Беләзегем, йөзегем...

Кирәк:
* 30-35 бөртек эре сәйлән (диаметры 8-10 мм);* 6 нчы номерлы бер кап сәйлән;
* 10 нчы номерлы бер кап шундый ук төстәге сәйлән;
* 3 м чамасы үтә күренмәле нечкә кыл (0,15 мм);
* беләзекләр өчен ясалган каптырма (лобстер, боҗра, пин һәм кыска чылбыр);
* 2 сәйлән энәсе.

Эш барышы:
Беләзек ике энә белән үрелә.3 м озынлыктагы кыл кисеп алып, ике очын ике энәгә саплыйбыз. Аларның берсен уң энә, икенчесен сул энә дип атарбыз.
Уң энәгә дүрт «алты»лы, бер зур сәйлән һәм тагын бер «алты»лы сәйлән җыябыз. Барысы бергә алты сәйлән булды. Сул энәгә исә бер зур, бер «алты»лы һәм тагын бер зур сәйлән эләктерәбез.

Шушы соңгы эләктергән зур сәйлән аша уң энәне дә уздырабыз (ике энәне шушы сәйлән аша чалыштырабыз). Кылның ике очын ике якка тартып, сәйләннәрне тыгызлап кысабыз. Алар кылның нәкъ уртасында булырга тиешләр.

Һәр ике энәгә дә бер «алты»лы, бер зур һәм тагын бер «алты»лы сәйлән эләктерәбез. Уң энәгә өстәмә бер зур сәйлән алабыз. Шушы сәйлән аша сул энәне уздырып, кылның ике очын ике якка тартабыз.
Шул рәвешле беләзекне үзебезгә кирәкле озынлыкка җиткергәнче үрәбез. Төгәлләве болайрак: ике энәгә дә берәр «алты»лы, берәр зур һәм тагын берәр «алты»лы сәйлән эләктерәбез. Энәләрнең берсенә янә дүрт «алты»лы сәйлән җыябыз. Икенче энәне шушы дүрт сәйлән аша уздырып, сәйләннәрне ныгытып кысабыз.
Инде эшнең икенче этабына – беләзекне бизәү эшенә керешик. Бер энә аскы рәт, икенчесе өске рәт буйлап барачак. Ике рәттә дә эш тәртибе бер үк. Энәне кырый рәттәге бер зур һәм аннан соңгы ике «алты»лы сәйлән аша уздырып, тагын бер «алты»лы сәйлән алабыз. Сәйләннәр урыннарында нык «утырсын» өчен энәне кабаттан әлеге ике «алты»лы сәйлән аша атлатып, кылны ныгытып тарттырабыз.
Шул рәвешле, беләзекнең буеннан-буена «алты»лы сәйләннәр тезәбез. Төгәлләгәндә, энәне сәйләннәр аша йөртеп, кыл очын яшерәбез, төенләп, кылны кисеп алабыз.



Соңгы эш итеп беләзекнең каптырмасы тагыла. Ярты метр чамасы кылны урталай бөкләп, ике катлыйбыз һәм энәгә саплыйбыз. Беләзекнең иң очындагы дүрт «алты»лы сәйлән уртасына шушы кылны элмәкләп беркетәбез.
Энәгә ике «ун»лы сәйлән, лобстер һәм тагын ике «ун»лы сәйлән эләктереп, элмәкне беркеткән кылаша чорнап алабыз. Сәйләннәр нык «утырсын» өчен, энәне янәшәдәге ике сәйлән аша уздырып, кыл очын төенләп яшерәбез һәм кисеп алабыз.

Каптырманың икенче очы да нәкъ шулай беркетелә. Боҗрага кыска гына чылбыр тагыла. Чылбыр очына, матурлык өчен, махсус кадак – кип ярдәмендә рондель эленә. Кипның рондельдән чыгып калган очы түгәрәк «карга борыны» белән боҗрага бөгелә. Чылбырга ул шул боҗрасыннан тагыла.
Менә бит, тырышкач, булдырдык. Яңа беләзек котлы булсын!
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
-
Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
-
Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
-
Хыялдагы ир-ат Үсмер чакта ук ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак.
Соңгы комментарийлар
-
26 май 2022 - 20:32Без имениУкып торасым да килми, ташладым. Уз рэхэтеннэн китеп, кайнанайны курэ-ишетэ торып, ниемэ кайтырга иде? Бала карар, ашарга пешерер дип ометлэнеп? Уз тарткан картасы, тарта-тарта ашасы. Чык та китИнде минем чират...
-
27 май 2022 - 06:58Без имениБезнен, тормышлар уртак та кебек автор белан. Мин дэ иремне дэ, баламны да Ходайдан сорадым. Хэзер аллага шокер баламда туды, иремдэ бик эйбат кеше.Мин аны Ходайдан сорап алдым
-
26 май 2022 - 15:03Без имениДингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.Дингә кеше кайчан күбрәк килә?
-
25 май 2022 - 22:40Без имениСез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.Кызларым каршы булса да, кияүгә чыгаргамы?
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.