Сагынабыз Сара апаны, җырларын сагынабыз... 

 

Бүген композитор Сара апа Садыйкованың туган көне. Берсеннән-берсе матур җырлары сагындырып искә төшә. «Казан кичләре», «Җидегән чишмә», «Беренче мәхәббәт», «Актаныш таңнары», «Кайтам инде», «Оныта алмасам нишләрмен?»... Ул иҗат иткән 350 гә якын җырны саный башласаң!.. Һәркайсы үзенчә матур, кадерле. 

Сара апа белән иҗади дуслыкта булган җырчыларның хатирәләре аша яраткан композиторыбызны кабат искә төшерик, сагыныйк әле. 

Миңгол Галиев: 

–Консерваториягә керү имтиханнары тапшырганда ук пианинода миңа Сара апа уйнаган иде. Мирсәй Әмирнең «Тормыш җыры»нда Басыйр җыры иде ул. Көен Җәүдәт Фәйзи язган. 

Районнарга, авылларга юлга чыгасы булса, бер дә карышмый торган ике кеше – ул да булса Фасил Әхмәтов һәм Сара Садыйкова булыр иде. Бервакыт бик салкын бер көнне Буа районындагы бер авылда ягылмаган клубта чыгыш ясарга туры килде. «Сара апа, әллә киенгән килеш кенә чыгасызмы сәхнәгә?» – дидем. Ул кискен төстә баш тартты: «Юк, сәхнә ул – изге урын, анда матур булып чыгарга кирәк!» – диде. 

 

Зөһрә Сәхәбиева: 

–«Җидегән чишмә» җыры (Гомәр Бәширов сүзләре) күңелләребезне гомерлеккә бер-беребезгә беркетеп куйды. Үз кызы Әлфия апа белән тиң итеп, кызы кебек итеп яратты ул мине.Соңгы елларда күрше генә йортларда яшәсәк тә, бер-беребезгә открыткалар да сала идек. Сара апа мине һәрвакыт «бәләкәй сандугачым» дип йөртте. 

 

Мирсәет Сөнгатуллин: 

–Сара апа белән радиокомитетта танышып киттек. Мин анда бер халык җырын яздырырга дип барган идем. Шунда ул: «Энекәш, тавышың бик үзенчәлекле икән. Минем дә берәр җырымны җырлы әле», – дип, үзенә кунакка чакырды, адресын бирде. Сара апа минем «Беренче мәхәббәт»не( Әхмәт Рәшит сүзләре) җырлавымны аеруча яратты. Бик кунакчыл кеше иде. Мин килгәндә һәрвакыт матур киенгән, парикларын кигән, иреннәрен буяган булыр. Тиз генә төче коймак пешереп алыр. «Ач килеш җырлап булмый ул», – дияр. Аннары гына пианино янына барып утырыр. 

 

Шамил Әхмәтҗанов: 

–Яшь чагымда «Спартак» аяк киемнәре фабрикасына караган Горький исемендәге клубка, Сара Садыйкова җитәкләгәнхорга йөрдем. Күпләр арасыннан Сара апа мине башта ук аралап, сайлап алды. Киң күңелле, кирәк чакта кырыс та холыклы, бик үзенчәлекле апа иде ул. Өенә дә еш чакыра иде. Берәр җыр язса: «Ничек чыккан, ошыймы сиңа, юкмы?» – дип фикеремне сорый иде. Мин аның «Казан кичләре» җырын (Х.Туфан сүзләре) беренче булып җырладым. Ул татар студентларының чын мәгънәсендә гимнына әверелеп китте. 

     

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 07:00
    Без имени
    Бу ситуациядә сез үзегез гаепле бит. Дус кызыгызны гаилә арасында үзегез керткәнсез. Безгә гел әйтер киләләр иде. Кияүгә чыккач ир беренче урында булырга тиеш дип. Дус кызлар читтәрррәк. Ә сез икесен дә бер күргәнсез. Мондый ситуациядә киңәш бирергә бик авыр. Ләкин үзегезгә бикләнеп яту, шулай ук дөрес түгел. Ирегез белән сөйләшкәндә дөрес сүзләр кулланырга тырышыгыз.
    Дус кызымның баласы иремә охшаган...
  • 20 апрель 2021 - 22:40
    Без имени
    Балакаем, Аллах ярдэменнэн ташламасын сине. Минем дэ якын иптэш кызым иремне аздыра башлаган иде. Вакытында сиздем.
    Дус кызымның баласы иремә охшаган...
  • 19 апрель 2021 - 18:53
    Без имени
    Аллакаем бирса булыр без 15ел котэбез онык бердэ булмый диеп кул селтэмилэр хэзер эко бар. Унышлар сезгэ. Выше нос и алга.
    Мин бала таба алмаячакмын….
  • 18 апрель 2021 - 20:50
    Без имени
    Изге Рамазан айларында киткән, авыр туфрагы җиңел булсын.🤲🙏
     Габдерәхим соңгы сулышын намазлык өстендә алган
  • 17 апрель 2021 - 21:42
    Без имени
    Жалко, типсэ тимер озэрлек ир- атлар кырыла гына
    «Акчарлак» газетасы журналисты Габдерәхим вафат
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»