Бүләккә - болыт

Кирәк:

* иңе – 90 см, буе 40 см вак бизәкле матур ситсы;

* иңе – 50 см, буе 20 см аксыл тукыма;

* 300 г холлофайбер (яки вакланган синтепон);

* 30 см тар челтәр тасма;

* 30 см атлас тасма (киңлеге – 0,5 см);

* кечкенә кыңгырау;

* кара төстәге ике сәйлән;

* кечкенә матур сәдәф;

* көрән төстәге калынрак җеп;

* тукыма төсенә ярашлы тегү җебе, энә;

* озын тегү энәсе (15 см);

* җилем;

* нечкә агач таяк.

 

Эш барышы:

Өлгеләрне кәгазьгә күчереп алабыз.

Чәчәкле тукыманы икегә бөкләп, гәүдә һәм «кәпәч» өлгесен салабыз, өлге кырыйларын сабын яки эзе бетә торган каләм белән йөртеп чыгабыз. Әлегә бернәрсәне дә кисмибез, ә шушы эздән машина белән җөй са­­ла­быз, аннан, 0,5 см тегү өлешен калдырып, детальләрне кисә­без. «Зигзаг» кайчы белән киссәң, тукыма кырыйлары сыпылмый.

Гәүдә һәм «кәпәч»нең бер ягын уртадан кайчы белән тишәбез. Шушы тишек аша аларны уң ягына әйлән­дерәбез. Бу эштә безгә агач таяк ярдәмгә килә. Таякны тышкы яктан бәрәннең «аягы»на терәп, эчкә таба этәбез. «Аяк» очы тишектә күренүгә, таякны алабыз да гәүдәне тулысы белән тартып чыгарабыз. Һәрбер җөйне сул ягыннан таяк белән этеп тигезлибез.

Аксыл тукымага бәрәннең башын һәм колакларын төшерәбез. Машина белән җөй салганнан соң, кисәбез. Детальләрне уң ягына әйләндерү өчен колак­лар­ның һәм башның өске ягында берникадәр ара текми калдырыла.

Колаклардан кала, һәр өлешкә холлофайбер тутырабыз. Холлофайбер юнәтә алмасагыз, бәрәнне вак кисәк-ләргә туралган синтепон белән тутырырга була. Бәрәннең гәүдәсе белән «кәпәче» тыгыз булырга тиеш.

Башы йомшаграк булсын. Тутырып бетергәч, ачык калган урыннарны кулдан гына типчеп куябыз.

Озын энәгә нык җеп саплап, гәүдә­не кыл уртадан үтәли тишеп чыгарабыз. Энәне гәүдә аша ике кат атлатып, җепне ныгытып тарттырабыз. Кисеп, очын төенлибез. Төен өстенә күбәләк­ләп бәйләнгән атлас тасма ябыштырабыз. Тасма өстенә матур сәдәф беркетелә. Бу – бәрәннең койрыгы. Һәр сырны, һәр җөйне яхшылап үтүклибез.

Гәүдәнең алгы ягына бәрәннең башын ябыштырабыз. Җилем белән генә ышанычлы булмас, шуңа күрә башны гәүдәгә яшерен җөй белән типчеп тә чыгабыз. Урталай бөкләнгән колакларны да куеп калдырырга онытмыйбыз. Башның өске ягын каплый төшеп, «кәпәч» ябыштырыла. Анысын да күренми торган җөй белән типчибез. «Кәпәч»нең бер читенә күбәләкләп бәйләнгән челтәр тасма тегелә, тасмага кыңгырау тагыла.

Бәрәннең башына йөз чалымнары бирәсе генә калды. Күз урынына кара сәйләннәр куела. Кечкенә кара сәдәф таксагыз да була. Кара җеп белән чигәргә дә мөмкин. Авыз-борыннары көрән төстәге калын җеп белән чигелә. Бит алмаларына кершән ягабыз.

Менә бит, тырышкач булдырдык!

Инде матур төргәккә төрик тә, бүләк иясен куандырырга йөгерик. Яңа ел котлы, мөбарәк булсын, сөенеч арты сөенеч килсен!

 

P. S. Бәрәннең башын тегү өчен төсе ярашлы тукыма таба алмасагыз, һич тә кайгырмагыз. Ак тукыманы кофега манып та кирәкле төсне чыгарып була. Буяу ясау өчен: 1 л суда 50 г кофе эретеп (кофеның иң арзанлысын алыгыз), 1 аш кашыгы тоз өстибез. Шушы эремәгә тукыманы батырып, 20-30 минут кайнатабыз. Тукыманы әледән-әле әйләндереп торабыз.

Ахырдан берничә тапкыр чайкап, сыкмыйча, кыстыргыч белән читеннән генә эләктереп бауда киптерәбез.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6695
    2
    46
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7577
    0
    35
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4005
    0
    33
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2056
    0
    32
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2199
    0
    19
Реклама
Соңгы комментарийлар
  • 28 июнь 2022 - 10:56
    Без имени
    Сез язманы игътибар белән укымаган, ахры, иптәшләр. Монда бит колхозчы баласының кеше була алмавы турында бармый сүз! Ә ата-ананың баланы аралавы, башкаларга караганда, начаррак мөнәсәбәттә булуы турында сүз бара. Әгәр шартлар булса, бу өлкән кыз да, кече сеңлесе кебек, врач була алыр иде!
    Врач буласы урынга авылда әбиләр карыйм
  • 28 июнь 2022 - 11:47
    Без имени
    Узегез йомшак булгансыз. Чыгып китяргя иде. Нык телясягез врач булыр идегез. Урында утырып , хыяллар белян яшяргя унайлырак булган курясен сезгя. Атиегез гаепле тугел ,а узегез . А хазер барсы да гаепле сезнен очен. Алай булмай шул. Узегез ялгышкансыз. Шуны анлагыз хям яшягез алга карап. Артка карап, барсында гаепляп тугел.
    Врач буласы урынга авылда әбиләр карыйм
  • 24 июнь 2022 - 19:54
    Без имени
    Бик позитив, укып чыккач, кунелгэ рэхэт булып калды
    Галим
  • 24 июнь 2022 - 20:10
    Без имени
    Азаматны ышандырып йорисе тугел иде! Йомшак ирлэр дэ ничектер бэхетле яши бит эле. Кайбер гаилэдэ хатын-кыз эйдэп бара, торле гаилэ бар. Ин мохиме, ир куп эчмэсен, акча тапсын.
    Балдаклар, туй күлмәге калды, ә мин...
  • 24 июнь 2022 - 23:53
    Без имени
    Гаеп синдэ бит
    Аздан гына кылынмаган хата
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда