СИНЕҢ БЕЛӘН БЕР КҮРЕШҮ ӨЧЕН...

Бары туган якта гына

Минем туган якта гына
Җир белән күк тоташкан.
Офыклар чите башлана
Тавыбыз Өемташтан.
 
Өемташка менеп бассаң,
Буй җитә йолдызларга.
Күпме йолдызлар чүпләдем
Бүләккә дип кызларга.
 
Тау артындагы кояштан
Утлар алып куенга,
Чәчәкләр итеп тараттым
Ташлар үскән болынга.
 
Күкләрне болыт капласа,
Болытларны тараттым.
Фәрештәләр арасыннан 
Үземә тиң яр таптым.
 
Минем туган якта гына
Җир белән күк тоташкан.
Учак сүнсә, үрелеп алып
Ут кабыздым кояштан.
 
Бәлки, шуңадыр йөрәктә
Бетми һич тә кайнарлык.
Хисләр күкләрне күкрәтеп
Йөри, таулар актарып.

 

* * *

Агымсулар ярга сыймый
Агар да агар инде.
Хисләрем күңелең ишеген
Кагар да кагар инде.
 
Вакыт аты кешни-кешни
Чабар да чабар инде.
Йөгәнгә уралган куллар
Канар да канар инде.
 
Ялгыз Ай миңа моңаеп
Карар да карар инде.
Җавапсыз сөю йөрәктә
Янар да янар инде.
 
 

* * *

Матур кызлар җирдә бик күп алар,
Синдәйләре ләкин сирәктер.
Син җәйләрнең бөтен матурлыгын,
Назын җыеп үскән җиләктер.
 
Күзләреңдә синең серле балкыш –
Йолдызлардан килгән бүләктер.
Кемдер өчен синең бер карашың
Бар нәрсәдән җирдә кыйммәттер.
 
Зөһрә кызның сурәте бар Айда,
Ә бәлки, ул синең сурәттер.
Синең белән бер күрешү өчен,
Айга күтәрелү кирәктер?!
 
Кара төндә йолдыз атылып төшә,
Ансы инде минем йөрәктер.
Сиңа таба еллар буе барам,
Барып җитә алмыйм нишләптер.
 
 

* * *

Ничек синсез яшәгәнмен
Моңа кадәр, әй, гүзәл.
Күкнең зәңгәр гөмбәзеннән
Карый күк синең күзләр.
 
Алар мине озаталар,
Чыксам ерак юлларга.
Урала синең күз нурың
Керфектәге моңнарга.
 
Әй күңелле, әй рәхәт соң
Очрашканда карашлар.
Кояш нурында коена
Әйтерсең асылташлар.
 
Ничек синсез яшәгәнмен,
Моңа кадәр, әй, гүзәл.
Дөньяның бар матурлыгын
Сыйдырган синең күзләр.
 
Анда диңгез тирәнлеге,
Анда урман серләре.
Анда төсләр чагылышы,
Анда болын гөлләре.
 
Анда күкләр зәңгәрлеге,
Фнда кояш балкышы.
Синең күзләрдә күрәмен
Икебезнең язмышны.
 
 

* * *

Бер-беребезне күпме йөрдек озатышып
Салкын кышта, эссе җәйдә, елак көздә.
Ике җанны мәңгелеккә кушар өчен,
Бер сүз җитәр кебек иде икебезгә.
 
Ләкин ул сүз әйтелмичә калды шулай,
Очты-китте бик биеккә, гүя тургай.
Ә без калдык бик түбәндә, кечерәеп,
Ул арада йолдыз сүнде, югалды Ай.
 
Бер-беребезне озатышып йөри-йөри,
Без сөюнең үзен озатып куйганбыз бит.
Яшьлек биргән иң кадерле хәзинәне
Төнге кара сукмакларда җуйганбыз бит.
 
Шушы хакыйкатьне аңлар өчен,
Кирәк булган безгә ничә еллар.
Кайсы диңгезләргә акты икән
Чума-чума без коенган сулар?!
 
 

* * *

Тышта төн.
Шәһәр йоклаган.
Талгын кар ява иде.
Тәрәзәмне әкрен генә
Кемнәрдер кага иде.
 
Килдем тәрәзә янына,
Күренми анда беркем.
Машиналар туктап калган,
Урам тын, урам иркен.
 
Җил кызы шаяра дисәң,
Җил дә исми урамда.
Шәһәр йоклый тып-тын гына,
Төренеп ак юрганга.
 
Ә шулай да тәрәзәгә
Чиртеп алгалый кемдер.
Бәлки, ул яшьлектә калган
Тәүге мәхәббәтемдер.
 
Тәрәзәмне ачып куйдым,
Кемдер өемә узды.
Пышылдады серле тавыш:
–Мин синең хыял кызы.
 
Тик шуны бел: хыяллар да
Картая һәм үзгәрә.
Син эзләгән ялкын сүнде
Күптән минем йөзләрдә.
 
Син мине күрми яшәдең,
Әле дә күренә алмыйм.
Синең хыялда булса да
Матур кыз булып калыйм.

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14946
    1
    84
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    11279
    1
    61
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5526
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5041
    3
    41
Реклама
Соңгы комментарийлар
  • 31 гыйнвар 2023 - 16:29
    Без имени
    Дөрес эшләгәннәр, дип язучыга җавап бирәсе килә. Аларны яратмаган кешегә өйләнергә, кияүгә чыгарга кем мәҗбүр иткән? Яратмыйча яшәгәч, нигә шул гомер яшәгәннәр? Нигә баштарак аерылмаганнар? Бу очракта азгынлык бу! Әгәр алар бер-берсе бн очрашканчы мәхәббәтсез яшәү авыр, дип аерылган булсалар, аңлап булыр иде. Ә бу очракта хыянәт бу! Димәк, азгынлык!
     «Мин аны  сыйныфташлар очрашуыннан алып кайттым...» 
  • 31 гыйнвар 2023 - 13:57
    Без имени
    Хыянэт итмэгэн ирлэр бар микэн ул? Мин иремэ шулай дип эйткэч, э ирлэр кемнэр белэн хыянэт итэ сон хатыннарына,хатын-кыз белэн тугелме диде. Монда ирлэрне генэ дэ гаеплэп булмыйдыр, муеннарына асылынгач, постельгэ сойрэп яткыргач, нишлэсен инде алар? Ир-ат табигатьтэ нэсел калдыручы, самец бит инде ул. Э хатын-кыз тотнаклырак булса, хыянэтлэр дэ булмас иде. Уз ирлэре белэн яши алмаган, азып-тузып йоруче хатын-кызлар( хатын-кыз димэсэн, хэтерлэре калыр) этэрэ ир-атларны хыянэткэ. Ойлэнгэн ир икэнен белэ торып, анын белэн очрашып йору бернинди кысаларга да сыймый.
    «Йөремсәк» хатын
  • 31 гыйнвар 2023 - 18:16
    Без имени
    Аллаһ Тәгалә сынауларның ин олысын биргэн,димэк ин яраткан колларыннандыр...Куркэм сабырлык белэн уткэреп жибэрергэ насыйп булсын.Мэрхэмэтле,шэфкатьле иманлы кеше тап итсен.Ялгызлыкка караганда,янэшэндэ яхшы кеше торса,авырлыкны жинэргэ жинелрэк булыр.Балаларның уз юлы. Аллаһ хэерле юлын узе курсэтер ин ша Аллаһ.
    Киләбез дә китеп югалабыз...
  • 30 гыйнвар 2023 - 20:45
    Без имени
    Мин дэ сезнен кебек исерек ирне 18 ел тузеп яшэдем. Хэзер исемэ тошкэн саен, жулэр булганмын дип уйлыйм. Аерылышканыбызга елдан артык, хаман эчэ, эчендэ чыкмаган жаны гына калган инде. Кеше ни эйтер дип тузэбез шул, узебезне уйламыйбыз. Эгэр бер фикергэ килэ алмасагыз, психолог белэн кинэшегез. Мина ярдэме тиде. Игътибарыгыз очен рэхмэт.
    Эчкече иргә сабыр итәргәме?
  • 30 гыйнвар 2023 - 17:52
    Без имени
    Бэхетегезгэ куз тимэсен, матурларым.
    Икесе — бербөтен (видео)
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр