Син нинди хатын?


12 нче урын — Чаян
Гаҗәеп сөйкемле, искиткеч акыллы һәм чибәр Чаян-туташ – дөньяда иң начар хатын. Чөнки бу йолдызлыкта туган кызларга өйләнү коллыкка сатылу белән бер. Сүз дә юк, шундый гүзәллеккә хезмәт итү мактаулы, әмма бер проблема да бар: аның катлаулы характерына өйрәнеп, күнегеп беткәнче пеләшләнеп, эректиль дисфункция булдырып һәм пенсиягә чыгып өлгерәсең. 


11 нче урын — Балыклар
Балыкка өйләнү өйдә песи асрау белән бер: йортта бик матур җан яшәячәк. Әмма... Бу йолдызлыкта туган хатыннар песи асрауга караганда кыйммәтрәккә төшә. Балыкның кәефе яхшы булганда гына аны кулга алып сыйпарга мөмкин. Бәлки, ул җавап белән кайтарыр. Һәм ир-атлар өчен бу наркотикка әйләнәчәк. Алар гомерләре буе Балык-хатыннарыннан сирәк кенә була торган «җавапны» көтеп яшәячәк, чөнки ансыз тормышлары буш һәм мәгънәсез булып тоелачак. 


10 нчы урын — Арыслан
Хатын – витрина һәм Халык хуҗалыгы казанышлары күргәзмәсе. Әгәр халык хуҗалыгы бу йолдызлыкта туган хатыннарының һәр колагына берәр каратлы бриллиант алка эшләп таба алмаган икән, эшләр харап. Арыслан белән аерылышып та булмый, чөнки аннан соң башка хатыннар төссезләнә, төп нөсхәнең копиясе булып тоелачак. 


9 нчы урын — Укчы
Шайтан хатын. Бу йолдызлыкта туган хатыннар турыдан ярып ирен кисәтеп куя: миңа үлемсез җаныңнан башка бернәрсә дә кирәкми. Юк, иренең күңелендә ниләр булуы бик кызыксындырмый аны, иң мөһиме: киләчәккә гарантия булсын. Ә уртак киләчәк Укчы-хатын аңлавынча менә болайрак: ул ничек әйтә – шулай булачак. Һәрвакыт. Югыйсә иренә мәңгелек тәмугта янырга туры киләчәк. 


 8 нче урын — Игезәкләр
Игезәкләр – куркыныч хатын. Ир-атларны герой итеп күрсәткән хатыннар бар, булдыксыз итеп күрсәткән хатыннар бар һәм Игезәк-хатын-кызлар бар. Алар иренең кем икәнен, аның асылын белә. Кылану файдасыз. Шуңа күрә дә күп ирләр үзенең ачылуыннан куркып, бу хатыннарны урап узарга тырыша. 


7 нче урын — Кучкар
Барысы да белә: Кучкар белән яшәү – вулкан өстендә утыруга тиң. Әмма күпләр мондый рискка нигә барырга кирәген аңлап бетерә алмый. Кучкар-хатын-кызның темпераменты кызуында теләсә нинди металлны эретеп һәм чыныктырып, хуҗалыкта кирәк булган матур әйбер ясарга була. Кучкар белән яшәүче ирләр белән дә якынча шулайрак. Һәм алар моннан бик канәгать.


6 нчы  урын — Үлчәү
Үлчәүләргә өйләнү һәрьяктан отышлы. Алар бар ирләр хыяллана турган «чын хатын-кызлар»: йомшак, күндәм, назлы, хуҗабикә, аш-су остасы, акыллы, чибәр һәм сексуаль. Бу – Үлчәүләр, шатланып, дөньяның ямен тоеп яшәгән көннәрдә. Әмма мондый көннәр еш булмый. Башка көннәрне Үлчәү-хатыннар истерика, җәнҗал, газаплану, елауларга багышлый һәм янындагы кешеләрнең баш миен ашый. Кашыклап. Һәм алар моны бик матур башкара. 


5 нче  урын — Сөмбелә
Иң яхшы хатыннар бишлеген Сөмбелә ача. Ул хатын гына түгел, ә иң яхшы дус һәм фикердәш. Бу йолдызлыкта туган хатыннар ир белән хатын бер-берсенә йә үзе сайлаган якка карап яшәргә тиешләр дип саный. Шуңа күрә Сөмбеләнең ире булу, бер яктан, бик отышлы — бүре өерендәге башлык кебек булачак. Дөрес,  чынлыкта  хатын башлык, рәсми рәвештә генә бу статус ирнеке булыр. Әгәр ир бүре тиресе ябынган сарык булмаса.


4 нче урын — Үгезбозау

Әгәр дә ир-ат шат күңелле хәерче икән, аңа бу йолдызлыкта туган кызларга өйләнү мәслихәт. Чөнки Үгезбозауларның мондыйлардан уңышлы ир ясау сәләте бар.  Башына таба очучы тәлинкәне кызык күренеш дип уйлаган ир-атларга да Үгезбозауларга өйләнергә мөмкин. 


3 нче урын — Кәҗәмөгез
Кәҗәмөгез йолдызлыгында туганнар — гаилә бәхете рецептын төгәл белгән хатын-кызлар. Идеаль ир-ат идеаль хатын-кызга өйләнергә тиеш. Башкача мөмкин дә түгел! Шуңа күрә дә Кәҗәмөгез-кызлар гашыйк булу дигән мифка ышанып түгел, ә бар яклап уйлап-исәпләп кияүгә чыга. Аннары үлем аерганчы, идеаль ирләре белән мәхәббәт һәм татулыкта яши. Идеальлек критерийларын санауда мәгънә юк. Кәҗәмөгез-кызлар кемне сайлый, шулар идеаль инде. 


2 нче урын — Сукояр 
Сукояр-хатын – мифик хатын-кыз, ир-ат хыялындагы төп героиня: мәңге яшь (туксан яшьлек Сукоярлар беренче курс студентлары кебек дөньяларын онытып көләргә мөмкиннәр), мәңге гүзәл, чөнки аларның темпераментын еллар үзгәртә алмый, мәңге серле, чөнки ул ире янәшәсендә булып та үз дөньясында яшәргә мөмкин. Ләкин бер генә проблема бар: «Зинһар өчен, миңа кияүгә чык», – дип, артыннан йөри-йөри ир-атлар йөз аяк киеме туздырырга мөмкин. 


1 нче урын — Кысла
Кысла-туташны кияүгә чыгарга күндерү җиңел түгел, әмма бу карарга килә икән, ул үзен бар яклап ачачак: акыллы да, чибәр дә, хуҗабикә дә. Өйдә идеаль тәртип, балалар тәрбияле, иренең туганнары белән дус-тату яшәчәк. Яраткан кешесенә һәрчак ярдәм итәр, һәрвакыт аңа ярарга тырышыр, чөнки гаилә – аның өчен иң мөһиме. Әмма ир гаиләгә карата берәр хилафлык эшли икән, Кысла аның бер җиреннән кыскычлары белән каптырып алачак. Бу вакытта ир нигә Чаян-хатынга өйләнмәдем дип үкенеп куя ала, әмма үкенми, чөнки Кысла кысса да, аның белән яшәү рәхәт. 

Чыганак: https://zen.yandex.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7176
    1
    64
  • 6999
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    4831
    2
    50
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    6969
    1
    48
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»