Гашыйклар көнен ничек бәйрәм итәргә: 4 идея

Тиздән 14 февраль – Гашыйклар көне җитә. Бу бәйрәмнең килеп чыгышы турында (һәм, гомумән, бәйрәм дип атау-атамау турында!) һаман да бәхәсләр бара. Тик бәйрәмнең артыгы булмый бит ул. Сөйгәнеңә мәхәббәт аңлата торганының – бигрәк тә. Шуңа күрә без бу көнне бәйрәм дип атарга булдык. Гашыйклар көненә иң яхшы бүләк – ниндидер матди әйбер түгел, ул көнне яраткан кешең белән бергә уздыру. Ә менә ничек уздырып булуы хакында берничә идея тупладык. Берочтан 14 февральдә нәрсә эшләргә ярамаганлыгын да ачыкладык.


ӨЙДӘ УТЫРЫРГА ЯРАТУЧЫЛАР ӨЧЕН

Әгәр каядыр чыгып йөрергә яратмыйсыз, шау-шулы компанияләрне читләтеп үтәргә тырышасыз икән, 14 февральне дә өйдә генә билгеләп үтәргә була. Өйдә дигәч тә, бернинди романтикасыз, бәйрәм рухсыз дип уйлый күрмәгез тагын. Өйдә дә бәйрәм ясап була ләбаса! Берәр нинди тәмле ризык әзерләгез (ул ризыкны сөйгәнегез белән бергәләп әзерләсәгез тагын да яхшырак!) һәм өстәлгә шәмнәр куеп, романтик кичке аш оештырыгыз. Кичке аштан соң бергәләп романтик комедия карарга, гаилә фотоальбомын актарырга, танышу көнегезне искә алырга, киләчәккә планнар корырга була. Әгәр инде «бәйрәм көнне дә кухнядан башым чыкмый микән инде», дип кайгырасыз икән, ризык әзерләп мәшәкатьләнмәгез – икегез дә ярата торган ризыкны өйгә китертергә заказ бирегез. Моның да үз романтикасы.
 
НӘРСӘ ЭШЛӘРГӘ ЯРАМЫЙ. Бу көнне ничек үткәрәсен сөйгәнегез белән килештерегез. Әгәр ул романтик комедия жанрындагы фильмнарны яратмый икән, аны карарга мәҗбүр итмәгез. Югыйсә тавыш чыгуы яки комедияне сөйгәнегезнең каты итеп гырлавы фонында үзегез генә карап бетерергә туры килүе ихтимал. Фильмның икегез дә ярата торган жанрдагысын сайлагыз, андыйлар табылмаса, башка шөгыль табыгыз.


АКТИВ ЯЛНЫ ҮЗ ИТҮЧЕЛӘР ӨЧЕН

Сөйгәнегез белән икәүләп кинога барыгыз. Гадәттә, 14 февраль көнне җиңелчә романтик комедияләр, мәхәббәт драмалары прокатка чыга. Билет хәстәрен генә алдан күрегез: сезнең кебек кино яратучылар күп булырга һәм сезгә урын калмаска мөмкин. Ә бу бәйрәм кәефен төшерәчәк.
 
Әгәр театр яратасыз икән, театрга билет алыгыз. Соңыннан, сөйгәнегез белән култыклашып, төнге урамнан сөйләшә-сөйләшә кайтырга була. Кино яки театрны яхшы ресторан белән тәмамларга мөмкин. Ресторанның икегез ярата торган, «үзегезнең» урынга әйләнгәнен сайларга да, эксперимент рәвешендә экзотик ризыклар әзерли торганын да сайлый аласыз.
 
НӘРСӘ ЭШЛӘРГӘ ЯРАМЫЙ. Өйдәге кино турындагы кагыйдә кинотеатрдагы кинога да кагыла: билет алганда сөйгәнегез белән килештереп алыгыз. Бәлки, сез күптән көткән фильмга аның барасы килмидер, сез гашыйк булган ир-ат актерга да ул гашыйк түгелдер.
 
 

СӘЯХӘТ ЯРАТУЧЫЛАР ӨЧЕН

Кайберәүләр, махсус 14 февральгә туры китереп, эшеннән 3-5 көнлек ял ала һәм сәяхәткә кузгала. Билгеле инде, сәяхәт итәсе җир дә романтик булырга тиеш: Париж, Венеция, Верона... Җылы якны үз итүчеләргә Тайланд, Бали якларын сайларга була.
 
Финанс мөмкинлеге 5 көнгә Тайландка чыгып китәргә мөмкинлек бирмәсә яки эштәге җитәкчегез сезнең 14 февральне ни өчен нәкъ менә Парижда каршы алырга теләвегезне аңларга теләмәсә, якын-тирәгә дә сәяхәт кылырга мөмкин. Күрше республикамы ул, күрше шәһәрме – анысы мөһим түгел, һәр җирдә дә сөйгәнең белән карап йөрердәй урыннар табарга була бит. Хәтта үзебезнең Казанда гына да күпме парк, күңел ачу үзәге, чаңгы шуу базалары, җәяүлеләр өчен матур урамнар бар. 14 февраль көнне икәүләшеп чыгып китсәң, кечкенә генә булса да сәяхәт була бит инде!
 
НӘРСӘ ЭШЛӘРГӘ ЯРАМЫЙ. 14 февраль көнне ял бирмәгәне өчен җитәкчегез белән ачуланышырга һәм, кызуланып, эштән китү турында гариза язып ташларга; фатир алырга дип 2 ел буе җыйган акчагызны, сөйгәнегезгә әйтмичә генә, Парижга билет алырга тотарга... кыскасы, нәрсә эшләргә ярамаганын аңладыгыз инде.
 
 

РОМАНТИКА ЯРАТУЧЫЛАР ӨЧЕН

Кемнеңдер 14 февраль көнен гадәти булмаганча уздырасы яки гадәти әйберләрдән дә романтика ясыйсы килә. Бу категориягә кергән хатын-кызларга сөйгәннәренә иртәнге ашка йөрәк рәвешендә йомырка тәбәсе кыздырырга яисә көн саен ашый торган сэндвичларга кетчуп белән «Мин сине яратам» дип язарга мөмкин.
 
Хәзер һәр кибеттә диярлек йөрәк рәвешендәге открыткалар сатыла – романтиклар аларны бигрәк тә үз итә. Ул открытканы сөйгәнегезнең кулына тапшырмыйча, кесәсенә йә сумкасына тыгып җибәрергә, тумбочкасына яки ул күрә торган башка берәр җиргә куеп калдырырга була. Ә открытканың эченә иң матур сүзләрегезне язарга онытмагыз.
 
Романтика яратучылар бергәләп атта йөрү яки тимераякта шуу, ә соңыннан каһвә эчеп, җылына-җылына урамда йөрү идеясен дә ошатыр.
 
НӘРСӘ ЭШЛӘРГӘ ЯРАМЫЙ. Әгәр сөйгәнегезнең кетчупны җене сөймәсә, сэндвичы өстенә кетчупны мулдан агызып «Мин сине яратам» дип яза күрмәгез, гомумән, кетчуп белән бернәрсә дә язмагыз. Беркайчан да! Әгәр сөйгәнегез бала чагында аттан егылган яки тимераякта шуганда имгәнгән булган һәм шуннан соң анда психологик травма калган икән, аны ипподромга да, шугалакка да чакырмагыз – психикасы икенче тапкыр имгәнергә, берочтан сезнекенә дә зыян килергә мөмкин.

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 27 июль 2021 - 02:25
    Без имени
    Гашыйклар көне турында мәгълумәт эзләгән идем, менә моннан табып бер шатландым - http://maratkabirov.com/fayda/14-fevral.html Аннан соң сезнең сайтка юлыктым. Бигрәк матур язма урнаштыргансыз, рәхмәт сезгә!
  • 27 июль 2021 - 02:25
    Без имени
    Кетчуп белэн колдердегез))))
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8618
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8885
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8715
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4336
    4
    49
Реклама
Соңгы комментарийлар
  • 23 июль 2021 - 18:22
    Без имени
    Мене шулай кысылып купме бала бехетсез шул.Узебезнен баштан утте
    Кемнәрдән бәйләтим яраны?
  • 25 июль 2021 - 19:20
    Без имени
    Ай, рәхмәт яугырлары!!!!! бик тә нык сөендем бала өчен! Нянечкага рәхмәт!!! Йөрәкләренә, бәгырьләренә үтә торган итеп аңлатып әйтә белгәне өчен! Аллаһы Тәгалә аның аша, ир белән хатынга туры юл күрсәткән, гомерлек үкенечкә юл куймаган.
    Өч кенә көнгә...
  • 24 июль 2021 - 15:57
    Без имени
    Уф.... Йорэккэемне....
    Өч кенә көнгә...
  • 26 июль 2021 - 14:07
    Без имени
    Нәкъ шулай . Тик партнер бер генә булырга тиеш , югыйсә , хатын - кыз үзенең тәнендәге җепселләрен башкаларга таратып , үзе авыру булып калачак .
    ​Назлану өчен алты медицина сәбәбе
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан