Айлин гаиләсен күрсәтми, чөнки... 

 

– Татар эстрадасын сыйфатлырак итәсем килә! 

Журналистлар өчен оештырылган пресс-конференциядә җырчы Айлин менә шулай дип белдерде. Музыка яздырылышы, клиплардагы режиссер эше сыйфатлырак булырга тиеш дип саный ул. 

Айлин – Башкортстан кызы. 1982 елда Уфа шәһәрендә туган. М. Акмулла исемендәге Башкорт дәүләт педагогика университетының чит телләр  бүлеген тәмамлаганнан соң, Уфа дәүләт сәнгать академиясенең театр факультетында белем ала. Уфа шәһәрендә Рус дәүләт академия драма театрында эшли. 

– 2002 елда Казанга теплоход белән сәяхәткә килгән идем. Кремль янында йөргәндә мондагы һәр таш таныш, якын булып тоелды. Үземне бу шәһәрнең үз кешесе дип хис иттем, мине һәрнәрсә Казанга чакыра сыман иде. Әмма Уфада укуымны тәмамларга кирәк иде әле, тәҗрибә җыярга булдым. Казанга күчүне чигерә килдем. Әмма язмыш барысын да үзе хәл итте. 2009 елда мин Казан килене булып куйдым. 

Эшен, иҗади карьерасын кырыйга куеп, Айлин бар игътибарын гаиләгә юнәлдерә. Бер-бер артлы Анжелика, Артур, Ариана дөньяга килә. 

– Кечкенә чагында миңа әниемнең игътибары җитми иде. Ул һәрвакыт эштә, өйгә вакыты аз кала. Ә мин гел аның кайтуын көтә идем. Кечкенәдән үз-үземә сүз бирдем: нәрсә генә булса да, балаларыма бик күп вакыт бирәчәкмен дип. Иремнең өч бала турындагы хыялын да, үземнең балачак теләгемне дә чынга ашыра алдым, Аллага шөкер! Ун ел вакытымны балаларга багышладым, хәзер инде иҗатка сусадым, дөньяга чыгар вакытым җитте. Кызганыч... ике ел элек кадерле әниемне югалттым.  Яшәгән чакта якыннарыбызның кадерен аңлап бетермибез. Әти-әниләрне мөмкин кадәр зурлап яшәгез! 

Җырчының гаиләсен, балаларын клипларда, иҗатына багышланган социаль челтәр битләрендә күреп булачакмы дигән сорауга ул: «Гаиләмне дөньяга күрсәтмим, чөнки иҗат ул – аерым дөнья, гаиләм – минеке генә булган тыныч, рәхәт сыеныр урыным»,  – дип җавап бирде. 

Бүгенге көндә сәхнәдә дуэт белән җырлау модага керде. Айлин үзенең Айдар Галимов һәм Радик Юльякшин белән дуэт җырлыйсы килүен әйтте. Аның хыялында татар, рус эстрадасын яулау хыялы да бар, Европа киңлекләренә дә чыгасы килүен әйтте. Җырчының журналистлар өчен тагын бер яңалыгы бар иде: тиздән Айлин Голливудта кинода төшә башлаячак. Җырчы буларак кына түгел, актриса буларак та үзен сынап карарга җыена ул. 

 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7175
    1
    64
  • 6999
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    4829
    2
    50
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    6969
    1
    48
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»