Флорариум – бүлмәдәге бакча

Кыш көне безгә күзне иркәләүче яшеллек җитми. Яшеллек – җәй төсе, яшәү төсе. Шуңа да бүлмә гөлләрен яратабыз без. Җәйне юксынганда, шуларга карап юанабыз. Әмма бүлмә гөлләре гел игътибар сорый. Вакытында суын сибеп, вакытында туфрагын алмаштырып торсаң гына матур алар. Бәлки, шуңадыр, бүген күпләрнең тәрәзә төбен суккулентлар бизи. Үзләре матур, үзләре талымсыз. Шуның өчен дә бу осталык дәресен суккулентларга багышларга булдык. 
 
Мастер-классны үткәрүче Наталья ТРИШИНА флорариум сәнгате белән күптәннән шөгыльләнә. Үсемлекләрен дә үзе үстерә, пыяла савытларын да үзе ясый. Бу хоббиның сәбәпчесе – дуслары бүләк иткән орхидея гөле. Аны матуррак савытка күчереп утыртасы килеп, пирамида формасындагы пыяла ваза сатып ала ул. Искиткеч матур килеп чыккан бу композициясен дуслары да ошата, безгә дә ясап бир, диләр. Әнә шулай, акрынлап кына осталык килә, үсемлекләр буенча да шактый белем туплана. Флорариумны күбрәк бүләк буларак ясаталар икән, чөнки ул еллар буе үзенең матурлыгын югалтмый. Теләгегез булса, сез дә безгә кушыла аласыз.
 


Кирәк:

* флорариум (аны теләсә нинди пыяла савыт алыштыра ала);
* суккулент үсемлекләр. Без декоратив алоэ һәм ике төрле эхеверия кулландык. Суккулентларның башка төрләрен дә куллана аласыз, мәсәлән: хавортия, кактус, халык арасында акча гөле дип аталучы гөл (толстянка);
* суккулентлар өчен махсус туфрак. Аны үзегезгә дә ясарга була, ул бер өлеш туфрак, бер өлеш ком, бер өлеш вак таштан гыйбарәт;
* бизәү өчен вак ташлар, кабырчыклар, төрле төстәге мүк (махсус интернет кибетләрдә бар), кечкенә өй, хайван сыннары.
 
 

Эш барышы:

Флорариум төбенә 2 см чамасы туфрак салабыз. Аны кул белән түргәрәк этеп, урта бер җирен чокырлыйбыз, җиңелчә генә тыгызлыйбыз. 
 
Иң түргә алоэ гөлен урнаштырабыз. Әгәр дә тамырларга ияргән балчык кантары зур булса, балчыгын коясы булыр. Гөлнең тамырларын капларлык итеп яңа туфрак салабыз. Аны кул белән баскалап, тыгызлыйбыз: гөлләр туфракта нык утырырга тиеш. 
 
Алоэ гөленнән бераз читкәрәк китеп, эхеверияләр утыртабыз. Флорариум корганда бер кагыйдә бар: үсемлекләрне тыгыз итеп утыртырга ярамый, кимендә 2 см булса да ара калырга тиеш. Аларга үсәр өчен урын кирәк.
 
Безнең флорариум зур түгел, шуңа да өч үсемлек бик җиткән. Гөлләрне утыртып бетергәч, тамырларын тулысынча туфрак белән күмдерәбез. Берәр озынрак әйбер белән баскалап, туфракны ныгытып тыгызлыйбыз. 
 
Буш калган урыннарга төсле мүк утыртабыз. Мүкне туфракка күмдерү кирәкми, балчыкка ул кирәгенчә генә үзе берегәчәк. Тагын бер кагыйдәне онытмагыз: никадәр генә ымсындыргыч булмасын, композицияне артык чуарламаска кирәк. Чама хисен онытып җибәрмәгез. 
 
Үсемлек төпләренә, туфракның ачык калган урыннарына вак таш салып чыгабыз. Моны кашык белән эшләү уңай. Таш, бердән, композицияне бизәү өчен кирәк булса; икенчедән, ул туфрактагы дымны да саклый. Теләсәгез, флорариумны бәләкәй өй, кечкенә сыннар белән дә бизи аласыз. 
 
Флорариум күзне озаграк иркәләсен өчен, берничә кагыйдәне онытмаска кирәк. Суккулентлар артык дымны яратмый, дым – аларның беренче дошманы. Шуңа да аларга суны атна-ун көнгә бер генә сибәләр. Анда да шприц ярдәмендә үсемлек янындагы туфракны гына чылаталар. Яфракларга су тияргә тиеш түгел.
 
Җылы як үсемлеге булган суккулентлар яктылык ярата. Караңгы урында декоративлыгын югалталар. Алар озак үсә, ә инде кирәгеннән артык үсә башласалар, үсемлекнең ботак очын өзеп алырга кирәк. 
 
Әгәр дә шушы гади генә кагыйдәләрне үтәсәгез, тәрәзә төбендәге кечкенә бакчагыз әле озак еллар куандырачак. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9050
    10
    105
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9121
    8
    74
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4856
    4
    57
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6087
    2
    26
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    2811
    0
    24
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан