Чирмешәндә кызлар матур икән!

«Сөембикә» журналы редакциясе оештырган «Матурлык подиумы»ның чираттагысы үткән җомгада Чирмешәндә узды. Хәтерләсәгез, аның беренчесе Түбән Кама хатын-кызлары күңеленә бик хуш килгән иде инде. Чирмешән – шәһәр түгел, авыл тормышы белән яшәгән, кош-корт, мал асраган, басу кадәр бакчаларында кайнашкан Чирмешән хатыннары ничек кабул итәр икән дигән уй юл буе тынгылык бирмәде башта. Эштә дә, өйдә дә барысына өлгерә торган җитез, тырыш, чая, сылу ханымнарның үзләрен күргәч, икеләнүләр шундук юкка чыкты. Чирмешәндә кызлар матур икән лә!

...Район мәдәният йортына җыелган хатын-кызларның йөзендә – кызыксыну. Концерт та, спектакль дә түгел, җыелышка да килмәгәннәр. Моңарчы күрелмәгән тамаша көтә икән аларны. Сәхнәгә «Сөембикә» журналының җитәкче урынбасары Рәмзия Кашапова чыкты башта. Хатын-кызларның яраткан журналы оештырган бүгенге чара турында тәфсилләп сөйләде. Аннары дус кызлары белән серләшкәндәй, дустанә тонда хатын-кыз матурлыгы серләрен чишә башлады. Рәмзия ханымның күлмәге күз явын алырлык иде. «Италиядә, Англиядә танылып өлгергән дизайнер Наталья Пикариелло күлмәгеннән мин. Менә хәзер татар хәситәсе белән бизәп, милли төсмерләр өстәдем аңа», – ди ул елмаеп.
Аннары сәхнәгә Мәскәүдәге «MaRUSiya» брендлы киемнәр имидж-консультанты Яковлева Альбина Михайловна чыкты. Саф татарча исәнләшүе, татарча кайбер сүзләрне аңлавы белән генә дә залдагыларга шундук үз булып китте ул. «Татар хатын-кызлары башкалардан аерылып тора. Алар матур, шундук күзгә ташлана, сексуаль», – дип тә бәяләде әле. Әнисе – Мамадыштан икән, тегүче булган. Альбина үзе педагогик белем алган, 90 нчы елларда Мәскәүгә киткән. Эре компанияләрдә эшләгән. Мода индустриясе буенча хәтта Парижда да эшләргә туры килгән аңа. Беренче каналның «йөзе» Екатерина Андреева, киноактриса Ингеборга Дапкунайте, актриса, блогер, телевидение йолдызы Юлия Бордовскихларның шәхси стилисты икәнен дә әйтсәк... Чирмешән хатын-кызларына бәхет елмайды бүген! Альбина Михайловна аларны да матур итеп киендерергә дип килгән. Районга атаклы «MaRUSiya» брендлы киемнәр коллекциясен дә алып килгән. «Без төрле бит. Арабызда тазалар-ябыклар, озыннар-кыскалар бар. Һәркемнең үз плюслары, үз минуслары. Ә кайбер кимчелекләрне яшереп тә була. Үзеңә килешкәнне сайлый белергә генә кирәк. 40 нчы размердан алып 52 нче размергача киемнәр алып килдек. Һәрберегезгә йә шарф, йә итәк, йә күлмәк сайларга булышачакбыз. Кемгә нәрсә килешкәнен дә аңлатачакбыз», – диде ул.

...Сәхнәдә – Чирмешән хатын-кызлары. Агриппина, Зөлфия, Ирина, Гөлфия, Лилия, Рушания, Зинаида, Раиләләр. Кемдер – балалар бакчасында, кемдер –  социаль яклау бүлегендә, күбесе Мәдәният йортларында эшли... Күз алдында чып-чын модельләр диярсең! Озын күлмәкләр, «карандаш» фасонлы итәкләр, лампаслы чалбарлар, баско пояслары, кардиганнар, киндер күлмәкләр, чәчәкле күлмәкләр күз алдында бөтерелә. Күр, танып та булмый бу Чирмешән хатыннарын. Киемнәре генә түгел, атлап йөрүләре үк башка. Залдагылар сокланып, яратып күзәтте якташларын, хезмәттәшләрен.
Кайбер киңәшләрне дә күңелләренә беркетә бардылар. 
«Урта яшьләрдәге ханымнар тездән чак кына түбәнрәк торган итәкләр сайласын».
«Калын колготки авыр туфлиләр белән килешә, юкалары теләсә нинди киемгә дә туры килә».
«Куртка, чалбар, бик кыска чәч... Җитәр инде болай йөрергә! Чәчләр хатын-кызны матуррак күрсәтә. Ә юка чәчне кистерсәң яхшырак».
«Ялтыравыклы колготки кимәгез. Ә менә төсле колготкилар – модада».
«Лампаслы чалбарлар гәүдәне зифа күрсәтә».
«Чәчәкле тукымадан күлмәкләр сайлаганда, игътибарлырак булыгыз, уртача зурлыктагыларына тукталыгыз. Эре чәчәкләр ябыкларга гына килешә».
«Кыйммәтле кремнар алганчы, үзегез ясагыз. Бал + зәйтүн мае яки йомырка сарысы + зәйтүн мае = шәп бит кремы. 2-3 сәгать битегезгә сөртеп йөреп карагыз, бер атна эчендә яшәреп, матурланып китәчәксез».
«Кич ипи ашамагыз». («Ничек инде ипи ашамаска! Без ботканы да ипи белән ашыйбыз», – дип көлде кайберәүләр.) 

...Чын-чынлап күңел, әйбәт кәеф бәйрәме булды бу кичә. Хатын-кызларга үз матурлыклары серен аңларга, аны башкаларга да күрсәтә белергә өйрәткәне өчен шушы чараны оештырган «Сөембикә» журналына рәхмәт белдерде Чирмешән кызлары.
                                                                                     

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8395
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8689
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8413
    8
    67
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4022
    2
    47
Реклама
Соңгы комментарийлар
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
  • 22 июль 2021 - 11:16
    Без имени
    берниге дэ борчылма. ускенем. Вакытында. белгенсен. шунысына. соен. борчвылма. Узеннен чын. тормышын. алда. эле. Андыйларны. Аллахе. тагэлэ. кичерми. жэзасын. алыр. борчылма.
    Егетем... ике бала атасы икән инде
  • 23 июль 2021 - 11:25
    Без имени
    Бик аянычлы,котычкыч хэл.эх өлгермэгэн шул ана.рэхмэт Физэлия,уңышлар сезгэ.
    Киселгән муел  агачы
  • 22 июль 2021 - 20:00
    Без имени
    И это пройдёт.. Дигән бер акыл иясе. Тормыш тәҗрибәсе шулай туплана инде ул. Кешегә ничек ышанмыйсың... Андый подоноклар да бар инде ул. Елама дип әйтү җиңел лә ул. Син ела, ләкин аңардан файда булырмы дип уйла. Шулай булгач, яшеңне әрәм итмә. Ә ул киләчәктә барыбер бер кирәген алачак. Андыйлар гомергә үзгәрми. Бәхет телим сиңа.
    Егетем... ике бала атасы икән инде
  • 19 июль 2021 - 22:04
    Без имени
    Табаң юк мени, әзрәк башын "сафландырып" алырга. Нинди чит хатын белән язышу ул, син дә аның иренең номерын тап та языша башла. Белми дип тыныч кына йөрмәсеннәр. Син әдәп саклаганда алар мәхәббәт уенын башларлар. Котырту түгел, баштан үткәнгә язу. Сөйләшәсе килсә, ире белән сөйләшсен. Чит ир әйбәт инде. Гаилә алып бару түгел бит. Син юганны киеп, ашатып эчертеп чыгарасың,. Тәтиегет тапкан. Үзенекен тәти итеп тотсын да сөйләшсен. Язып җмбәр үзенә, иреңә язам дип.
    Ирем телефоннан башка хатын белән языша
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан