Хатын-кызга мәчеткә йөрү дөресме?

 

«Хатын-кызларга мәчеткә йөрергә ярыймы? Төрле кеше төрлечә сөйли, кемдер, мәчеткә хатын-кыз йөрми, намазыңны өеңдә укы, ди. Динебез моңа ничек карый икән?» – дигән сорауларны еш ишетергә туры килә. Аларга Сәйдә абыстай АППАКОВА җавап бирә. 

– Әлеге сорауны миңа күп бирәләр. «Мәчеткә барган идем, анда хатын-кызлар юк диярлек. Бәлки, безгә мәчеткә йөрү тиеш түгелдер?» – диләр. Нигә йөрмәскә тиеш соң әле ул? 1990 нчы елларда, элегрәк тә, Мәрҗани мәчете хатын-кызлар белән шыгрым тулы булды. Утырып торырга түгел, басып торырга да урын булмас иде. Шәһәрдә бер генә мәчет. Халык дингә бик сусаган вакытлар. Әгәр рөхсәт булмаса, имамнар туктаткан булырлар иде. Берсе генә дә безне кире бормады. 

Хәзер инде мәчет-мәдрәсәләребез бик күп, Аллага шөкер. Имам-абыстайларыбыз да җитәрлек. Һәркем үзе алган гыйлем белән гамәл кыла. Әмма шуны белеп яшик, мәчет – Аллаһу Тәгалә йорты, аңа һәркем керә ала. Бер генә кешенең дә: «Ник килдең? Хатын-кыз намазын өендә генә укырга тиеш!» –  дияргә хакы юк. Мәчеткә йөрү хатын-кызның үз ихтыярында. Коръәндә бу хакта аятьләр китерелә. Аллаһы Тәгалә: «Намаз бозык эшләрдән тыяр. Мин Адәм балаларын бу дөньяга сынар өчен яралттым, акыл бирелгән икән, акылның зәкятен намаз белән түләсен!» – диде. Ирләргә генә димәгән бит, Адәм баласына дигән. Пәйгамбәребез Мөхәммәд (с. г. в.) әйтә: «Мәчеткә баручыга, аннан кайтучыга Аллаһы Тәгалә җәннәттә ризык әзерләп куяр», – дигән. Ир-атка гына димәгән бит ул да. Мөхәммәд пәйгамбәребезнең (с. г. в.): «Дингә иң (зур) күп зарар китерүчеләр – наданлык белән дин тотучылар», – дигән сүзе дә бар. «Үз башыннан чыгарып, динне авырайткан кеше иң соңында үзе уйлап чыгарган дини кагыйдәләр астында калып изелер», – болар да пәйгамбәребез (с. г. в.) сүзләре. Язмаларда: «Намаз укучыны тыймыйк, куркытмыйк, күңелен төшермик. Таләпләрен генә аңлатыйк, төзәтик, белгәнебезне өйрәтик. Дини кагыйдәләрне үзгәртергә беребезнең дә хакы юк», – диелә. 

– Элек хатын-кызлар мәчеткә йөрми иде, дип кырт кисүчеләр дә бар бит... 

– Йөрергә аның вакыты булмаган! 10–12 баланы өйдә калдырып чыгып китә алмаган. Менә аның ире, мәчеттән кайткач, имам сөйләгәннәрне түкми-чәчми гаиләсенә җиткергән. Хәзерге заманда да шулаймы соң? Хатын-кызның мәчеткә бару-бармавы турында катгый тыю да юк, фарыз да ителмәгән, үз мөмкинлегендә. Тәкъдимнәр генә бар. «Хатын-кызга җомга намазларын, гомумән, намазларын өйдә генә уку да рөхсәт ителә. –

– Кайбер язмаларда «хәерлерәк» дип тә язылган. Моны ничек аңларга? 

– Барлык гаиләдә дә ире: «Бар, җаным, намазларыңны мәчеткә барып укып кайт!» – дип озатып калмаганын да белә бер чор кешеләре. Гаиләдә берсе – бер, берсе икенче якка тартып яшәгәнгә күрә балалар да үз дигәненчә үсте. Шулай да хатын-кызлар кыю, тәвәккәл, ихласрак булды. Динебезнең алга китүенә без – хатын-кызга рәхмәт әйтергә тиеш. Ул елларда ирләр кайда булгандыр, дин белән кызыксынганнары санаулы гына иде. Укытучылар да хатын-кызлар булды. Әле хәзер дә шул күренеш. Мөхәммәд пәйгамбәребез (с. г. в.): «Әгәр белгәнеңне өйрәтмичә вафат булсаң, кабер газабының иң авыры булыр», – дип әйтеп калдырган бит. 

Аллаһы Тәгалә Мөхәммәд (с. г. в.)  өммәтенә биш вакыт намаз укуын фарыз итте. Бу биш вакыт намазны кайда укысагыз да: өйдәме, мәчеттәме – укы гына! Нияткә карап, гамәл кылына. Намазны мәчеттә укысаң, савабы 27 мәртәбә артык булыр, диелә. Сәламәтлегең, вакытың, мөмкинлегең, теләгең бар икән, рәхим ит, мәчеткә барып укы! Вәгазь тыңлап, күңелең тынычланып кайтырсың. Әмма мәчеткә йөрүнең үз кагыйдәләре бар, аларны да онытма! 

- Ул кагыйдәләр нинди? 

- Мәчеттә кул биреп исәнләшмиләр, кеше зекер кылып, дога укып яки уйланып утырадыр. Җилкәсенә кагылып, синең аны бүлдерүең бар. Мәчеттә кычкырып сөйләшмиләр.  Монда гайбәт тә булырга тиеш түгел. Гайбәт ул – мәет булган туганыңның итен ашауга тиң, бик әшәке гамәл, диелә. Аллаһы Тәгалә «Бүлмәләр» сүрәсендә (11 нче аять): «Бер кеше икенче кешене мәсхәрә итмәсен. Шәт, мәсхәрә ителгәне мәсхәрә итүчегә караганда хәерлерәктер», – ди. Аллаһы Тәгалә сиңа кирәкле мәгълүматны үзе җиткерә. Әгәр җиткермәсә, димәк, аның сиңа кирәге юк. 

Динебезне тотып, вакытында намазларыбызны укып, Раббыбыз тыйганнардан тыелып яшәргә язсын барыбызга да. Амин! 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7347
    1
    65
  • 7141
    0
    58
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7170
    1
    50
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5013
    2
    50
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»