Зөлфәт шигырьләре

Шагыйрьлек

Кара буран томалаган күкне
Шау гарасат дулый тоташтан.
Тома күктән шәфкать сорый юлчы — 
Ул юл сайлап бүген адашкан…

Мондый халәт шагыйрь бичарага
Гадәти бер халәт ләбаса — 
Сүзләр төнен буран томалаган…
Һәм шул даулы өермә аша
Бураннарда үз йолдызын эзләп
Җан караңгы күктә адаша.

Һаман яра кара буранны ул
Һәм тирән күк кинәт ачыла.
Баксаң, япа-ялгыз икән бит ул!
Һәм… кодрәтле җиһан каршыда…

Бу дөньяның күпме аңлатып та
Аңлап бетмәс сере бар микән?
Тәгаләбез ни өченгә әле
Дөньялыкны түгел,
Иң электән
Сүзне бар иткән?

Илаһның шул сүзен ишетердәй
Мәлләремне һаман эзләрмен.
…Шуңа күрә минем бу язмышым
Бер бураны
        төнге сүзләрнең…

 

Кош оясы — җилле тирәктә!

Язгы тирәк… тибри кош оясы…
Оч ботакта ата саклап тора.
Әнкә кошкай бәбкә чыгармакчы
Кузгалмый ул. Тынган. Гел утыра…

…Көзге тирәк… тибри кош оясы.
Пыскый көзге яңгыр. Кошлар киткән…
Буш ояда җылы әсәре юк.
…Һәммәсе дә вакытлыча икән!

Кышкы җилдә калды кош оясы…
Алда — бушлык, җил һәм кыш салкыны.
Таныйсыңмы, кеше, язмышыңны?
…Әле генә сайрап торган оя
Буп-буш калды… Сүнде… Тәмам тынды…

 

Юкә чәчәкләре ачыла…

Хыял гынамы? Елмаеп
Яныма киләсең дә.
Нидер әйтәсең шикелле
Юкә күләгәсендә…

Йомшак кына шаулый юкә,
Ул хәтта шауламый да.
Хискә чумып тынып калган
Дөньяның уртасында.

Баллы яфраклар ялтырый,
Бал кортлары гөж килә.
…Җир чыннан да әйләнәдер — 
Сизелмәстән селкенә…

Төшемдәме, хыялдамы,
Яныма киләсең дә
Күзләремә карыйсың син
Юкә күләгәсендә — 

Юкә чәчәкләре гүя
Ачыла карашыңда…
…Алмашынды бу күңелем
Юкәләр арасында…
 

Эз

Калсын иде бу тарихлар
Балкып, талпынып кына,
Таңгы болында чык койган
Кыз эзе булып кына…

Шулайлыкка шулайдыр ул…
Ә Вакыт тирәндер, ә?! — 
Чынлап бер карап куйдыңмы — 
Тарихың җирәндерә!

Йөрибез юкса мактанып,
Әлләкем булып һаман,
Беркемнең көче җитмәслек
Мең-мең эш кырган сыман…

Шулаен шулай шикелле,
Шулай да түгел сыман,
Безнең эзләр юк, күренми,
Караңгы безнең томан…


 

Нихәл?!

Ни дип кенә көтте икән безне — 
Бер оядан очкан кошларны,
Дөньялыкның күбәләкле җәе,
Уйчан көзе, моңсу кышлары?

Тәпи тибеп без оядан очтык…
Җан кайларга барып сыенсын?
Зимагурлыкка без калдык илдә,
Җил ашады оя җылысын!

Дөньялыкның чиксез тарафына
Илтеп адаштырган язмышның,
Казакъ, әфган, Сахалинның күген
Яктыртты бу оя яктысы.

Оядашлар очтык таралышып…
Дәшәм:
— Нихәл, димен, — бишектәш?
…Рәхмәт, язмыш,
Бик тә ярый безгә
Оядашлар белән бишектәшләр
Бу заманда
Берсен-берсенә дәшкәч… Ишеткәч!..

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6702
    2
    47
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7580
    0
    35
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4005
    0
    33
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2057
    0
    32
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2199
    0
    19
Реклама
Соңгы комментарийлар
  • 28 июнь 2022 - 10:56
    Без имени
    Сез язманы игътибар белән укымаган, ахры, иптәшләр. Монда бит колхозчы баласының кеше була алмавы турында бармый сүз! Ә ата-ананың баланы аралавы, башкаларга караганда, начаррак мөнәсәбәттә булуы турында сүз бара. Әгәр шартлар булса, бу өлкән кыз да, кече сеңлесе кебек, врач була алыр иде!
    Врач буласы урынга авылда әбиләр карыйм
  • 28 июнь 2022 - 11:47
    Без имени
    Узегез йомшак булгансыз. Чыгып китяргя иде. Нык телясягез врач булыр идегез. Урында утырып , хыяллар белян яшяргя унайлырак булган курясен сезгя. Атиегез гаепле тугел ,а узегез . А хазер барсы да гаепле сезнен очен. Алай булмай шул. Узегез ялгышкансыз. Шуны анлагыз хям яшягез алга карап. Артка карап, барсында гаепляп тугел.
    Врач буласы урынга авылда әбиләр карыйм
  • 24 июнь 2022 - 19:54
    Без имени
    Бик позитив, укып чыккач, кунелгэ рэхэт булып калды
    Галим
  • 24 июнь 2022 - 20:10
    Без имени
    Азаматны ышандырып йорисе тугел иде! Йомшак ирлэр дэ ничектер бэхетле яши бит эле. Кайбер гаилэдэ хатын-кыз эйдэп бара, торле гаилэ бар. Ин мохиме, ир куп эчмэсен, акча тапсын.
    Балдаклар, туй күлмәге калды, ә мин...
  • 24 июнь 2022 - 23:53
    Без имени
    Гаеп синдэ бит
    Аздан гына кылынмаган хата
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда