Балагыз нәрсә ясый?

Ясаган рәсеменә карап, бәләкәй рәссамның күңелендә ниләр барлыгын белеп була, диләр. Курку яшиме анда, шатлыкмы – барысы да ясаган рәсемнәрендә чагылыш таба.

 

Гаилә портреты

Балалар еш кына үзенең гаиләсен ясый. Игътибар белән карагыз әле: кемне ничек итеп ясаган икән ул? Әгәр дә гаиләнең барлык кешесен дә бер рәткә тезеп, барысын да җитәкләндерсә, бала үзен яратуларын тоеп, өйдәгеләрнең барысына да ышанып яши. Аңа бу кешеләр белән рәхәт, ул үзен якланган итеп тоя.

 

Бала үзенең янәшәсендә иң ышанычлы кешесен ясый. Берәрсе белән ике араны ераграк итеп калдырса яки ул кешене тәрәзә артында, койма артында итеп ясаса, димәк, бала аның белән аз аралаша, ышанып бетми. Кайчак үзенең эне-сеңелләрен дә шулай читтәрәк ясарга мөмкин. Бу аның көнләшүен һәм әти-әнисенең игътибары өчен көрәшүен аңлата.

 

Ак кәгазьгә иң беренче итеп кемне ясавын белешегез. Иң беренче итеп үзен ясаган баланы эгоцентрик дип атарга ашыкмагыз. Шулай булырга тиеш. Ә менә ул бары тик үзен генә ясаса, әти-әнигә сагаерга кирәк, димәк, бала үзен ялгыз хис итә, үзен бу гаилә әгъзасы итеп тоймый. Үпкәсе булган кешесен дә ясамый калдырырга мөмкин. Гадәттә, балалар иң соңыннан гына өйдәге эт-мәчеләрне ясый. Аларны үзеннән соң ук ясаса, димәк, ул үзен ялгыз хис итә һәм аның өчен иң ышанычлы дуслары – йорт хайваннары.

 

Таяк, таяк, түгәрәк...

3- 4яшьләрендәге сабый ясаган кешеләр адәм балаларына караганда, күбрәк гуманоидларны хәтерләтә. Аның башы кайда да, аягы кайда булуын аеруы кыен. Кайчак куллары булмаска да мөмкин. 5-6 яшьләрендә ул инде кешенең барлык тән өлешләрен дә ясый. Ниндидер өлешне ясамый калдырса, сагаерга җирлек бар

 

Реклама

Үзе курыккан кешеләрне бала озынрак куллы итеп ясаучан. Димәк, бу кеше аңа кайчандыр суккан яки бала аны сугарга мөмкин дип уйлый. Әти-әнисе баланы еш ачуланса, ул аларның авызын ясарга «онытырга» мөмкин. Киеренкелек тойган бала кешеләрнең аякларын юан итеп ясый. Шул рәвешле ул интуитив рәвештә ныклыкка омтылмакчы була.

 

Үзен кешеләр арасында уңайсыз хис иткән бала кешләрнең кулларын ян-якка җәйдереп, озын бармаклы итеп ясаучан була. Ә менә кешеләрне озын аяклы итеп ясаса, бу аның бәйсезлеккә омтылуы. Кулларын өскә күтәргән кешеләр баланың күңелендә яшерен ачу, агрессия барлыгына ишарә.

 

Баланың темпераментын билгелибез

Гиперактив. Тынгысыз балаларның рәсемнәре гадәттә бер якка авыш, симметриясез була. Агач ясаса, ул аны бер якка таба янтайта, яфраклары бер якта күбрәк, икенче ягында азрак булырга мөмкин. Кешеләрне, хайваннарны ясаса да, аларны тик кенә тора торган итеп тасвирламый, алар йә йөгерә, йә сикерә, йә кулларын чөя. Мондый балалар ясаган рәсемне буй сызык белән урталайга бүлсәң, әлеге сызык җиргә карата перпендикуляр булмый.

 

Агрессив. Мондый балаларның рәсемнәрендә очлы почмаклар күп була. Хайваннарны, кешеләрне ясаганда, очлы-очлы тешләр сурәтли. Кайчак аларның кулларына кылыч яки пычак тоттырырга мөмкин. Конфликтлы балалар кешеләрне ешрак зур авызлы, үткен тешле итеп ясый.

 

Хафаланучан. Беленер-беленмәс кенә сызыклар яки кара таплар – баланың күңелендә шөбһә булуын күрсәтә. Зур итеп ачылган кара күзле кешеләр, катып калган бертөсле позалар – тирә-юньдә куркыныч юкмы, дип, тыңланалар диярсең. Андый балалар үзләрен кайдадыр бер почмакта бик кечкенә генә итеп тасвирларга тырыша. Күңелендә курку яшәгән бала фломастерлар белән ясарга яратмый, рәсем ясаганда бетергечне күп куллана, бер сызган сызыгын кабат-кабат йөртә.

 

Ата-аналар игътибарына:

Баланың бер рәсеменә генә карап, ниндидер нәтиҗәләр чыгарырга ашыкмагыз. Рәсемне ничек ясавы кайчак бит күңел халәтенә дә бәйле. Әмма инде рәсемдәге кайбер детальләр һаман-һаман кабатланса, әлеге сурәтләрне балалар психологына күрсәтеп карагыз.

Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 18 ноябрь 2019 - 15:26
    Фәнүзә
    Бик моңсу... Уйлап карасаң, бер гөнаһсыз күпме бала әти-әни җылысыннан ятим кала. Аларның да бит башкалар кебек үк сөеләсе, наз аласы килә. Әти-әнисе белән бер табында, бергә утырып ашыйсы килә. Ә андыйларның саны чиксез... Көнкүрештә аяныч язмышлы гаиләләр турында еш ишетелә. Ләкин, ярдәм кулы сузучылар гына санаулы. Дөньябызда киң күңелләр күбрәк булсын иде. Югыйсә, һәрберебез бәхеткә лаек...
    «Тәрбиягә бала алмакчы идем...»
  • 18 ноябрь 2019 - 15:26
    Без имени
    Елаттыгыз
    «Әни җырлап китте...»
  • 18 ноябрь 2019 - 15:26
    Фәнүзә
    Әлеге язманы укыдым да дус кызымның әтисенең әйткән сүзләре искә төште. Дус кызым йөргән егетем белән очрашуга әзерләнә. Әтисе көзге алдында ясанып торганын күрә дә, аны-моны кызыксынмый: "Аракы эчәме ул?", дип сорый. Кыз аптырап китә. "Юк", дип җавап бирә. Югыйсә, капкалап алырга яратканын бик яхшы белә. "Аракы эчә торган егет булса, йөреп тә торма. Томышыңда бик зур ялгышлык эшләрсең", дия аның әтисе. Дус кызым егетенең эчеп йөргән вакытларын зарланып миңа да сөйли иде. Әтисенең сүзен тыңлады. Һич тә үкенмәде. Аралары өзелгәч тә ул егетнең запойга китүе беленде. Шуны әйтәсе килә, кайвакытта якын кешеләребезнең сүзләренә колак салу да кирәк. Алар безгә бары яхшылык тели. Юкка гына элеккегеләр аракыны "шайтан суы" дип әйтмиләр иде. Ул суны эчкәч, дөрестән дә, шайтан котырта диярсең. Күп санлы аварияләр, фаҗигаләр, кыйнау, җәберләү... Күбесе әлеге дә баягы шайтан суына барып тоташа. Хатын-кызлар андыйлардан читтәрәк торса иде...
    Эчкән ир аракы эчмәс, хатынының күз яшен эчәр
  • 18 ноябрь 2019 - 15:26
    Без имени
    Если эта история из жизни, может Энже можно помочь найти маму и родственников через передачу " Жди меня" Чудеса в жизни бывают Так хочется, чтобы она была счастлива
    Язмышларны сайлап алмыйлар
  • 18 ноябрь 2019 - 15:26
    Без имени
    Уз баланны ничек яратмаска киряк, 13 яшьтя ул бала нярся анлый ала? Никах укытып куеп алдагы юлларын ябу була тугелмя? Кечкеня бала эни кушканны эшли, узе эле анламый бит.бэлки аны алдагы кондя зур мяхябят котядер? Ашык маска киряк,кыз чаклар болай да тиз уза. Э хязер нярся инде, егет кулга алынган,э бялякяй кыз баланын кунгеле китек. Без олылар ,тормыш тяжрибябез бар,баланын бяхетле булуы безнен кулда, укытыйк,тярбиялик,устерик язмышына аяк чалмыйк, кулына профессия бирик. Э алдагы конендя уз бяхетен табар,
    13 яшьлек кәләшме, корбанмы? 
Реклама
Кешелек хакында фәлсәфи уйланулар, робот София һәм ипи
Балачак – уйнар чак...