Тулай торакны шау китергән туган көн мәҗлесе кызганнан-кыза барды. Озын буйлы, кара бөдрә чәчле Илдарны тиз арада студент кызлар сырып алды. Аларның барысы да чибәр егеткә ошарга тели иде. Илдар үзенә күрсәтелгән игътибардан уңайсызланды хәтта. Ул дусты Алексей белән рәхәтләнеп сөйләшә дә алмады: кызларның әле берсе, әле икенчесе кулынаннан тартып, холлга биергә чакырды.
