Мөнәсәбәтләрне җылытуның 10 ысулы

Бер-береңнең аз гына күңелен күрү, ниндидер игътибар күрсәтү суына башлаган мөнәсәбтләрне җылытып җибәрә ала. 

Икегез бергә берәр кичне гаилә альбомын карауга багышлагыз әле. Фотоларга бәйле күңелле хәлләрне искә алыгыз. Күрерсез дә торырсыз, күңелегезгә шул чакларда дөрләгән мәхәббәттән бер чаткы төшәчәк. 

Көтмәгәндә ниндидер яхшы сюрприз ясасалар, кемнең дә кәефе күтәрелә. Ирегез тирләп-пешеп нәрсәдер ремонтлап ятамы? Ә сез аңа – нәкъ менә эш урынына бер чынаяк хуш исле кофе белән ул яраткан кабартмаларны алып килегез. Сезнең бу кайгыртуыгыз тиешле ноктасына барып җитми калмас. 

Икәүдән икәү генә рәхәтләнеп сөйләшегез. Сөйләшүнең темасы теләсә ни булырга мөмкин, укыган китабыгыз, караган спектакль. Аны үзегез белән хыял дөньясына әйдәгез – җәйге ялны планлаштырыгыз, һич булмаса, киләсе атнадагы ялларга яңа фильм булса да карап кайтуны планлаштырырга була бит. 

Ирегез көн дә эштә тоткарланамы? Сез аның белән телефоннан ешрак хәбәрләшеп торыгыз. Ул кайткач, ансыз күңелсез булуын әйтегез, кичке ашны бергәләп ашагыз. 

Кайчак бер-береңнән берәр атнага аерылып тору да мөнәсәбәтләргә җылылык кертеп җибәрә. Ара-тирә ялгызың гына калып ял итү дә кирәк шул. Сагынып күрешү күңелле бит. 

Ирегезне тиешенчә бәяләгез. Һәркемнең мактауга лаек сыйфаты булмый калмый, шул сыйфатын күрә белегез. Аның мавыгулары белән үзегез дә кызыксыныгыз. 

Ирегезгә юл куегыз. Аның телевизордан хоккей карыйсы килә, ә икенче каналда сез яраткан сериал барамы? Компромисска барыгыз, бүген – хоккей, иртәгә – сериал. 

Беркайчан да «юк» дип кистерергә ашыкмагыз. Сез аңладыгыз инде. Бу бит чын күңелдән сөйләшү өчен бер сәбәп тә була ала, ахырдан...

Аз гына ымсындыргычрак булып күренүдән курыкмагыз. Хәтерләгез әле, аның белән күрешергә барганда сез ничек әзерләнә, ничек бизәнә идегез. Ирләр күз белән ярата – онытмагыз!

Тавышыгыздагы тимер чыңнарын юк итегез. Өйдә мондый нәрсәгә, гомумән, юл куймаска кирәк. Ачуыгыз бик килсә, шаяруга борып җибәрергә өйрәнегез. 
Кечкенә генә гаилә бәйрәмнәрен ешрак оештырыгыз. Сәбәп булмаса ни, уйлап табуы кыен түгел бит!

Үзегезгә карата аннан тәнкыйть ишетсәгез, тизрәк үпкәләргә ашыкмагыз. Бәлки, бу тәнкыйтьтә хаклык та бардыр, уйлап карагыз, анализлагыз. Үпкәләү мөнәсәбәтләргә киеренкелек өсти. 

Аралар чыннан да суынып, артык киренкеләнә икән, тайм-аут алыгыз. Берәр атнага каядыр китеп яшәгез. Бу арада ул да, сез дә суынырсыз, яхшылап уйларга җай булыр. Ләкин үпкәләп, ишекне шапылдатып ябып кына чыгып китмәгез, югыйсә кире кайтып кергәндә кыенракка туры килер. 

Икегез бергә башкара торган шөгыльләр табыгыз – бергә пешерегез, бергә тәрәзәләр юыгыз, гөлләр күчерегез... 

фото: https://pixabay.com/ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7040
    1
    63
  • 6884
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    4672
    2
    49
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    6814
    1
    47
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»