Кайтсын иде җанга ышанычлар

Шатлык

Мин чия — 
      ә син төшем.

Мин агач —
     Син җимешем.

Мин чәчәк —
     Син аклыгым.

Мин әни —
    Син шатлыгым.
 

* * *

Һәр очрашу — бәла көтү,
Һәр очрашу — гүя соңы.
Икәү корган оҗмах багын
Суккан ачы кыш суыгы.

Фәрештәмне коткарырга
Көчем җитәр минем генә.
...Котылгысыз көннән йолып
Кысам аны күкрәгемә.
 


* * *

Яхшылыгым да, яманлыгым да
Көннең күзендә ап-ачык, анык.
Еллар буена бәхет эзләдем
Һәр тумыш көннән мин 
       өмет алып.

Үтенеп сорыйм,
Зинһар, үзеңнән
Азат ит мине, и гадәтилек!
Күңелем сизә — коткарыр мине,
Шатлыклар төяп яз килә көлеп.
 


* * *

Бер үк юлымны кабатлыйм 
               көн дә:
Өемнән — эшкә,
Эштән — өемә.
Тормыш мәгънәсе, беләм, 
              башкада —
Кирәклегеңне тоясы килә.

Аналар юлын кабатлыйм мин дә.
Иң-иң рәхәте  — башында гына.
Булдыра алсаң, сагышым бүлеш.
Ә иң мөһиме — син тик 
бул гына!

 

Көзге

Чит көзгедә чит-ят сыннар —
Син “кадерлем” дигән затлар.
Яшидер ул сине сөеп,
Синең сөюеңне саклап.

Ә мин сиңа рәхмәтлемен —
Көтеп үткән көннәрем син.
Ялгыз юлым, борчуларым,
Гомер дигән өннәрем син.

 

Портрет

Йөз урынына — тик шәм уты,
Янәшә генә — яңгырлар шавы.
“Көтмә!” — ди миңа көтә 
                       белмәгән,
“Дәшмә!” — ди миңа сүзгә 
                       сараны.

Карап торам мин караңгылыктан.
Йөз сызыкларым, аһ, тоныклана.
Теземә яткан чалышып — куллар.
Ни көтә алда…
Ни көтә... аннан.
 


* * *

Инде кабат сөя алырмынмы?
Тупаслана бара көн дә күңел.
Янәшәңнән атлап барганнарны
Сөйсәң икән…
Ләкин жәлләп түгел.

Кайтсын иде җанга ышанычлар!
Мин төннәрен очам күптәннән.
Егылганда сынган канатларым
Якыннарым белән күтәрәм.
 


Төнге күбәләк

Айлы төн. Адашкан кеше
Үтә өем каршыннан.
Тәрәзәмнең пыяласы
Дерелди карашыннан.

Табарсың яшәүнең ямен
Булса тик җаның ачык.
Бәрелсә төнге күбәләк,
Кертермен тәрәз ачып.
 


* * *

Буш сүзләрдән җан 
талкына гына.
Ике дөнья өчен без — кешеләр.
Сөю белән нәфрәт арасында
Көчле итә бары соңгы көннәр…

Нечкә ботакларга корма оя,
Сагыш ялкынында көймә, күңел.
Дәшәр чакта дәшми 
                           калган булсам,
Күкләр шаһит, тик шигырьдә
                            түгел.




Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 9 август 2022 - 17:46
    Без имени
    Хатын кыйнаган кешенен туктаганын кургэнегез бармы?! Хатынга бер суккан кеше беркайчан кыйнаудан туктамый! Беркайчан! Донья кургэн эти эни буларак сез моны анларга тиеш. Картая картая кул белэн уйный торган кеше эшэкелэнэ генэ сэбэпле-сэбэпсез кул кутэрэ. Сез нинди генэ суз эйтсэгездэ тозэтеп була торган тугел! Кызыгыз яшьлеге белэн генэ белгертмэскэ,ярарга тырыша, тозэлер дип омет итэ. Димэк эти энигэ бергерткэн очен тагын кыйнаган?! Белгертэсе килмэсэ дэ кешегэ беленми кала торган эш тугел бу. Эле кызнын таянырга эти энисе тигез. Шуны белэ торын кияу кыйный. Эти энисез яклаучысыз калгач ни кыланачак бу кияу?! Бу кеше белэн яшэсэ алдагы гомерен кыйналып яшэячэк кыз. Кыйнап имгэтэчэк хичшиксез иртэме сонмы. Имгэнгэн хатын иргэ кирэк тугел! Кешедэн ким булып яшисе килми. Белгертэсе килми. Парлы матур тормышта яшисе килэ. Цена вопроса кызыгызнын сэлэмэтлеге. Эти эни якламаса кем яклар?!
    Кияү кызыбызны кыйный?
  • 9 август 2022 - 23:11
    Без имени
    Кем нэрсэ язасы килэ шуны яза, без укыйбыз вахыт эрэм итеп
    Асылташ
  • 9 август 2022 - 09:35
    Без имени
    Ряхмят!Бик яхшы язасыз
     Гомерем усал кайнана, исерек ир белән үтте 5
  • 9 август 2022 - 11:39
    Без имени
    Бигерәк күп күргән сез. Кайтмаска иде, үсәр иде бала. Ййй язмышлар
     Гомерем усал кайнана, исерек ир белән үтте 5
  • 8 август 2022 - 12:19
    Без имени
    Ирегез белән барып, утырып күзгә күз карап сөйләшәсегез калган.Телефо6ан решать итеп буламыни
    Кияү кызыбызны кыйный?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда