Лена Шагыйрьҗан шигырьләре

Моңлы бала

«Моңлы бала түгел идем,
Миңа ниләр булды икән?..»

...Ниләр булсын?..
Моңнар йоккан миңа,
Моң кагылган минем җаныма.
Моңсыз йөрәкләргә моң салырмын,
Якынрак килсә яныма...
Ниләр булсын...
Миннән элек, әнә,
Моңлы сазын шагыйрь уйнаган.
Мин туганчы ук килеп, 
                        бер моңлы җан
Моңын түгеп киткән дөньяга...
Җуелмыйча, шул җаннарның моңы
Сеңеп калган безнең каннарга.
Күңелләргә безнең дәрт өстәгән
Моң чишмәсе булып кайнарга.
Моңлы булу – мескен булу түгел,
Моң ул саклап кала иманны.
Моң ул йолып кала мәхәббәтне,
Моң ул һәрчак була гуманлы.
җирдә кеше яшәп китә икән,
Агылып калсын моңы йөрәктән.
Моңлы бала гына көчле була,
Батыр була ала кирәктә...
 


Кичке уеннар

Яшьлегемнең һәрбер истәлеге 
Авылыма килеп тоташа. 
Җыр-биюле кичке уеннарга, 
Болыннарга кайтам җыр аша.

Ахры, мәңге чыкмас хәтеремнән, 
Күңелемә тирән уелган: 
Сабантуйларының бер дәвамы – 
Җыр-биюле кичке уеннар.

Берәм-берәм күктә йолдыз калка, 
Җәйге кояш бата кызарып. 
Кичке уеннарның сере тарта 
Гыйшык тоткан егет-кызларны.
Урталарга чыгып җыр башлыйлар, 
Гармун тавышы агыла болынга. 
Таллар кебек бөгелә нечкә билләр, 
Җилфердәшә ефәк толымнар.
Бөтен авыл килә җыелып шунда, 
Кушылып җырлый таныш көйләргә. 
Төннәр буе моңлы уен җыры 
Ишетелеп тора өйләргә.

Әби-чәби, үсмер, бала-чага, 
Кыз-кыркыннар, егет-җиләннәр...
Иярешеп туган-тумачага 
Кала кунаклары килгәннәр.

Уен җырларының үзенә бер 
Моңы бар да аның, дәрте бар. 
Бер дәва ул авыл кешесенә, 
Бер шифа ул яше-картына.

Их, ул кичке уен җырларының 
Моңсулыгын булмый аңлатып: 
Үзәкләрне өзә җилкендереп, 
Хәсрәтләрне җилгә таратып.

Алмаларның кайчан балланганын, 
Чияләрнең кайчан пешкәнен 
Әйтеп бирә алар – кемгә күзең, 
Кемгә ихлас күңелең төшкәнен...

Кызлар сайлап йөргән егеткә дә, 
Борын чөеп йөргән кызга да –
Сүз табыла монда һәммәсенә, 
Кагылып үтә барыбызга да...

Алма-алма, чия-чияләре, 
Кушылып китә «Төймә-төймә»гә 
«Ай-йолдызым» булып әйләнә дә, 
Бөтерелә «Көймә-көймә»гә...

Әйлән-бәйлән уйный егет-кызлар, 
Таныша да шунда, аңлаша. 
Шаулап-гөрләп тора кичке уен, 
Үзенә бер кичке тамаша...

Уен-көлке, чәнечкеле такмак, 
Шаян сүзләр анда мул иде. 
Киносы да, телевизоры да, 
Театр да монда шул иде.

Авылымның кичке уеннары,
Катлы-катлы түгәрәкләре...
Очып кайтыр идем яшь гомергә,
Булсам болын күбәләкләре...

Йөрәгемдә яши гүзәл бер моң,
Мәңге тынмас гармун чыңы ул.
Авылымның кичке уеннары –
Яшьлегемнең уены-чыны ул,
Уен түгел – ихлас чынлык ул...

 

Минем «һөнәр»


Дөньядагы бөтен һөнәрләрнең
иң сәере, иң-иң көмешсезе,
иң-иң өлешсезе тиде миңа...
Минем «һөнәр» – шигырь язучы...
Килми калды шуңа йөз яучы.
Бик күп иде миндә сәләтләр,
акча эшләтерлек «сәбәпләр».
Мин тегүче була алыр идем...
Моңлы сазны «кулга алыр» идем...
җырчы, актриса, биюче...
Күккә куык-шарлар чөюче...
Була ала идем мөгаллимә,
                       бик шәп остаз...
Булмас, ай-һай, димә!..
Миндә чөнки үзем белгәнне
өйрәтәсе килү теләге
                        бик зур...
(Шуның белән булам хур...)
Шагыйрьлеккә киткән көчемнең –
мәхәббәтем, нәфрәт, үчемнең –
һич югында тик бер өлешен
мин шул һөнәрләргә биргән булсам,
үрчер иде алтын-көмешем...

Ә мин менә шагыйрь 
                     булып калдым...
Җегәр-орлыгымны җырга салдым, –
үз-үземә гүя «корбан чалдым» –
шуның хакка кулга каләм алдым...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 29 сентябрь 2022 - 13:17
    Без имени
    Искиткеч шагыйрэ!
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4462
    10
    114
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13011
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2753
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11085
    13
    75
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13595
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда