«Әниләр курчак уйный»

Бу серле дөньяга мин уйламаганда-көтмәгәндә килеп эләктем. Илһамлы, иҗатлы курчаклар дөньясы.

Өлкәннәрне тылсымлы балачак иленә җитәкләп алып керергә сәләтле туп-туры юл менә шушы икән, дидем. Курчаклар дөньясы көндәлек тормышны гармонияле итә, аңа үзенә бер әкияти тылсым өрә. Бу дөньяга бер чумганнан соң, мөгаен, анда гомерлеккә каласыңдыр. 
 
Әлеге дә баягы социаль челтәрләр «гаепле». Инстаграмда кулдан эшләнгән бер куян күреп калдым. Эксклюзив, үзенә килешле киемнәр кидертелгән, менә-менә җанланып китәр дә берәр әкият сөйли башлар төсле үзенә җәлеп итеп тора. Тик бәясе генә тешләшә: 3000 сум дип куйган авторы. 
Бер акча янчыгына, бер кул эшләре кәрзиненә карадым да үзем бәйләп карарга булдым. Ә кәрзинем минем кырыктартма белән бер: курчак бәйләрлек җепләр дә, аңа кием тегәрлек тукыма кисәкләре дә бихисап, килешлесен генә сайлап аласы. 
Соңгы елларда үзем «хэндмейд» – кулдан эшләнгән әйберләргә мөкиббән. 
 
1 нче киңәш. Кул эшләре белән шөгыльләнергә яратучы хуҗабикәләргә шуны әйтәсе килә: тәвәккәл булыгыз! Кулдан эшләнгән «эксклюзив» әйберләрне сатып алганчы, үзегез эшләп карагыз. Нәтиҗәсе дә сөендерер – сезнеке дә һичшиксез эксклюзив булачак! Эш барышыннан да канәгатьлек алырсыз, чөнки сез яңа идея белән танышасыз, яңа күнекмәләр үзләштерәсез, үзегез өчен яңа дөнья ачасыз. Хатын-кызга яңа кичерешләр, яңа эмоцияләр, яңа тәэссоратлар һәрвакыт кирәк. Бу аны хатын-кыз энергиясе белән баета. 


Интернет сәхифәләрендә курчаклар бәйләргә өйрәткән мастер-класслар да, әзер схемалар да шактый булып чыкты. Баксаң, курчак тегү, бәйләү күптән инде үзе бер сәнгатькә әйләнгән икән. Бу өлкәдә үзенең йолдызлары да барлыкка килгән: Тильда курчаклары (авторы – норвег дизайнеры Тоне Финангер), Татьяна Коннэ курчаклары һәм башкалар. Болар – сәүдә маркалары алган брендлар булып киткәннәре. Өлгеләреннән үк таныла торганнар. Ыргак белән, инәләр белән бәйләгәннәре бар. Бу ысул амигуруми дип атала – борынгы япон техникасы буенча бәйләнә. 


2 нче киңәш. Гадидән башларга кирәк. Өйрәнчекләр, гадәттә, артык тәвәккәл (беренче киңәшкә кара) була һәм катлаулыны сайлап ала. Һәм шунда ук технологияләр белән бәхәскә керә. Ахыр чиктә, башлаган эш төгәлләнмичә кала, күңел кайта. Ә калган эшкә кар ява. 
Матур күренгәнен, өйрәнчекләр өчен җайлырак булган схема табып, беренче курчагыма тотындым. Билгеле, куянкай рәсемдәгечә үк килеп чыкмады. Икенче уенчык – хаталар өстендә эш булды. Бу юлы схеманың башкасын сайладым. Ниһаять, күңелгә ятышлы уенчык килеп чыкты. Балаларга да ошады. Ә үземнең күңелдә сандугачлар сайрый, күбәләкләр бии, мин – Пигмалион! Миңа рәсемдәге, башка автор ясаган курчак кирәкми, бушка бирсәләр дә аласым юк, миңа үземнеке кадерле. Илһамланып, канатланып өченчесенә тотынам. Дүртенчесенә... Минем инде җеп, тукыма, тасма, челтәрле кайма, төрле төймәләрдән торган запасларым бетеп килә, мин кул эшләре кибетенә чабам. Андый кибетләр бик күп. Мин аларның һәркайсының адресын, кайсында нинди кирәк-ярак сатылганын, бәяләрне беләм. Ләкин ул кибетләргә кергән саен, сайлау иреге алдында югалып калам. Миндәге идеяләр ташкынын буып тоту кыенлаша башлый, кулымнан килсә, кибетне өебезгә генә алып кайтып куяр идем. 

3 нче киңәш. Камиллекнең чиге юк. Шуңа да кибеткә барыр алдыннан, нәрсә кирәген төгәл күзаллап, хәтта ки язып чыгуың кулайрак. Моның өчен булачак курчакка ниләр кирәген мөмкин кадәр төгәл чамаларга кирәк. «Кирәге чыгар, бәлки» дип, кызыгып алган әйберләр тартма төбендә ятып калуы ихтимал. Әрәм-шәрәм итә торган вакыт түгел: хоббилар болай да кыйммәткә төшә торган заман. 
Камиллекнең чиге юк, дидем. Минем башта туган курчаклар образларына куллар өлгерә алмый. Зефиркадан соң бер-бер артлы Парижда яшәүче кыз, Китап укучы кыз, Режиссер кыз, Патша кызы барлыкка килде. Чиратка тезеләләр генә: Льюис Кэроллның «Алиса в стране чудес» әкиятеннән Куян, үзем язган әкиятләрдән геройлар... Китап укучы кызымның «капризларына» да түзәргә туры килде хәтта: киемнәрен килештереп кенә булмый бит! Өч кофта бәйләдем, ике ыштан тектем үзенә. Бакыр чыбык табып, күзлек тә әмәлләргә туры килде. Букча «сорап алды», шарф бәйләтте. Әлбәттә, боларны мин шушы әкияти дөньядан торып сөйлим. Чын мәгънәсендә курчак уйнаган кебек, шулай бит? Ни гаҗәп, шушы шөгылемә утыруга, кечкенә кызларым да комачауламыйлар, үзләренә уен яки берәр мавыгу табып, янәшәмдә кайнаша башлыйлар. «Курчак уйнап» утыручы әнинең күңел халәте аларга да йога, дияргәме соң инде... 


 
4 нче киңәш. Арт-терапия практикасында курчаклар терапиясе юнәлеше дә бар икән. Моңа гаҗәпләнәсе дә юк. Үз кулларың белән тудырган яки дөньядагы иң якын кешең – әниең тегеп биргән курчактан да җылырак, йомшаграк уенчык була аламы? Андые булганда, пластмассадан койган салкын курчакны кочаклап йоклыйсы килми шул. Балаларга мондый курчакларның күзләре урынында ике төртке генә торуы, авыз-борыннарның булмавы да ошый. Боларны ул үзенең фантазиясенә калдыра. 
 
Ә иң мөһиме: мондый курчаклар – менә дигән бүләк! Балаларга гына түгел, иптәш кызларыма, туганнарыма рәхәтләнеп бүләк итәм. Билгеле, мин дизайнер түгел, әмма аларның һәркайсына кул җылысы кергән, һәркайсы эксклюзив, бөтен матурлыклары да камил булмауларында... дидем дә, «Бу сүзләрне мин язаммы соң?» – дип хәйран калдым әле. Чөнки кайчандыр мин кул эшләре белән «җенләнүчеләргә» бик ерактан, хәтта ки биектән торып караган кеше. Үземне, кулымнан килми, ялкаулыгым көчле, дип ышандырган чаклар. Буш вакытны заяга уздырган чаклар булган икән ул. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7168
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4462
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2938
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9616
    6
    35
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4787
    0
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда