “Эх, шуларны шулай итеп эшләсәң иде!” дим. 

- Чулпан, бүгенге эстрададан канәгатьме син?

- Җырчы булып йөрүчеләрнең исем алуларына күңел әрни. Мин үз урынымны беләм, башкалар кызыксындырмый. Мине күбрәк өлкән буын, урта яшьтәгеләр тыңлый, яшьләр бик белми. Әмма мин борчылмыйм, әкрен генә алга барам. Тиз чыгып сүнгән йолдыз булырга язмасын, гомерлек булсын. Мин үземне җырдан башка күз алдына да китерә алмыйм. Үлгәндә дә җырлап үләчәкмен!

- Җыелма концертларда сирәк күренәсең. Бу нәрсә белән бәйле?

- Мин – ирек ярата торган кеше. Татарча солянка ише җыелма концертларда җырларга яратмыйм. Үз чыгышыңны көтеп утырганчы, 10 җыр җырлап кую яхшырак дим. Берәр җырчы белән дуэт җырлый алмыйм. Театр училищесында укытам дидем бит, ләкин ул да мине тотып торган кебек, иреккә омтылам.



- Артистлар белән аралашасыңмы, алар арасында дусларың бармы?

- Артистлар арасында дусларым бар. Бик эчтә булмаган серләрем белән уртаклашам. Әмма чын, ихлас дуслыкка ышанмыйм, барысын да сөйләп бетермисең. 

- Җырчылар кая йөргәнен, ни белән шөгыльләнгәнен, нәрсә пешереп ашауларын интернетка урнаштырып бара. Ә синең кызыксынуларың турында күпләр белми. Бу тыйнаклык билгесеме яисә башка сәбәбе бармы?

- Мин бассейнга, фитнес клубка йөрим, ләкин бөтен дөньяга сөйләргә, күрсәтергә яратмыйм. Мине әти-әни кечкенәдән тыйнак итеп үстерде. Аш бүлмәсендә бик сирәк нидер әзерлим, алай да “бик тәмле” дип ашыйлар. Кунаклар киләсе булса, әзерлим, пешеренергә дә, ашарга да яратам. Машина йөртергә яратам. Үземә 23 яшь булса да, 12 еллык стажым бар. Әти мине бик яшьли машина йөртергә өйрәтте, 11 яшемдә “уазик”та йөри идем. 18 тулуга таныклык алдым. Хәзер үзем эшләп алган Hyundai Solaris машинасында йөрим, якын арада алыштырасым килә. Миңа әтинең “чире” кагылган, икебез дә машиналар белән бик кызыксынабыз. Юлда барганда, янәшә баручы машиналарны карап, фикер алышып барабыз. Ир-егетләр миңа аптырый инде. Гомумән, миндә ирләргә хас сыйфатлар бар: мин – туры сүзле, кирәк чакта усал да. 



Фото: Солтан ИСХАКОВ

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2515
    28
    244
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6434
    2
    94
Реклама
Соңгы комментарийлар
  • 25 октябрь 2021 - 14:20
    Без имени
    фикерлэргэ килгэндэ торлечэ уйларга момкин, эгэрдэ бала эйбэтлэп эйткэннедэ, юмалап эйткэннедэ тынламаса, нишлэргэ сон ул энигэ, улда бит врачка барган саен эшеннэн сорап китэ, балаларда хэзер бик астыртын дип эйтимме, аларча гына булсын,
    Ташка каткан ана йөрәге
  • 25 октябрь 2021 - 15:51
    Без имени
    Таныш ситуация
    Гөлчәчәкнең яңа тормышы
  • 24 октябрь 2021 - 15:57
    Без имени
    Кызганыч хатын!Хатынлы,балалы ирне көтеп узган гомере кызганыч... Бәхетсез хатын,беркатлы...Әгәр ул ир үлеп китсә,хәтирәләр белән генә яшисе кала инде!!
    Көтеп яшәү
  • 24 октябрь 2021 - 17:04
    Без имени
    Бик. кызганыч. елый. елый. укыдым. язмыш. диген
    «Яратудан туган бала түгел мин...»
  • 24 октябрь 2021 - 15:26
    Без имени
    ""Тормыш иптәше сайлаганда хисләргә бирелеп,акылынызны җуймагыз.Сезне яратып,хөрмәт итеп яшәрдәй пар сайларга тырышыгыз''.. Исенә төшкән бу баланың-әниеңне тыңларга кирәк иде, балакаем!
    Иремнән уңмадым 
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан