Кәҗәбез суга киткән,  Минем бәби зур үскән! 

Кулдагы нәни нарасыйны матур сүзләр белән назлыйсы килә. Яратып, кадерләп, «пәп» итеп. Балагыз «Балагыз үчтеки итәрлек булдымы әле?» – дип сорыйлар безнең якта. Үчтеки итәрлек булган икән, димәк, бала күтәреп сөярлек, башын тотарлык булган дигән сүз. Төрле җирләрдән «үчтеки» итә торган халык авыз иҗатын тупладык бу язмага. Әниләр, дәү әниләргә бала белән аралашырга ярдәме тияр дип ышанабыз. 

 

Үчтеки-үчтеки итәр бу, үсеп буйга җитәр бу. 

Үтеп барган бар кешегә сәлам биреп китәр бу. 

*** 

Үчтеки-үчтеки-үчтеки, үсмәгәнгә кечтеки. 

Үсә-үсә зур булыр, бигрәк матур ул (кыз) булыр. 

*** 

Yc-үc-үс итә, 

Балам үсеп тә җитә. 

Булчыл, булчыл, булчыл бул, 

Бүдәнәдәй тулчыл бул! 

Yp куяныдай күзле бул, 

Адәм тапмас сүзле бул! 

*** 

Минем кулым түгел, 

Әйшә-Батман кулы, 

Коенганың – Идел суы, 

Йөрер юлың – атаң юлы, 

Торыр җирең – бабаң җире, 

Сайрар телең – анаң теле, 

Карышма да тибешмә, 

Яңа кердең инешкә, 

Киерелгәндә – киртә буе, 

Сузылганда – солы буе. 

Yc-үc-үс! 

*** 

Әт иткән, бәт иткән – 

Кәҗәбез кая киткән? 

Кәҗәбез суга киткән, 

Минем бәби зур үскән. 

Үс-үс-үс! 

*** 

Аю баласы булсын, 

Бүре баласы булсын, 

Бүреккә саласы булсын, 

Әбисенә, бабасына, 

Атасына, анасына, 

Шәфкатьле бала булсын, 

Үзе сөйкемле булсын. 

*** 

Сузылсын, су буе булсын, 

Киерелсен, киртә буе булсын. 

Бәхетле, тәүфыйклы булсын, 

Ата-анасына шәфкатьле булсын. 

*** 

Әбисенә, бабасына, 

Атасына, анасына 

Шәфкатьле бала булсын, 

Сүзе үтемле булсын, 

Үзе сөйкемле булсын. 

Зу-у-ур үс! 

*** 

Yc, үс, улым, үс, әйдә, 

Дөнья бик киң, сыярсың, 

Аягың җиргә терәрсең, 

Башың күккә сузарсың. 

Бу җирләргә сыймасаң, 

Галәмнәргә чыгарсың. 

Күчтәнәчләр апкайтып, 

Әнкәеңне сыйларсың. 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 07:00
    Без имени
    Бу ситуациядә сез үзегез гаепле бит. Дус кызыгызны гаилә арасында үзегез керткәнсез. Безгә гел әйтер киләләр иде. Кияүгә чыккач ир беренче урында булырга тиеш дип. Дус кызлар читтәрррәк. Ә сез икесен дә бер күргәнсез. Мондый ситуациядә киңәш бирергә бик авыр. Ләкин үзегезгә бикләнеп яту, шулай ук дөрес түгел. Ирегез белән сөйләшкәндә дөрес сүзләр кулланырга тырышыгыз.
    Дус кызымның баласы иремә охшаган...
  • 20 апрель 2021 - 22:40
    Без имени
    Балакаем, Аллах ярдэменнэн ташламасын сине. Минем дэ якын иптэш кызым иремне аздыра башлаган иде. Вакытында сиздем.
    Дус кызымның баласы иремә охшаган...
  • 19 апрель 2021 - 18:53
    Без имени
    Аллакаем бирса булыр без 15ел котэбез онык бердэ булмый диеп кул селтэмилэр хэзер эко бар. Унышлар сезгэ. Выше нос и алга.
    Мин бала таба алмаячакмын….
  • 18 апрель 2021 - 20:50
    Без имени
    Изге Рамазан айларында киткән, авыр туфрагы җиңел булсын.🤲🙏
     Габдерәхим соңгы сулышын намазлык өстендә алган
  • 17 апрель 2021 - 21:42
    Без имени
    Жалко, типсэ тимер озэрлек ир- атлар кырыла гына
    «Акчарлак» газетасы журналисты Габдерәхим вафат
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»