​Җиләкле төш (Хәниякәемә)

Мин уяндым: тәрәзәмдә нурдан – 
Әллә кояштанмы, әллә синнән?! 
Төшләремә кердең, бәгырь, бүген 
Җилләр кочып куйды сыман иңнән... 
Зәңгәр күлмәгеңне кигәнсең дә, 
Яшел тугаеңа килгәнсең, 
Тузганаклар җыеп, башкаеңа 
Сары такыялар үргәнсең. 
«Нихәл, дустым! – дисең. – Кайттым менә 
Сагындыра болын-суларым... 
Исләре үк башка – бигрәк якын 
Җанга газиз яме боларның. 
Туган якның бер җиләген капсам, 
Тәме торыр иде ирендә. 
Туган йорт та минсез нурсыздыр шул – 

Әни керми киткән өенә...» 
Иелгән дә болын үләннәрен 
Берәм-берәм күздән үткәрә. 
Моңсуланып карап куя аннан 
Күлмәге күк зәңгәр күкләргә. 
«Хәниякәй, син һаман да шул ук 
Матур икән – нурлы карашың!» 
«Әй!» – дисең дә никтер чеметкәләп 
Куясың син битең алмасын. 
Мактауларга исең китми кебек: 
Башка уйлар синең башыңда. 
Зәңгәр күлмәк, сары такыядан 
Көлеп торасың син каршымда. 
«Сез нихәл соң? – дисең. – Иминлекме, 
Ниләр язып, ниләр кыласың?» 
«Сабырлыгын бирә Аллаһым да 
Сынауларга диеп – сынмасын... 
Китап яздым. Синең истәлекләр 
Керде анда. Бүләк итәрмен». 
Хәниякәй бер елмаеп куйды: 
«Ярый, ярый ,дустым, көтәрмен». 
«Бакчабызда 5 җиләгем пешкән: 
Сиңа бирәм. Кабып карачы!» 
Мин уяндым. Фани дөньялардан 
Ерак мәңгелекләр арасы... 
Хәниягә дигән җиләкләрне 
Бирдем – ирем сузган учкаен. 
Сагындырып төшкә керде, халкым, 
Җиләк эзләп йөргән кошкаең... 

30.05.2019 
Хәниякәемнең бүген туган көне! Төшемә кереп булса да сөендергәнең өчен рәхмәт, җаным! 

Реклама
Ошый
Поделиться:
Комментарийлар (0)
Cимвол калды:
Хәзер укыйлар
  • 6969
    9
    224
  • ТУГАН ЙОРТ БУСАГАСЫ  Җиңел велосипедының бер як мөгезенә аскан авыр сумкасын йорттан-йортка йөри-йөри бушатып бетергәч, Гүзәлия өенә табан атлады. Замана үзгәрү белән, кеше белән кеше арасындагы элемтә чаралары арта бара...
    7536
    7
    178
  • 7598
    5
    130
  • Бәхет шәүләсе ​​​​​​​Тиранның төрлесе була. Кул күтәреп, җәберләп кенә торучыны түгел, кешене рухи яктан басып, иреген чикләп яшәүчеләргә карата да әйтелә ул. Карап торышка менә дигән ир, кайгыртучан әти дип уйларлык кешеләр дә гаиләдә тиран булып чыгарга мөмкин.
    7619
    6
    118
  • Кардагы эзләргә ни булыр?!  Урамда кар-буран уйный. Әллә быелның беренче бураны инде?! Юл кырыйларында кар эскерте өелеп тормаганга шулай тоеламы соң, әллә яуганы да эреп бетә баргангамы. Һәр яуган кар, сукмакларны тутырып бөтерелгән буран бу кышның беренчесе сыман... 
    6305
    0
    98
Соңгы комментарийлар
  • 25 гыйнвар 2020 - 04:48
    Без имени
    Йөрәкне актара торган хикәя бер сулуда укып чыктым👍
    ​Инә
  • 25 гыйнвар 2020 - 04:48
    Без имени
    Бу гаилэгэ бэхетле тормыш телим
    Ике туй – бер ир
  • 25 гыйнвар 2020 - 04:48
    Без имени
    Хикэйэне укыным бик матур эйтелгэн, азагыла матур боткэн. Мин уземден язмышымды уйлап уйга калдым. Беззе улем айырзы, юкхыныу косло.
    Ике туй – бер ир
  • 25 гыйнвар 2020 - 04:48
    Без имени
    Барсына да кайнана гаепле.фануза.
    Гафу итәргәме?
  • 25 гыйнвар 2020 - 04:48
    Лилия Гараева
    Хәерле көннәр! Хикәя язу өчен берәр язучы белән танышасым килә, дигән автор, сезгә бу мәсьәлә буенча «Казан утлары» журналына мөрәҗәгать итү урынлырак булыр кебек. Язучылар союзы да гозерегезне кире какмастыр.
    Гаиләме, карьерамы? 
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...