Тәти күлмәк

Укучыларыбызга узган мастер-класслар буенча инде таныш Наилә МЕДВЕДЕВАның интернет сәхифәсендә бу күлмәкне күрдек тә, аһ иттек. Салават күпере төсләреннән, күз явын алырдай итеп, нәкъ менә җәй өчен бәйләнгән ул. Бераз гына тырышканда, аны һәркем бәйли ала. Теләсәгез, Наилә үзе дә бәйләп бирергә әзер.
Без бәйләгән күлмәк 2 яшьлек кыз балага тәгаенләнгән.

Кирәк: 

*  бәйләм җебе – 50 г / 240 м;
*  коралл төслесе – 3 йомгак;
*  сары, ачык яшел, ачык зәңгәр төслеләре – берәр йомгак (төсләрнең үзегезгә ошаганын сайлый аласыз);
*  ыргаклар: № 1,75 һәм № 2;
* 3 данә вак сәйлән (күлмәк төсенә ярашлы булсын, диаметры 6-7 мм).
 
Буе – 98 см;
күкрәк әйләнәсе – 54 см;
күлмәкнең озынлыгы – 48–50 см.
 
 

Эш барышы:

Күлмәк өстән бәйләнә башлый. Гәүдә өлешен һәм воланнарны бәйләү өчен ыргакның 1,75 санлысын алабыз. Бәйләм – реглан принцибы белән башкарыла. Күзләр саны дүрткә бүленергә тиеш. Әмма алгы якка тагын бер күз өстәлә. Безнең очракта: 136 күз + 1 = 137.
 
137 күздән чылбыр үреп, кокетка схемасы буенча күлмәкне бәйли башлыйбыз. Чылбыр үргән рәт ноленче булып санала, ул исәпкә керми. Беренче рәткә күчү өчен башта 
3 буш күзле багана үреп, 17 күзне чалулы багана белән бәйлибез. 
 
17 нче багананың төбеннән тагын бер багана бәйләп алып, ике буш күз өстибез. Шул рәвешле, реглан җиң өчен почмак формалаша. Арткы яктан, киеп-салырга уңайлылык өчен, төймә ерымы калдырыла. Бәйләм әлегә уңнан-сулга, сулдан-уңга бәйләнә.
 Схема буенча бәйләмдәге күзләр санын арттыра барып, 13 рәт бәйлибез һәм бәйләмне боҗрага тоташтырабыз. Кокетканы баланың үзенә кидереп карарга кирәк. Күкрәге таррак булса, җиң төбеннән 4-5 күз өстисе булыр. Хәзер инде бәйләмне әйләнә буенча бәйлибез, күзләр санын башкача арттырмыйбыз. Якынча 17 рәт бәйләнә.
 
 18 нче рәттән сары төсне кушып, волан схемасы белән беренче воланны бәйлибез. Игътибар: һәр төс арткы якның уртасыннан кушыла башлый. Воланның һәрберсен 8 рәт итеп бәйлисе.

 Беренче воланны төгәлләгәч, аның астына сары төстән сетка бәйләнә. Бу юлы инде 2 нче санлы ыргакка күчәбез (сетка бушрак булсын өчен). Ул да, коралл төсеннән бәйләнгән гәүдә өлешенең иң соңгы рәтенә ялгап, шулай ук 8 рәт бәйләнә.
 Сетканың соңгы рәтен чыккач, аңа яшел төстән икенче волан ялганып китә. Аның астына яшел төстән шулай ук 8 рәт сетка бәйлисе.

 Яшел сеткага зәңгәр төсле волан ялгана, аннан зәңгәр төстән сетка үрелә.

 Иң соңгы волан – коралл төсеннән. Әмма аның астына инде сетка бәйлисе юк, ул итәк очына тотылган челтәр кебек торачак.

Арткы яктагы уемның уң ягына чалусыз багана белән 3 рәт бәйли-без, бу – планканың төймә тага торган ягы. Сул яктагысында төймә тишемнәре калдырыла. Аның беренче рәте чалусыз багана белән бәйләнә.  Икенче рәт: 5 күзне чалусыз багана белән бәйләп, 3 буш күз үрәбез, аннары 3 күзне «сикертеп», кабат 5 чалусыз багана, 3 буш күз бәйлә-нә. Шулай – рәтне чыкканчы кабатлыйбыз. Өченче рәт чалусыз баганалар белән бәйләнә.
 
 Муен һәм җиң уемнарын бер генә рәт итеп, «муен уемы» схемасы буенча бәйләп чыгабыз. Сәдәфләрне тагабыз.

 Күлмәкне бизәү өчен сары һәм зәңгәр төсле җептән күбәләк тә бәйлик әле, куансын кызчыгыбыз. 

 Сары төстәге җептән 6 күзле чылбыр үреп, боҗрага тоташтырабыз, аннары бәйләмне схема буенча дәвам итәбез. Икенче рәт тә сары төс белән бәйләнә.

3 нче рәттә зәңгәр төскә күчәбез.

Соңгы 4 нче рәт чалусыз баганалар белән сары төстән бәйләнә. Нәтиҗә-дә, 8 таҗлы чәчәк барлыкка килә (иләмсезрәк күренер, борчылмагыз, үтүкләгәч, урынына ята ул). Юеш тукыма аша үтүкләп, урталай бөклибез.

Зәңгәр төстән күбәләкнең уртасын бәйлибез. Моның өчен башта 12 күздән чылбыр үреп (монысы гәүдәсе өчен), аннары, тагын өстәп, 8 күз җыябыз – монысы мыегы өчен. Шушы сигез күзне чалусыз багана белән кирегә таба бәйләп килеп, шул урыннан икенче мыек өчен янәдән 8 күзле чылбыр үрәбез. Анысын да чалусыз багана белән бәйлибез. Гәүдә өлеше дә 1 рәт чалусыз баганалар белән бәйләп чыгыла. Аннары аны юеш тукыма аша үтүкләп, күбәләкнең канатлары уртасына җөе күренмәслек итеп кенә тегеп куябыз. Күбәләкнең үзен дә аскы канатының читләреннән күренми торган җөй белән тегеп, күлмәккә беркетәбез.
 
Күлмәк әзер! Нарасыйга никадәр сөенеч, шатлык бүләк итәчәк ул. Куаныч белән киеп туздырырга язсын.
 
 
 
 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8472
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8745
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8507
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4101
    2
    48
Реклама
Соңгы комментарийлар
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
  • 22 июль 2021 - 11:16
    Без имени
    берниге дэ борчылма. ускенем. Вакытында. белгенсен. шунысына. соен. борчвылма. Узеннен чын. тормышын. алда. эле. Андыйларны. Аллахе. тагэлэ. кичерми. жэзасын. алыр. борчылма.
    Егетем... ике бала атасы икән инде
  • 23 июль 2021 - 11:25
    Без имени
    Бик аянычлы,котычкыч хэл.эх өлгермэгэн шул ана.рэхмэт Физэлия,уңышлар сезгэ.
    Киселгән муел  агачы
  • 22 июль 2021 - 20:00
    Без имени
    И это пройдёт.. Дигән бер акыл иясе. Тормыш тәҗрибәсе шулай туплана инде ул. Кешегә ничек ышанмыйсың... Андый подоноклар да бар инде ул. Елама дип әйтү җиңел лә ул. Син ела, ләкин аңардан файда булырмы дип уйла. Шулай булгач, яшеңне әрәм итмә. Ә ул киләчәктә барыбер бер кирәген алачак. Андыйлар гомергә үзгәрми. Бәхет телим сиңа.
    Егетем... ике бала атасы икән инде
  • 19 июль 2021 - 22:04
    Без имени
    Табаң юк мени, әзрәк башын "сафландырып" алырга. Нинди чит хатын белән язышу ул, син дә аның иренең номерын тап та языша башла. Белми дип тыныч кына йөрмәсеннәр. Син әдәп саклаганда алар мәхәббәт уенын башларлар. Котырту түгел, баштан үткәнгә язу. Сөйләшәсе килсә, ире белән сөйләшсен. Чит ир әйбәт инде. Гаилә алып бару түгел бит. Син юганны киеп, ашатып эчертеп чыгарасың,. Тәтиегет тапкан. Үзенекен тәти итеп тотсын да сөйләшсен. Язып җмбәр үзенә, иреңә язам дип.
    Ирем телефоннан башка хатын белән языша
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан