Әле соң түгел...

(кыйсса)
Бер кеше вакыт-вакыт ялгыз калып, кылган гөнаһлары һәм хаталы эшләре турында уйлый да: «Минем кебек гөнаһлы бәндәне Аллаһ Тәгалә үз коллары арасына алырмы икән?» – дип үз-үзенә сорау куя. Аннан: «Юк, алмас, чөнки мин кылган гөнаһларның саны чиктән ашты. Раббым аларны гафу итмәс. Бәлки, мине коллар дәфтәреннән дә сызып ыргыткандыр...» – дип җавабын да үзе бирә икән.
Ахирәт тормышы турында уйлый-уйлый эче пошкан бер көнне шул дәвернең пәйгамбәре хәзрәте Муса галәйһиссәлләм янына бара һәм күңелен тырнап торган сорауны бирә: «Әй, Аллаһның Рәсүле, син Раббым белән сөйләшәсең, сорауларыңа җаваплар аласың. Сиңа үтенечем бар иде. Аллаһ Тәгаләгә минем соравымны да җиткер әле: «Раббым мине коллары арасыннан чыгардымы, әллә бу кадәр гөнаһ кылуыма карамастан, дәфтәреннән сызып ташламадымы?» – ди. 
Муса галәйһиссәлләм Тур тавына барып Аллаһка теге кешенең сорауларын бирә: «Йә, Раббым Аллаһ, Сиңа бөтен нәрсә мәгълүмдер. Ул кешегә ни дип җавап бирим?» – дип сорый. Аллаһ Муса галәйһиссәлләмгә: «Ул кешене коллар дәфтәреннән чыгарып ташламадым, исеме Җәһәннәм коллары дәфтәрендә тора», – дип җавап бирә. 
Муса галәйһиссәлләм кайтып әлеге бәндәгә җавапны сөйләп бирә. Көтмәгәндә, теге кеше сәҗдәгә китеп, Аллаһка шөкер итә башлый. Муса галәйһиссәлләм: «Ул кеше мине ялгыш аңлаган ахрысы», – дип уйлап, сүзләрен янә кабатлый. Теге кеше җавабында: «Әйе, дөрес, мин бит нәкъ шуның өчен шөкер сәҗдәсенә киттем. Иң мөһиме – Аллаһның коллары дәфтәрендә калуым. Аннан сызылмаганлыгыма мең шөкер. Чөнки Раббымның гаделлегенә иманым камил. Ул беркайчан да ялгыш эшләми, золым итми. Әгәр мине Җәһәннәм дәфтәренә язган икән, димәк, мин шуңа лаеклы. Ләкин, шушы сәгатьтән соң иң катгый рәвештә тәүбәгә киләм, гөнаһсыз тормышка кайтам. Моннан соң Җәһәннәм коллары кыла торган гамәлләрне түгел, ә бәлки Җәннәт коллары башкарган гамәлләрне генә эшләячәкмен. Бәлки бераз вакыт узгач, Раббым миндәге үзгәрешләрне күрер дә: «Бу кеше тормышын, гамәлләрен, ниятләрен үзгәрткән икән, мин дә аның исемен Җәһәннәм дәфтәреннән Җәннәт дәфтәренә күчереп языйм» дияр. Моңа һич тә шик-шөбһәм юк. Мин Аның гаделлегенә ихлас ышанам. Кем нәрсәгә лаек булса, Раббым шуны язар», – ди.
 Нәкъ шул вакытта Җәбраил галәйһиссәлләм килә дә: «Йә, Муса, ул бәндәгә шуны сөйлә – исеме аның Җәһәннәм дәфтәреннән сызылып, Җәннәт дәфтәренә язылды. Бу кеше тормыш рәвешен һәм ниятләрен төзәткәч, Раббыбыз да аңа карата мөгамәләсен үзгәртте», – ди. Муса галәйһиссәлләм: «Әй, Аллаһның Җәннәт колы, сиңа сөенечле хәбәр ирештерәм – исемең Җәннәткә керергә лаек коллар дәфтәренә язылды!» – ди. Әлеге кеше: «Әгәр алга таба да исемем Җәннәт дәфтәрендә нык торырлык дәрәҗәдә гамәлләр кыла алсам, төп шатлыгым шунда булачак. Ин шәә Аллаһ, мин тормышымны начар якка үзгәртмәм һәм гаделлек иясе Раббым исемемне язган дәфтәрдән чыгармас!» – дип җавап бирә.
Аллаһ Тәгалә Коръәндә «Рәгъд» сүрәсенең 11 нче аятендә: «Кол кылган гамәлләрен үзгәртмәгән тәкъдирдә, Аллаһ ул колга биргән нигъмәтләрне дә үзгәртмәс» дип инсаннарны искәртеп куйган.
Алда сөйләнгән кыйсса һәммәбезгә дә фәһемле сабак, файдалы дәрес. Кеше үзен яхшы якка үзгәртү өчен тырышырга тиеш. Ниятебез изге, эш-гамәлләребез төзек булганда гына Аллаһның рәхмәтенә ирешеп була.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 16 декабрь 2020 - 09:32
    Без имени
    Рәхәтләнеп укыдым, аңлаешлы итеп язылган, үтемле кыйсса. Авторга рәхмәт.
Хәзер укыйлар
  • 7902
    1
    69
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7883
    1
    55
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5802
    2
    53
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    4153
    1
    46
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»