ГОМЕРЛӘРНЕ ҮЛМӘС ҖЫР ИТӘЕК...

27 июль 2017 ел... Бу көнне радио, телевизордагы тапшырулар, интернет чыганаклар җан тетрәткеч хәбәр сөйләде: «...яраткан җырчыбыз ХӘНИЯ ФӘРХИ вафат...» Ышанасы да, бу хәбәрне кабул итәсе дә килмәде ул көннәрдә! 


Инде өч ел узса да, Хәния Фәрхинең безнең арада юклыгын күңел кабул итми. Аны әле һаман зур сәхнәләр, яраткан тамашачысы сагына. Бүген иртәдән үк социаль челтәрләрдә иҗатташ дуслары, якыннары җырчыны искә ала, аның белән бәйле матур хатирәләрне искә төшерә. 
Хәния Фәрхинең соңгы минутларында аның янында сеңлесе Фирүзә ханым Ибәтуллина була. 
Фирүзә ханым сөйләгәннәрдән: «Алдагы көнне күңелем ярсыган ат сыман иде, үземне кая куярга белмәдем. Илшатымнан, безне Хәния апа белән Казанга җибәрүен сорадым, балаларга мәктәпкә әйберләр дә аласы бар иде. Апага әйткәч, бергә барабыз дип, шатлыктан икәү еладык. «Алтыным, минем дә сезне алып китәсем килгән иде, кияүдән генә уңайсызландым», ди. Елаштык-елаштык та, телефонны куеп йокларга яттык. Бер уйласаң, нигә еларга кирәк инде ул вакытта?! Күңел сизгән күрәсең... Иртәнге сигез тулганда телефон шалтырый. 
– Апа, йоклыйк инде азрак, соңрак китәрбез, – дим. Җәй көне йокы тәмле бит, соң ятыла. 
– Юк, апаем, – ди. – Юлга чыгабыз бит, әйдә, мунча кереп, матур итеп чыгыйк әле, – ди.
Иртәнге чәйне дә эчмичә мунча яктым. Апа тагы шалтырата:
– Апай, төшеп ал инде безне! – ди.
– Инәй менәме соң, инәй менсә генә төшеп алам, – дип шаярам. Инәйнең менәсе килми, минсез генә мунча керегез инде, ди. Хәния апаны озатып калырсың дип, аны да үзебезгә килергә күндердем. Менделәр болар. Апа сабый бала кебек мунча керде, шәһәргә кайтам, чистарынырга кирәк дия-дия әйбәтләп юынды. Баскан токмач белән аш пешерде. Аның ул көнне матурлап сөйләп утырулары! Өйдә Илшатым, балаларым, инәй бар иде. Без киткәч, Илшат ашасын дип, икенче аш пешереп куйды. Телефоны да туктап тормый, тегесе, монысы шалтырата. Интервю алырга теләп, Казаннан бер журналист кыз да шалтыратты. Соңрак, ул кызның истәлекләре матбугат битләрендә дә чыкты әле... Ул аңа, телефоннан интервью бирмим, Казаныма кайткач күрешербез, диде.  Шуннан җизни алып биргән машина белән апаны алып китәргә җырчы егете – Фидаиль кайтты. Ул да мунчалар кереп чыкты. Илшатымны эшкә озатып калдык. Туган авылымның каен җиләге дип, җиләк алып катырган иде. Шуны да инәйләрнең суыткычыннан кереп алырбыз, дип юлга кузгалдык. Өйдән чыгып киткәнче мин юлга кыяр, ипи, йомырка пешереп алмакчы булам. «Апай, бер ни дә алмыйсың, юл буе кафелар, берәрсенә кереп ашарбыз», – ди. Барган саен безне шулай сыйлый иде ул. Әнкәйләр йортына килеп җиттек. Хәле булмагандыр инде, өйгә кермәде. Өй каршында иске генә эскәмия (сәке) бар иде, шунда утырып торды. Әнкәй белән без кереп җиләкне алып чыктык, яңадан шул сәкегә утырып юл догаларын укыдык. Апа бер бархатцы чәчәген өзеп алды да: «Инәй, кара әле, бер чәчәгеңне урладым», дип шаярды. Гәбделхәй ярата дип, бакчадан берничә төп сарымсак алды. Башка вакытта апа киткәндә дәррәү килеп елаша торган идек. Ә ул көнне беребез дә еламады, көлешә-көлешә машинага утырдык. Аллаһның, елыйсы көннәрегез алда, дип әйтүе булгандыр инде... Киттек. Юлда барганда апа Фидаильдән  кондиционерын сүндерүне сорады. Туңам, дигәч мин кофтамны салып бирдем.  Фидаиль заправкага керде. Ул төшеп киткәч, «кара, җүнсез малай, япмаган кондиционерын, һаман салкын», дип шаяртып алды. Өшегәндер инде ул, каннары йөрмәгәндер... Запаравкадан чыгып, ике йөз метр тирәсе генә киттек, алдагы утыргычта сөйләшеп барган Хәния апаның башы төшеп китте. Мин арттан көзгедән карап, сөйләшеп барам бит инде. Күңелдә Казанга барабыз дигән шатлык хисе... «Фидаиль, тукта, җаныем, тукта, Хәния апага начар!» –  дип үрсәләнеп кычкырырга тотындым. Тиз генә машинадан төшеп, аның яктагы ишеген ачтым. Үзем ярдәм сорап кычкырам, Галия кызыма ашыгыч ярдәм машинасы чакыртырга куштым. Үзем машиналарны туктатмакчы булам. Фидаиль әйтә, үзебезнең машина бар бит, үзем илтәм, ди. Минем фикерләр таралгандыр инде ул чакта. Апа шунда башын күтәрде дә: «Җидәттегез инде шул больницагыз белән, кая мендәр бирегез әле, Казаныма йоклап кына кайтыйм, әле», – ди. Мендәр бирдем, җайлап утырттым. Тәтешлегә килеп кердек. Ике ашыгыч ярдәм машинасы каршыга очрады. Носилкага җайлап кына төшеп ятты. Шул вакытта миңа тутырып карап куюын әле дә тоям... Миндә һаман истерика, туганнарны күп югалттык бит инде, ни буласын күңелем сизгәндер. Ул миңа дәшкән,  «апай, алтыным», дип кулларымны кыскан, ә мин берсен дә хәтерләмим... Носилкадан өстәлгә алып салуларын, апаның хәлсезлеген күреп калдым. Апаны алып кереп киттеләр. Мин ишекне бәрәм дә апа янына керәм, бәрәм дә керәм, мине чыгарып җибәрәләр. Берзаман апаны алып кереп киткән кабинеттан үзләре берәм-берәм чыга башладылар... Мин кергәндә өстенә япканнар иде инде... Фидаиль бәгырем стенаны төя. Ул инде Казанда булса коткарырлар иде, дип уйлагандыр... Башта тромб дигәннәр иде, аннары «обширный инфаркт» дигән язуы килде...»  
Җир җиләге, каен җиләге дә күптән пеште инде. Арабызда Хәния  апа Фәрхи генә юк. 
Гомерләрне үлмәс җыр итәек,
Үкенмәслек итеп китәек...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (3)
Cимвол калды:
  • 1 август 2020 - 18:03
    Без имени
    БИК эйбэт язылган. Татар телендэ язылган.
  • 31 июль 2020 - 21:26
    Без имени
    Бик матур язма.
  • 30 июль 2020 - 07:21
    Без имени
    Бу нинди телдэ язылган, укып карадым, лэкин берни анламадым, Хэния Фэрхинен концерты на яратып йордем, калдырмадым, урыны ожмах турлэрендэ булсын, доньялыкта белеп белми кылган гонахларын ярлыка Раббым гизэм 🤲🤲🤲
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4636
    11
    116
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13274
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2880
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11501
    16
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13912
    4
    73
Реклама
Соңгы комментарийлар
  • 3 октябрь 2022 - 22:11
    Без имени
    Фикеремне калдырган идем, нигэдер бик озак тикшерэлэр))). Дэвамын котэм. Зур рэхмэт Авторга! Татарча рэхэтлэнеп укыдым. Раушанияны жэллэдем. Нигэ ул шул хэтлем .... юаш булды икэн?!
    Гомерем усал кайнана, исерек ир белән үтте 11
  • 3 октябрь 2022 - 17:54
    Без имени
    Минем энкэем дэ шулай яшэгэн. Балага узгач(мин,а), энисе(минем эбием) кышкы буранга карамыйча, 100 километр ераклыгына карамыйча, ат ж,игеп чанага, узенен, кызын туган оенэ алып кайткан. Э минем "этием", 42 яшендэ исерек килеш кышкы суыкта, алачыкта тун,ып улгэн, "хатыны"(бергэ яшэгэн бичэсе) "исерек син"дип оенэ кертмэгэч....
    Гомерем усал кайнана, исерек ир белән үтте 11
  • 3 октябрь 2022 - 17:55
    Без имени
    Дэвамын котэм, кадерле Автор!
    Гомерем усал кайнана, исерек ир белән үтте 11
  • 30 сентябрь 2022 - 09:42
    Без имени
    Бер конне Ирегез егетегезгэ узе сойлэп бирэчэк сезнен кем икэнегезне. Ох ялгышасыз. Иргэ ышанма иделгэ таянма, тем более аерылганга
    Газаплы очрашу
  • 30 сентябрь 2022 - 16:56
    Без имени
    Зур рэхмэт сезгэ! Шундыйтэмне итеп язгансыз! Сезнекуреп сойлэшэсе, утырып чэй эчэсе килеп китте.
    «Ике ишек тишеп, икең ике якка чыгарга язмасын...»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда