Гади була алмый ярату...

Хыялый бәхет

Мин сине кояшка тиңләдем,
Бәхетле булырга теләдем:
Кояшның нурына коенып,
Иң кайнар кочакка сыенып...

Мин сине йолдыз дип 
уйладым,
Күкләргә күз кысып
 уйнадым;
Яңгырдай уздым мин күкрәп,
Тик сине күрергә бер теләп.

Хыяллар, хыяллар,
Хыяллар...
Биекме хыялда кыялар?
Мин сине күкләрдән
 эзләдем —
Тик җирдә икән бит 
эзләрең...

Син дә нәкъ башкалар
 шикелле...
Хыялый бәхетем кителде...
 

Сагыну

Йөрәгем түреннән
Хисләрем түгелә,
Күңелем һаман да
Өметсез түгел лә.

Аралар киртәсен,
Эх, ватып үтәсе!
Сагышым эчендә
Күпме соң көтәсе?
Сагындым...
Бик килә күрәсем...
Мәхәббәт дигәнең
Шул була, күрәсең.
 

* * *

Юлларыңа — ак келәмнәр,
 дисәм,
Карлар төшә.
Өшеп күңел туңа...
Кара болыт булып
 килгәнсеңдер,
Тамчы тамса, никтер 
күңел тула...
 

* * *

Мәхәббәт! Мәхәббәт!
Әллә син язмышның үземе?
Ярату күңелнең язымы,
 көземе?
Һәммәгез бу хиснең 
Искиткеч хуш исле 
чәчкәсен өздеме?
Күңелләр бәхеткә түздеме,
 түздеме?
 

* * * 

Йолдыз, дидең...
Күккә мендең йолдыз
                 артыннан...
Тынып калдың —
Әллә артык кайнар
                 ялкыннан...
Йолдыз, дидең...
Йолдызларның балкышында
Нигә сүндең?
 

* * *

Ярату гади буламы?
Ярату көчле була!
Мәхәббәттә югала бел —
Дөньяга үчле булма...
 

* * *

Гади бәхет кирәк иде миңа...
Җан җылысы өчен — 
елмаю...
Рәнҗетелгән җанның 
гадәте бер —
Чиксезлеккә кереп югалу,
Синсезлеккә кереп югалу...
Бер аңлаучы кирәк иде 
миңа,
Күзгә карап — 
сүзсез аңлату...
Рухи бөек хисләр, 
гади бәхет,
Ләкин түгел «гади ярату»...
Хисләр гади була,
Әмма ләкин,
Гади була алмый ярату...
Була алмый...
 

* * *

Син минем — җан атып
 йөгереп тә,
Чигенә җитмәгән юлларым...
Җанымны рөхсәтсез биләгән,
Сагышка төренгән уйларым...
Син минем — тормышка
 ашып та,
Бәхетсез калдырган
 хыялым...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7335
    2
    50
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    8113
    0
    37
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4247
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2220
    0
    32
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    2712
    1
    28
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда