Җәй уртасы

Җәйнең кыл уртасы җитте,
Такыя үрә болын.
Туйганчы сулыйсы килә
Яшел үләннәр тынын.

Иң рәхәт ямьле дөнья бу,
Иң-иң хозур патшалык.
Яланаяк чирәменнән
Атлап йөрим таң калып.

Туган җиремнең җылысы
Буыннарга тарала.
Сөял, диеп иңен куя
Мәһабәт карт карама.

Җилдә тибрәлгән чәчкәләр
Серләшәләр шикелле.
Гөлбадран йөзенә яткан
Җәйнең сары сипкеле.

Шулчак кошлар җыр сузалар,
Яфраклар лепердәшә.
Җәйге урман, иркен болын
Сердәш булырга дәшә.

Чистарып кала күңелләр,
Яшәрүе бу җанның.
Әйтерсең, гомерләрнең дә
Кыл уртасында калдым.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...