Татарча мультфильмнарны кайдан карап була

Бөтен балалар да мультфильм карарга ярата. Күбебез, әле әти-әни булгач та, балалар белән бергәләшеп карап утырабыз аларны. Балачак эчкерсезлеге, шаянлык, матур төсләр һәм персонажларга кем генә битараф калсын икән? Моннан берничә ел элек татарча мультфильмнарны вконтакте челтәрендә стеналарда саклап калып карый идек. Югыйсә, алар күптән инде аерым сайтларда тупланган һәм карау өчен махсус җайлаштырылган икән. Үз җаегыз белән,  теләгән вакытта сез дә рәхәтләнеп карарсыз дип ышанабыз.

- “Татармультфильм” студиясенең рәсми сайты. Студия 2010 нчы елда ачылып, тамашачыга беренче тапкыр Габдулла Тукайның “Бала белән күбәләк” мультфильмын тәкъдим иткән иде. Бу вакыйгадан соң бер ел үтүгә, Габдулла Тукай әсәрләре буенча куелган 14 мульфильмны туплаган тулаем бер серия әзерләп чыгара алар. Ә “Кисекбаш” мульфильмы татар аниматорларының халыкара мактаулы баскычка алып чыккан беренче зур эше санала. Ул “Харьковская сирень - 2011” халыкара кинофестивальдә беренче урынга ия булган. Соңгы вакытта дөнья күргән “Сабантуй”, “Кырмысказки” шаян сериалларында татар халкының милли характеры, җор теллелеге, шаянлыгы һәм кунакчыллыгы сурәтләнә. Барыбызга да таныш татар әкиятләрен берләштереп, “Татар халык әкиятләре” дигән цикл ясаган бу студия. Бу хезмәтләре өчен бөтендөнья ТЮРКСОЙ җәмгыятенең махсус бүләге белән дә бүләкләгәннәр үзләрен. Әлеге сайтта мультфильмнар берьюлы 3 телдә: татар, рус һәм инглиз телләрендә тәкъдим ителә.

- Tatar cartoon исемле бу сайт үзен яңа татар мультфильмнарын иң беренчеләрдән күрсәтүче интернет канал дип таныштыра. ТР ның фән һәм белем бирү министырлыгы, мәдәният министырлыклары заказы буенча эшләнгән: “Шүрәле”, “Кем көчле?”, “Бал корты һәм шөпшә” кебек мультфильмнарны биредә онлайн карарга мөмкин.

- Мәгариф сыйфатын үстерү максатында эшләнгән «БАЛА» дип аталучы мультимедиалы интерактив китапханә татар телен һәм татар әдәбиятын өйрәнүгә юнәлтелгән. Сайтның җайлы, зәвыклы эшләнеше җәлеп итә. Бала.РФ сайтында бүгенге көндә татар телендә 34 мультфильм тәкъдим ителә. Алар арасында “Эш беткәч уйнарга ярый”, “Ак бабай”, “Төлке белән каз”, “Бүләк кемгә?” кебек әкиятләр бар.

- ТР фән һәм белем бирү министырлыгы тарафыннан балаларның ярткан “Фиксики” сериалы татар теленә тәрҗемә ителде. Дубляжны “Безнең халыкның мирасы” компаниясе эшләгән. Мультсериал 60 сериядән тора. Аны гамәлгә куючылар фикеренчә, бу туган телне өйрәнүнең бик уңайлы формасы. Моңа кадәр бу компания  фән һәм мәгариф министрлыгы заказы буенча «Трое из Простоквашино», «Малыш и Карлсон», «Винни-Пух», «Львенок и Черепаха», «Двенадцать месяцев», «38 попугаев», «Крокодил Гена», «Чебурашка», «Котенок Гав», «Золушка» кебек мультфильмнарны татарчалаштырган иде.

- Татарча мультфильмнарны шулай ук вконтакте сайтында https://vk.com/tatarcartoon, https://vk.com/bala_rf, youtube.ru да карарга мөмкин.

Алда әйтелгән сайтлар белән танышканда тагын бер кызыклы мәгълүматка тап булдым. Татармульфильм студиясе мәктәп укучыларын “Век Татарстана” исемле мультфильм ясауда катнашырга чакыра. Ул ТАССР оешуның 100 еллыгына багышлана. Мультфильм балалар иҗат иткән шигырь һәм рәсемнәрдән әзерләнәчәк, дип язылган конкурсны оештыручы рәсми сайтта.

 

 

 


http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    7828
    1
    107
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    6292
    1
    97
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5015
    4
    76
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4179
    5
    47
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7430
    1
    43
Реклама
Соңгы комментарийлар
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...