Статусым: Бераз гына 40+

Хатын-кызның яше турында сүз башлау, минемчә, ир-ат өчен иң куркыныч темаларның берседер. 
 
Кайсыбер ханымнар, яшь турында сүз чыгуга үзенең тормыш тәҗрибәсенә ишарәли башлый, эчке матурлык, тормышка яңа караш турында фәлсәфә корып җибәрә. Кемнеңдер еллар аша тагын да чибәррәк, затлырак, зыялырак күренергә өйрәнгән йөзе караңгыланып китә, елмаюы моңсу төшенкелек хисе белән алышына. Бер мизгел эчендә, ирексездән, берән-сәрән сызылган маңгай сырын капшап куя, көзгесен алып ялгыш күзенә күренгән ике бөртек чал чәчен барлап ала. Уйлары белән исә 10-15 елга киләчәккә йөгерә. Йөзе, гәүдәсе, ә иң мөһиме: әйләнә-тирәдәге кешеләрнең үзенә карата мөнәсәбәтенең үзгәрү перспективаларын күз алдыннан кичерә. Бик еш аның фикеренчә, 20 яшьлек туташ белән 40 яшьлек ханым арасында упкын хасил була. Ә тагын 20 елдан соң аның өчен дөнья бөтенләй бетәчәк. 
 
Моның алай түгел икәненә ышану өчен тирә-якка күз салу җитә. Компьютерлар, кесә телефоннары ярдәмендә үзеңә тиңнәрне күзләү, алар белән аралашу өчен көн саен яңа мөмкинлекләр ачылып тора. Одноклассники, Вконтакте, Инстаграм, WhatsApp, Телеграм челтәрләрендә бүген дистәләрчә миллион хатын-кыз «яши». Кем генә юк анда...
 
Яшьлегенең бишенче дистәсен башлап килүче бериш ханымнарның профиль статусы «барысы да алда, тормыш әле яңа башлана» ише шигарьләр белән ачыла. Килешми булмый бит! Икенчеләренең виртуаль битеннән исә «бер кат пешкәнче мең кат тикшерүең яхшырак» кебегрәк  бераз акланулы тормыш девизлары күренә. Сурәтләре күбесенчә үзләренеке. Шагыйрьчәрәк әйтсәк, фотолары аша үз күзләре белән очкын сибәләр. Кайбер очракта, аерымачык «аучы» киемнәрен киеп, кайчак күзне ярып керә торган  макияжлары белән безнең затны аптырашта калдыралар, ә иң аяныч фотоларда исә еллар узу белән күбрәк сер булып калырга тиешле урыннары артык күп булып ишелеп төшә... 
 
Бихисабы «актив эзләнүдә», түгәрәк-түгәрәк акыллы цитаталар белән «сөйләшәләр», күп вакытларын Интернетта үздыралар, бик теләп үзара килде-китте хуҗалык темаларына гаммәви гәп куертып алырга да каршы түгелләр. Оппонентлары, аеруча каршы җенес вәкилләре белән тартынмыйча, күп очракта мораль нормаларыннан һәм әхлак принципларыннан читкә китеп аралашырга күп сорамыйлар. Алар – чын, алар шундый, алар төрле яклап «азат». Тик һәр очракта диярлек, алар – ялгыз хатыннар...
 
Социаль челтәрләрдә җылы гаилә кочагына кереп сеңгән һәм шунда эреп «йокыга талган» хуҗабикәләр дә бар. Аларга җылы, рәхәт: еллар буена кайнап береккән үз ире, яшүсмер бала-чагасы, йорты, мал-туары, кош-корты, бакчасы, чүпрәк-чапрак, савыт-сабасы... Андыйларның сәхифәләреннән, кагыйдә буларак, моннан 6-7 ел элек төшереп элгән гаилә фотолары яисә «Күрәсезме? Минеке!» ише ирле-парлы бәхетле фотолар елмая. Никах, ашлар, туган көн, яңа ел ише кысан түгәрәкле гаилә бәйрәмнәреннән репортажлар бихисап. Бер сүз белән әйткәндә, болар – бәхетле ир хатыннары.
 
Тагын бер төр ханымнарның барысын бер итеп «Исеме ничек булса да барыбер түгелмени» дип атап була. Андыйлар бик күп түгел. Беркайчан да үз сүзләрен, хәл-әхвәлләрен, хис-кичерешләрен кешегә сөйләмиләр. Тормыш, яшәеш, язмыш турында беркатлы цитаталар куялар. Аларның төп битендә фотографияләр урынында берәр рәсем (ешрак мәче яисә башка йорт хайваны, ә иң киң таралган очракта кочак-кочак сары, кызыл, алсу, ап-ак чәчәк бәйләмнәре) була. Ә үз фотолары юк. 
 
Хатын-кызга үзе булып калырга, узган чорларны елмаеп озатырга, килгән елларны оптимизм белән каршы алырга нәрсә комачаулый соң? Бишенче дистәне ваклый башлау белән гүзәл затларны сурәтләрен песи белән алыштырырга, йөзләрен чәчәк арасына яшерергә мәҗбүр итүчеләр кем?
Без. Ир-атлар. Дөресрәге, безнең битарафлык, безнең игътибарсызлык...
Ничә яшьтә булуына карамастан, хатын-кыз һәрвакыт дөньяның иң гүзәл заты булып калачак. Еллар аңа зыялылык, кайчак ирләреннән артык акыл бүләк итә, тормышны яңабаштан бәяләп, аңлап белү, бөтен матурлыгын, бөтен мөмкинлекләрен кулланырга өйрәтә, җыерчыклары исә йөзләренә җылы нурлы эчке балкыш кына өсти. Без моны күрәбез, сизәбез, тагын да ныграк яратабыз, әмма дәшмибез. Чөнки без – ирләр. Безне дәшәргә, яратырга, сокланырга мәҗбүр итәргә кирәк. Сиздерми генә, хәйләкәр генә итеп... Тормыш сезне иң беренче чиратта шуңа өйрәтә түгелме соң?

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 25 июль 2021 - 15:16
    Без имени
    Монда әле күп төрле хатын-кыз кермәгән.Кайберәүләр үз авкасына чит кеше сурәте,я артистлар утырта.үз битен песи белән тутыручыларны һич аңламыйм.Хатын-кызлар мәчедән бигрәк.еланга тартымрак бит,берсеннән-берсе матуррак тунлы еланнар куйсыннар алайса...татар хатын-кызларының төрекчә яулык бөркәнгән сурәтләр.постлар белән үз битен тутыруына да сәерсенеп карыйм.Татар хатын-кызлары яулыкларын гомердә дә алай ябынып,бәйләп йөрмәгән югыйсә.Карап торышка акыллы гына күренгән гүзәл затларның өстәле эчемлек белән тулган фотолары да уйландыра,янәсе.күрегез:без нинди шәп табын артында утырабыз...Урынлы күтәрелгән язма бу.Алмаз бу теманың төбенә тоз коярсың әле,туган!
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8471
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8741
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8503
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4099
    2
    48
Реклама
Соңгы комментарийлар
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
  • 22 июль 2021 - 11:16
    Без имени
    берниге дэ борчылма. ускенем. Вакытында. белгенсен. шунысына. соен. борчвылма. Узеннен чын. тормышын. алда. эле. Андыйларны. Аллахе. тагэлэ. кичерми. жэзасын. алыр. борчылма.
    Егетем... ике бала атасы икән инде
  • 23 июль 2021 - 11:25
    Без имени
    Бик аянычлы,котычкыч хэл.эх өлгермэгэн шул ана.рэхмэт Физэлия,уңышлар сезгэ.
    Киселгән муел  агачы
  • 22 июль 2021 - 20:00
    Без имени
    И это пройдёт.. Дигән бер акыл иясе. Тормыш тәҗрибәсе шулай туплана инде ул. Кешегә ничек ышанмыйсың... Андый подоноклар да бар инде ул. Елама дип әйтү җиңел лә ул. Син ела, ләкин аңардан файда булырмы дип уйла. Шулай булгач, яшеңне әрәм итмә. Ә ул киләчәктә барыбер бер кирәген алачак. Андыйлар гомергә үзгәрми. Бәхет телим сиңа.
    Егетем... ике бала атасы икән инде
  • 19 июль 2021 - 22:04
    Без имени
    Табаң юк мени, әзрәк башын "сафландырып" алырга. Нинди чит хатын белән язышу ул, син дә аның иренең номерын тап та языша башла. Белми дип тыныч кына йөрмәсеннәр. Син әдәп саклаганда алар мәхәббәт уенын башларлар. Котырту түгел, баштан үткәнгә язу. Сөйләшәсе килсә, ире белән сөйләшсен. Чит ир әйбәт инде. Гаилә алып бару түгел бит. Син юганны киеп, ашатып эчертеп чыгарасың,. Тәтиегет тапкан. Үзенекен тәти итеп тотсын да сөйләшсен. Язып җмбәр үзенә, иреңә язам дип.
    Ирем телефоннан башка хатын белән языша
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан